bbmama,

我問佢, 現在收生係120人, 咁學校會開四班定五班, 佢話四班.
我話即30 人一班, 小班教學黎講咪算多囉. 佢話一般學校小班教學有d 都35人.
我話當時校長在admission talk 時提過, 當人數多過某人數就會加班, 又講過一擴班會分幼小高小, 另一校舍係農圃道, 佢話係呀係呀, 因為開多一班要申請, 再詳細要問返學校再搵人覆我啊.
我話好丫,,,, 因我地有幾位家長都入選貴校, 亦都concern 一班幾多人的問題. 咁囉.....

或者你地都一齊打去問下, 睇下我有冇講錯.

---

whitepine,

我相信你打去都得架, 點知自己電話收唔收到. 況且120人, 我總信唔會個個去註冊, 你地waiting list 仲有機會架. 你自己打去問, 我估佢地都好樂意立即幫你望下個list 有冇你份, 知你咁有誠意, 可能加分, 就算每班30人, 都額外加多一個學位比你, 因為頭先文校長打比我, 佢話教育局其實比佢地32人一班, 不過佢地收30人咋.

農圃道校舍聽講係人地搬走定點, 我地用..... 不過2010 年入讀果批, 點計都係在舊校舍讀到升中架喇.

---

你咁咪冇咁煩囉, 我地兩公婆本住入lmc, 點知今朝老爺同老公見一見個榜, d 人開心到飛起, 老爺就覺得, 老公都係度必業, 做咩個孫要走去第二度.

tsl 係陳守仁啊.

另外人數方面, 你可以死心喇, 真係30人一班呀. 佢話可以32一班添架, 不過最終佢地都30人一班, 不過都要個個小朋友都真係註冊先係喎. 可能有機廿幾未到三十架. 不過waiting list 都會補上,.. 我估佢今年真係收足四班喇. 但又咁講, 30人一班, 雙語. 都係多左五個小朋友, 接受到的.

---

bbmama,

頭先文校長親自打來啊. 我有唔明的地方都叫佢講到我明啊, 佢又好好, 一part 一part 咁解釋, 問我明唔明.
若果所有小朋友都註冊的話, 30人一班係鐵一般的事實, 就算有人唔去註冊, 都有後補填上, 咁25人以上, 30人以下點都有架喇.
另外佢話我聽, 一個星期佢地有40堂. 10堂英, 10堂國語. 四班30人的小朋友, 即120人, 將會分成五班去學英 & 普, 再請多一個英文老師返黎, 咁就可以廿幾人一班咁去學語言.

再問埋新校舍, 佢話現在仲有四個課室係冇用的, 就算再出年都係120人, 佢地仍然未需要去新校舍, 再2012 年的話, 咁原本讀緊的都唔會轉過去, 新校舍用黎收新的小一生, 再加d 大哥哥姐姐, 我估起碼五六年級, 因為要帶住班小一bb.
因為我地班小朋友到時先小二, 又未可以帶到班小一生, 所以我地會留在舊校舍多架喇. 報告完畢 ^ ^

---