贊成用普通話教中文科嗎？

帖子列表  登錄   
蘇太 | 2010-11-18 21:25
Quote:原帖由 Charlotte_mom 於 10-11-18 17:12 發表
呢個問題, BK都好多討論, 各有論點, 簡單黎講, 鐘意就好鐘意, 唔鐘意就好唔鐘意
有人用廣東話比較傳情達意, 點鏗鏘押韻云云
我自己睇法係咁: 學好普通話, 係200%肯定既大催勢, 日日有聽有練普通話至會學得好, 既然係 ...


其實明白用普通話教文的好處，但到考公開試，中文科係有說話科，要用廣東話讀文章，小朋友中文課本用普通話教，咁點識讀？
我兩個小朋友讀小學時，都係用廣東話教中文，所以唔知普教中的學校，點安排小朋友讀粵語呢？會唔會額外上堂？
Charlotte_mom | 2010-11-18 22:17
除左中文科之外, 其他科都係廣東話教, 包括數學常識音樂體育等等, 小朋友日常之間溝通, 同屋企人溝通, 都係廣東話, 其實點會擔心小朋友唔識講廣東話?:question: (如果我女普通話真係勁到連講廣東話都唔願, 我都唔知講咩好)

係, 我女偶然有字會唔識讀, 但真係好偶然(除左上面講幾乎一世人都無咩點用過果d), 始終大家都係native廣東話人, 好易就矯正到, 好似我女以前唔識個呆字, 佢會話"好die", 唔識個"棒"字, 佢話"老師話好扮", 有既, 不過真係唔多lor, 同埋佢見到人地笑晒咁, 都知自己錯左, 下次都唔會再錯 (我女試過問我"口字下面木字果個咩字話?":happy: )

我當普通話係一種"工具", 要學好, 就要多接觸, 就係咁簡單(廣東話日日都接觸, 唔駛擔心喇)
Quote:原帖由 蘇太 於 10-11-18 09:25 PM 發表
其實明白用普通話教文的好處，但到考公開試，中文科係有說話科，要用廣東話讀文章，小朋友中文課本用普通話教，咁點識讀？
我兩個小朋友讀小學時，都係用廣東話教中文，所以唔知普教中的學校，點安排小朋友讀粵語呢？會唔會額外上堂？ ...
粉紅虎 | 2010-11-19 01:28
只係想分享吓....
囡囡k1就開始比佢讀普通話,當時心態係想囡囡多d與其他小朋友相處及學多樣, 無諗過第時升小一楝咩學校, 話哂都係3年後的事, 現才發覺是很有用, 囡囡今年小一, 學校中文課係普教, 囡囡的普通話越來越勁, 我自己就一般, 同囡囡一齊讀課本, 有d字普通話我真係唔識讀, 囡囡會教我, 係咪講你地都唔會信, 但真係事實, 學校有自己的一套教法, 小朋友係會識讀粵語及普語, 所以唔需要擔心佢地應付唔到, 同佢溫中文時佢都好自然讀普通話.

至於作文, 囡囡作完句子後, 會讀一次普通話睇吓通唔通順,用詞是否合適, 始終粵語同普語的文法真係好唔同.
mimi1102 | 2010-11-19 08:47
我都係只想分享下 :

我贊成用普通話教中文科.

我自己在小一時, 已經開始有得學普通話, 不過唔係普教中, 而係一個星期一堂的普通話堂, 去到中學同大學都係一個星期上一堂果隻普通話堂. 當時覺得自己的普通話都唔錯, 因為測驗考試考併音時, 我都可以攞到好高分, 但係, 到出黎做野, 先知道自己好水, 講的時候甩甩咳咳, 嚇鬼死人.

小女讀的幼稚園除了英文堂之外, 全用普通話. 今年已經k3, 學了三年, 我學左十幾年, 我可以話佢講的普通話, 係流利過我十倍, 日日浸住, 同一個星期一堂, 仲要係側重教併音的係好唔同.

所以我依家搵小學, 第一見事要睇下佢地有冇普教中班.

Quote:原帖由 粉紅虎 於 10-11-19 01:28 發表
只係想分享吓....
囡囡k1就開始比佢讀普通話,當時心態係想囡囡多d與其他小朋友相處及學多樣, 無諗過第時升小一楝咩學校, 話哂都係3年後的事, 現才發覺是很有用, 囡囡今年小一, 學校中文課係普教, 囡囡的普通話越來越 ...
[ 本帖最後由 mimi1102 於 10-11-19 08:49 編輯 ]
蘇太 | 2010-11-19 08:54
Quote:原帖由 粉紅虎 於 10-11-19 01:28 發表
只係想分享吓....
囡囡k1就開始比佢讀普通話,當時心態係想囡囡多d與其他小朋友相處及學多樣, 無諗過第時升小一楝咩學校, 話哂都係3年後的事, 現才發覺是很有用, 囡囡今年小一, 學校中文課係普教, 囡囡的普通話越來越 ...


都知道用普通話教學的好處，即係好似英中、中中，好多家長都希望子女讀英中，但唔係個個有能力，所以我覺得小學唔應該全校規定用普通話教中文，跟唔到果 D 好慘，到時兩頭唔到岸。

我只係見個親戚好驚，佢想個小朋友入這間小學，佢自己普通話唔係好得，所以要小朋友私補普通話，小朋友唔係幾鍾意，但就話唔可以 stop。親戚係這間小學的教職員，小朋友一定入到，佢見學校 D 小朋友，叻果 D 就好叻，但確實有小朋友感到好辛苦。
cow | 2010-11-19 09:08
Quote:原帖由 蘇太 於 10-11-18 21:25 發表

其實明白用普通話教文的好處，但到考公開試，中文科係有說話科，要用廣東話讀文章，小朋友中文課本用普通話教，咁點識讀？

所以好多學校都是中一到中三用普通話教中文科, 但中四開始只有一到兩班用.
xuandaddy | 2010-11-19 09:10
I think most pple are over concern whether the kids can catch up with the PTH being taught in class. That is the job of the teacher, and so long as they begin to learn it from small, it is not at all a big issue. It is just like learning another foreign language, but using the similar chinese characters. After all, in this globalised world, more and more foreigners (or westerns) are so keen to learn PTH in their own countries.
You can teach your kid Cantonese at home and thro daily life. But need to mastet the language (PTH) from proper education channel.

Also learning is not meant for passing the exams.

This is my personal opinion...with no offence.

Quote:原帖由 蘇太 於 10-11-19 08:54 發表


都知道用普通話教學的好處，即係好似英中、中中，好多家長都希望子女讀英中，但唔係個個有能力，所以我覺得小學唔應該全校規定用普通話教中文，跟唔到果 D 好慘，到時兩頭唔到岸。

我只係見個親戚好驚，佢想個小朋友入這間小學， ...
sweetsue | 2010-11-19 18:11
我是中文老师

说句实在话，普通话教中文不是喜欢不喜欢，选择不选择的问题，是很明显的大趋势。香港的家长都是很实际的，这个话题再过两年就不会有人再讨论了。

我在教中文时，不仅用普通话，甚至阅读材料都用简体字，有些家长不认可，我相信再过两年家长看到小朋友阅读简、繁体书都没有障碍，可以比其它学生接触到更多更主流的文字信息（香港及台湾出版的中文资料可以说是少得可怜），到深圳的书城购买大量又便宜的中文书，你就能体会到这是一种很大的优势了。

况且我真的觉得香港的小学生很可怜，首先是写繁体字真是麻烦，我问过很多小朋友，他们最不喜欢的科目是中文，因为字太难写了，另外还要多学一门普通话纯粹是浪费时间

因此，香港不仅应该用普通话教中文，甚至应该除英文的科目以外都用普通话教，应该写简体字，这样不仅能减轻课业负担，而且可以与主流的中文世界沟通无障碍。

顺便说一句，我教过一个耶鲁大学毕业的建筑师，她之前在香港上国际学校，基本没学过中文，在大学期间才学中文，就是普通话和简体字。从国际化的角度来讲，也不会认为粤语是中文，粤语就是一种方言，和中国的四川话， 上海话一样，在家里说，和亲戚朋友说就足够了。
Charlotte_mom | 2010-11-19 18:38
我自己認為, 小朋友慘唔慘, 係學既過程, 唔係學既野
我仔細個有語言障礙, 所有老師專家治療師一致叫我唔好咁早INTRODUCE咁多外語, OK, 我都明, 所以一路無特別俾佢學PTH
到K3, 仔仔考到一間普教中既小學, 越唸我越驚, 死啦! 記得女女果時話, 一年班入面得1個唔識講, 我仲唸個小朋友真慘, 因為學校好難就佢一個, 會追得好辛苦
而家, 唔通我仔變成"全班唯一唔識果一個?", 好擔心!
有次同學校家長講起, 佢介紹左個老師俾我, 本住"唔係太貴又1:1, 最多我自己一齊上"既心態, 我帶個仔去, 結果我仔係完全出乎我意料之外學得咁快(由細到大知個仔"唔識講", 請明白我呢個媽媽激動既心情), 快既程度係比同齡小朋友學得快
我仔小一, 開始識批評我D發音了:omouth: , 佢而家O係學校都好ENJOY學中文, 呢樣的確係我喜出望外的

sweetsue
講起簡體字, 我又無特別俾女女學(小5), 不過的確簡體書平過香港書好多好多好多, 我女有次想買 (果時新華書城搬), 我話簡體你唔識睇, 佢好想要, 點都話okokok, 買左
然後我發現睇得多自然會識, 我而家買既閱讀理解練習, 都係買國內的, 因為香港果d太straight forward了, 我覺得唔夠, 而家我女用國內練習, 我叫佢讀d文章俾我聽, 佢都讀到8成
我相信睇多幾年, 無難度喇...老實講, 我d簡體字都係上網睇"翻版小說網"學返黎的, 當你好想睇既時候(簡體字都要殺既時候), 有興趣自己會上手

簡體, 繁體, 我無所謂, 我無果d咩情意結, 我唸野都係講"實用", 識多樣就係識多樣
happyvalley | 2010-11-19 23:58
唔好再吹 la，當大學上堂時用普通話，先算 la。
2/3
首頁|前頁|下頁|尾頁
.
Powered by Baby Kingdom
立即打開