課文短問題=問返課文嘅嘢? 咁咪即係要熟讀課文囉⊙_⊙ 我十分重視閱讀，認為閱讀十分重要，所以自仔仔6個月開始，就跟他閱讀，而仔仔亦十分喜愛閱讀。 但我同時亦覺得喜愛閱讀，唔代表要唔做練習、咩都唔需要做。閱讀係輸入， 可以增加知識、理解能力等。 但我們要有輸出（做練習、寫作等），方能將我們輸入嘅東西轉化，真正變成我們擁有嘅能力。 而且做卷係要技巧，如時間上嘅掌控、答題嘅技巧 (越高年級，更需要答題嘅技巧）。而作文， 亦需要多寫先能夠越寫越好，即使一句簡單嘅句子，小朋友都要明白如何運用自己擁有嘅字庫、如何將一句句子寫得出色（但如何令小朋友願意多寫，又係另一個問題）。每個小朋友嘅能力唔同，我相信有些小朋友真係唔需要太多嘅練習，便能做得好好。 所以，我自己都會比適當嘅練習小朋友做，如數學，我會喺測考前比小朋友做嗰啲練習嘅test, 亦會將小朋友喺學校錯咗嗰啲嘅題目/題型，抄多一次比小朋友做（下學期考試前嘅温習時，會叫小朋友睇吓自己錯咩），唔穩陣嘅topic, 就唯有做吓練習。 中文: 我有比閱讀理解仔做，最近做咗一本，發現有啲題目嘅答案要求係要小朋友理解咗，再用自己嘅文字寫出嚟。 英文: 學校冇paper 考grammer, 但會要求小朋友喺writing時識用、識寫，所以， 我冇比練習仔做grammer, 而喺呢個情況下，仔絕對需要多寫，因為佢唔會喺寫嘅時候特別留意tense嘅運用，係憑直覺寫。 我覺得閱讀、練習可以同時進行，只要運用恰當，難道只閱讀，中學都可以唔需要做練習? 考dse唔需要做past paper? 以上只係我個人意見，我相信會有人唔贊同，但我只想作小小意見大家交流吓 :quiet:

---

其實篇分享係我寫嘅.... 背景：小女就讀34網女校，今年升小六，小一上學期係最尾幾名，中文僅僅合格，英文40分。經過不懈努力，伴讀，做練習，如今家長日老師反映中文係公認出色， 數學被評為 「有啲天份」，英文中等。 目的：由於學校屬於所謂「教淺考深」，如果只靠做功課去考試只會繼續包尾，必須做練習去熟習題型，但自問係偏向「閱讀派」，我原則係做練習越做得少越好。因此練習嘅選擇極為重要： 太淺就應付唔到考試，太深則令小朋友越做越挫敗；兩者都係令小朋友努力白費，實在寃枉。 選擇過程：文中的練習我女絕大部份都做過。 初初係做樂思同課室， 佢係做啱晒， 但測驗返嚟， 中文閱讀理解長答全錯， 數學八十幾九十分， 英文grammar完全不知所謂。細心分析發現中文長答部份係用樂思學科評估系列、教圖閱讀理解與策略， 或樂思教圖 TSA 卷文章， 而問題係老師出。英文考嘅 grammar係一啲老師認為學生要識嘅， 課文可以不理， 香港出嘅練習太straight forward。 因為學校係用Longman Express，所以之後試試英文轉做朗文同培生， 結果係只比之前好少少。與此同時， 學校派四年級書單， 轉用一本幾深嘅 grammar 書 (Round Up)， 即係要求再高咗。 到小五上學期，小女認為課室同培生嘅中文同數學太簡單， 自己揀咗幾本其他嘅嚟代替 (即係躍思閱讀策略精練、躍思三步達標數學同樂思高階數學)， 佢終於對數學冇以前咁抗拒 (佢以前覺得數學太簡單又枯橾，加減乘除咁容易都計完又計，佢一年級已同我哋抱怨話重重覆覆好似機械人)，成績保持水準(唔少同學下跌)。 可以講，所謂深淺係依據小女學校要求同佢本身情況而言， 因此我開宗明義已講係要跟學校要求同小朋友能力去買。目的只有一個：做最少嘅練習應付到考試!

---

教圖閱讀理解與策略就係我講嗰本閱讀理解，有啲題目嘅答案要求係要理解咗再用自己文字寫返出嚟，仔最初做時，做得唔太好，做咗幾個練習後開始有進步。

---

課文短問題=問返課文嘅嘢? 咁咪即係要熟讀課文囉⊙_⊙ ------- 係囉，原來要好熟課文，然後一定要寫到&答到課文內"key word" 重要字句。

仍然個句，初小個三年我真係無理過阿女中文，所以都無詳細分析考試題目模式。小四衰咗，知道咗考試模式喇，依家暑假及即將小五咁咪加強返課文內容熟悉情況，希望可以改善返，係度同大家報喜，一齊繼續分享成功與失敗嘅方法！

---

請問你是 jan? ---- 唔好意思, 我唔係好明您問題:question:我係在職媽咪

---