而且，糾正學校的不足之處，對自己仔女亦有好處。點解要維護校譽而咁盲從附和呢？

---

的士加價的新聞對小一生的程度而言勉強可接受，我認為呢個唔係興唔興趣的問題，而係究竟條題目對個小朋友有咩好處，可以教到佢哋什麼！的士加價，係一個事實而已，知又點？如果小朋友發問，點解的士加價？家長又可以點答呢？解釋供求定律嗎？的士加價呢D新聞不深，但無咩意義，就係條題目出得唔好。不過，老實講，根本呢張工作紙如果個目的只係引導小朋友去睇報紙，其實好失敗，一來D題目唔啱年紀，二來對小一生而言，從題目當中無咩可以學到，只係得個'知'字，完全唔夠基礎知識去理解。

舉個例，培養閱報習慣可以揀選適合的時事，例如今日單新聞話有個人帶隻野豬出街，點解警察要拉佢問話。看似好無聊，但呢單新聞係啱佢哋年紀，佢哋完全可以理解，可以解釋比佢哋聽野豬係野生動物，唔適合家居治養....、又可以解釋因為有人見個主人踢隻野豬，懷疑佢虐畜，所以警察要去調查件事，從而解釋動物亦有權利，人唔可以亂咁對待佢哋等等，仲有喺街度見到不公平事件，我哋都有責任去舉報等......點都好過問邊個演藝人協會會長辭職、也好過的士加價。

與其出張工作紙問問題搵答案，倒不如搵單有意義的新聞，叫家長同小朋友一齊討論吓有咩學到，譬如菲律賓風災，小朋友甚至可以講吓屋企姐姐都受影響等等，咁樣引導小朋友不是更有意義嗎？又可以比佢哋知道颱風的威力。自然災禍、動物、警察職責等事情小朋友都好有興趣知道的，唔係剩係打機佢哋先有興趣！你所列的事件通通都比的士加價更有意義，唔係關唔關小朋友事，係適唔適合小朋友的年紀的問題！

---

佢要明白，就自然會明.....咁講法，其實唔需要教，由佢自己攪掂咪得囉！

小孩有問題大人當然要答，但有D事情，佢哋無基礎知識去理解，亦有D佢哋心智未成熟去了解的，你點答佢哋都無法理解，就例如曾志偉點解辭職？呢個問題涉及商業社會利益問題同好多複雜因素，就係一例！問天文現象怎形成非常配合這個年紀，係應該要答，唔係你個小朋友有咩特別喎！

天災係呢個年紀小朋友會有興趣知道的事情，that's why我覺得天災新聞啱佢哋，而且係基礎知識，啱小一生去接觸。所以你個仔咪會問囉！老師揀呢類題材就係適合小一生年紀，而老師的確有責任去搵咁嘅題材！好似演藝人協會會長嗰條題目，咪唔啱年紀囉，我唔相信小一生會明白商業社會咁複雜的利益關係，因為佢哋根本心智未去到嗰個程度！

合適的深度當然係要家長自己先知自己子女去到邊，但做教育的，一班幾廿個學生，係需要搵適合嗰個年紀的教材，否則何需分級？全校6至12歲一齊上都得啦！

我亦唔同意公開考試有好多無意義的問題喎，基本上都係有意義的，用喺不同層面上。再者，或者公開考試偶有沒有意義的問題，但公開考試有改善空間有咩咁奇？

---

我反而唔覺個老師係特登出D咁嘅題目嚟彰顯學校有幾深幾勁，因為佢都唔知單嘢會攪到咁揚！我估係有家長都憤憤不平仔女做埋晒D咁嘅嘢，份工作紙先會流咗出嚟，喺報紙未登出嚟前幾天，喺家長圈已經廣傳了！我覺得根本個老師就唔專業，無教育工作者應有的視野。

---

我明白你所講的情況，其中一個原因，都同中國人對老師的觀念，和老師這個行業的習性有關。因為我以前在一間國際性的教科書公司的市場部工作，要接觸好多老師，基本上我要見的客戶對象就係老師。我第一日返工，我老闆(一個在這行業打滾了很多年的老江湖)已同我講︰你面對的是老師，雖然喺一般人眼中，老師咪又係一個行業，唔見得有咩咁巴閉，亦不是其他專業人士咁受人尊重，但係，老師慣咗在班房內一人獨大，所有人都要聽佢支笛，久而久之發展出一D自傲的性格，好多時覺得自己啱晒。同時，我哋中國人，或者可以講亞洲人的教育模式，都係老師講，我哋聽，好少發問，亦最好不要諸多意見，這也是老師覺得自己啱晒的原因，好難接受批評......

外國人的教育模式互動D，學生有意見會提出，老師亦傾向多角度思考，不設model answer，所以外國人的老師又無咁多唔接受批評的情況。

對於你所遇到的問題，我真係深表同情！明知老師係錯，你指正佢要好大勇氣，因為佢可能會視你仔女為眼中釘，或者特別針對你仔女，好多人基於咁嘅原因，都忍氣吞聲......

---

多謝分享！

---