其實我自己細個讀聖心AM, from KG to College, 當年小學每星期都默書，一星內兩次中文，兩次英文，聽咁講，好似現在變了？

---

[i=s] 本帖最後由 sip594 於 18-10-9 23:54 編輯 [/i] 聽你咁講，真係變了很多很多了！ 一個學期中英各默3次書，即9月默中文一次，10月中英各一次，11月中英各一次，12月默一次英文。中數常測兩次，英文測三次。範圍不多，都算夠時間溫習。測考默既野都係教咗。而且問題唔會取巧，是按照學生能力問的。雖然是半日制小學，但功課唔多，每日約6樣左右，約一小時多就做完。功課量和內容都有意思的，不是「無聊」的功課。 其實各學校都變了好多，很多津小，官小或私小都比聖心谷好多。相反，聖心私小課程變得不算谷，但有成效。 老師還比我想像中有耐性和愛心呢！

---

我女都係二年級，握握手(emoji) 我女又係超鐘意學校，第一日返學已經叫我唔好同佢轉校。今年分班，我問佢A班同學係米叻d，佢答我，校長話，所有同學都係精英，大家都一樣咁叻。我覺得呢個概念好好呀！ 同學之間相處好融洽，暫時唔覺有bully，邊個唔同邊個玩。當然，老師有時都好firm,但又好nice。

---

回想當年選呢間學校，我都比好多人笑，覺得點解唔去邊間邊間學校，走去選呢間。負面評價超多。例如，超谷，工友、老師冇愛心。要讀都讀津校。好多人讀唔上要跳船，好難跟，好深好深，大人小朋友都好有壓力！

---

但我想講，谷唔谷是相對，可能以前係谷，因為以前其他學校比較冇咁進取。依家好多津校程度都深，教得又快，功課又多。聖心私立係本書教深一年，但教得唔快，好多時間給小朋友吸收同埋應用。我女之前係讀happy school,開初溫書要好花時間，現在越來越快手。（不過我要求唔係要好高分）因為成日都測驗，所以習慣了搵習，到考試時，我地都覺得冇咩好溫，只係考小朋友細唔細心。考試又好爽，一日考兩科，快靚正。唔洗拉長時間溫習。我自己就好buy。 我點解講咁多，因為我覺得好多人對學校有負面既偏見，而我同孩子既經歷都唔係坊間咁樣。希望多些人真正了解呢間好學校。

---

如果你女女由一間活動教學模式嘅幼稚園，去到呢間小學都唔覺得辛苦，你囡囡好叻呀。 我想問吓，考入一間小學，學術係咪都要好強呢？面試嘅時候，係咪考晒中英認字，加普通話，加數學？ 面試模式，係指見小朋友定係都見埋家長？

---

我自己既心得係，千萬唔好打沉小朋友對學習既興趣。 小一開學一星期都冇，佢第一份英文quiz係拎蛋。這是不計考試分，不知道幾時有quize.教了就比份工作紙佢做。佢冇串過字，冇溫過，一個文盲拎蛋好正路。佢一拎份卷，喊咗出來。佢唔開心了幾日。對英文冇信心。 我比佢喊，一路喊一路攬住佢。最後，我解釋比佢知，唔洗驚，媽咪會幫你。我同你一齊溫習。 老師又好好，佢同學生講。比心機做份卷，試下做。拎一分都好。（我女講返比我知） 佢又好合作，一齊溫習。唔識做又提下佢，做啱又讚佢。有信心就肯記，肯串，自我感覺良好。學校英文課程編排得好好。好快就重拾自信。

---

你問考學校，是指考聖心私立？還是考其他直資私小？ 大部份考直資私小，學術都很重要。 以我所知，聖心就應該沒有考學術。如果有考，冇理由我女會過關。 我女係好內向，細膽。除非好熟，否則不會跟人說話的人（幼稚園時）。聖心收佢，我都覺得會唔會攪錯咗。我相信面試當日，老師問佢的問題，問正佢喜歡的問題，所以佢有得發揮。 現在返了一年小學。佢喜歡小學仲多過以前幼稚園。原來以前間幼稚園都唔夠聖心happy。 只能說，這學校很啱佢。 聖心很好的，面試不用見家長。面試學生一次就等收信。

---

謝謝你的分享呀 我雖然是舊生，但冇宗教，冇洗禮，住九龍，都唔知有無機會(emoji)

---