咁又唔係，兩者性質唔同。 前者係為咗增加知識以充實自己、增加求職本錢甚至轉行 （例如我相公，學士係電子工程，佢想轉行做網絡工程，就讀 MScIT）。 後者，真係為追求學問或做研究（例如我鍾意讀書，讀完學士未夠喉，始終想做啲學術嘢出嚟，大學畢業後做咗兩年秘書就讀 MPhil 還心願，之後出返嚟，又係做番秘書）。

---

如果未知自己之後係想打工定做研究，都係讀第一類好啲，如果讀咗例如 MSc 發覺自己可以再研究，隨時可以讀 PhD。 研究始終係不歸路，以我讀政治系嚟講如果讀咗 MPhil 甚至 PhD 重投職場都幾大犧牲：學歷固然好大可能冇人理(我嗰區嘅區議員係中大物理系博士，我覺得好嘥)，連工作資歷甚至人工都要重新開始。

---

我讀書年代都係一班人一齊討論深題目，都係以為而家冇啦。阿仔今年中四，估唔到佢哋仍然保持到呢個傳統，不過，唔係用口討論，係用discord打字一班人討論，好古怪！

---

會用討論群組互相分享和討論都好好吖！就算答唔到咀嘅都可以知道Ｄ高手的思路方向學習學習，一定有進步的呢！ｅ＋科技發達用手機用ａｐｐ就可以隨時隨地地討論數學，不似我哋以前只可以留校互動數學解題，我Ｄ男同學經常留响學校計數直至天黑才回家，我間唔中都會留底學嘢！:happy:有間課室長期都係俾我哋Ｄ計數學生佔據，學弟學妹皆以為"數學學會"日日聚會，不過，大家聚埋計數另一好處係可以隨時隨地去教員室搵ＡＭａｔｈ老師過嚟解難題。

---

佢班同學唔嘢少，有幾個已經準備緊Step，看來target G5。

我舊飯問係乜嘢，我send咗條past paper link俾佢自己睇。

---

有機會"問係乜嘢"，就已經俾人快一步擴闊數學世界的視野，講到尾也是好事。:excited::good:

---

以前的同學會一齊研究數學難題真系好難得. 而家好像好多人會上雞精班, 似終被動小小. 我覺得做數學解難要思考很長時間, 而且要深度思考. 唔好機械式操. 讀高級數學時需要較強思考力的時候就明白. 中學數學仍然可以用操數來達到好成積. 似終靠記憶的學習方法(尤其數學同物理)唔長遠.有時點解有些人問有些小孩小學數學高分, 到了中學尤其高中就跌, 就系太過倚賴記憶操熟題目, 而唔夠多練思考. 何為深度思考, 記得以前, 計一條比較有挑戰的數, 思考幾日幾夜, 睡前睡醒都唸住條數. 以前又無太多資訊, 無答案說要自己唸爆頭.
以前中學有個女同學中一,二數學操到第一二名, 中三就開始跌, 到左中四都入唔到A.math班.

---

你講起諗幾日嘅數學難題，想起都十分懷念，記得ＡＭａｔｈ老師經常出一些難題給我們回家做，亦鼓勵我哋諗到為止，故識解題嘅男同學不會隨便講出答案，日子耐咗大家都習慣用上一兩日時間解一條超級難題，亦久而久之諗數速度也大大提升了很多，記得嗰時有些同學的記性十分了得，以前响小學也是以操數為主，响初中時老師有好言相告叫他們不要留戀現在暫時擁有的數學高分，應該把以往的學習數學方法掉到腦後，必須多"思考"，越深入越好，鼓勵多Ｄ用上兩種方法練習解題，一種用腦憑空"快計"一次，感覺到解得通就可以了，另一種解題則盡量用未用過的方法去解題，所以，我哋以前嗰年代學數，真係""樂在其中:yummy :""。

---