數學幾兩極化，大部分入學成绩好普通，小部分都好勁，例如中大的數學精研，就係后者。 好多人只留意前者，就會當係水泡科。

---

多謝你的分享，都反映你很努力去為自己前途鋪排！ 大部分内容都認同，但部分可能不同人不同際遇，會有完全不同的發展及結果。有時候可以交流一下。

---

謝謝你解答。由於第一次聽到數學係水泡科係有ＤＤ唔慣，一直以為數學係嗰Ｄ愛數到一個想像唔到的地埗的人才會選讀純數學科，原來世代已經轉變了，就如同我仲細嘅年代，工程真係一門高質的學科，後來成為水泡科已經有少少唔慣，現在又多一科數學，唔知過多幾年十年又會出現邊一科呢？！可能我都係老啦！香港真的改變不少。

仲有，早一兩年帶女兒參觀中大時發現原來一向出名嘅天文學都已經沒有可以讀了，心中不禁有點兒嘆息。

---

[i=s] 本帖最後由 ANChan59 於 20-7-6 15:17 編輯 [/i] 時代唔同，年輕人的目標及理想都有變化，而且以前大學科目都來來去得幾個，現在精細細分，不能用以前的一個學科代入現在相同名稱的學科。 之前上面有人以為QFin 是在商學院，事實上在理學院，精算，RM也是在理學院，如果你將這幾料重視數學的神科跟數學掛扣，數學的整體收生根本不低，現在只是細分了。 補充多一點，不少學生為GPA考慮，有得簡，就避開國內數學尖子，所以香港學生成績好，會選擇需要數學要求較高的學科：

---

你講得啱！我認同這些通通都屬於數學細分出來的學科。想請教一下，純數學、純物理的學科知道响香港一定不屬於搶手科，會讀嘅人就更有可能被視為異類。咁！外國呢！你有無相關資訊可分享給我知嗎？:funny:ｔｈｘ．ｔｈｘ

---

外國我一直冇乜留意，不能給你太多資料。 兒子現在的工作事實上要數底好，但公司大多數人是會計底。他在 intern 會搵數好那些人，俾 return offer，當然在實習時俾多些 mini project 試他們的邏輯及分析能力。 另一些新增職位是 Data Scientist，都係數學為主，多是博士生加幾年外國經驗。

---

謝謝你的資訊先 :kissyou:

其實，個人認為數底好對好多工作都好有幫助，因為愛數嘅人總是喜歡用腦思考，對解決事情總有大幫助呢！我有個契仔，從小就愛數，邏輯分析十分強，耐何家庭問題中五就絕學了出來找工作做，展轉間响某中小型公司給上司留意到他數理邏輯十分強，推薦他往電腦部學習編寫程式，他不懂電腦，最初十分擔心應付不來，找我給點意見，我鼓勵他說電腦編寫程式尤如你做數學般可以得到相同的滿足感，他就憑著這原因就應承上司跟電腦部主管學習編程，人工大減是講明的代價來換取學習需激的學費，契仔絕對不介意，因為有如數學般的滿足感嘛！之後，不用我多講也知道他响"編寫程式"找到他數學以外嘅""另一片天空""。

---

同意，通常主修數學再master選擇硏讀邊個範疇。歐美各國包括中國數學系為熱門系，入學要求高於工程系，只是香港很多人仍然停留於數學為水泡科。當然，要大學畢業攞到好成績又另一樣事。

---

只有香港如是:funny:

---

我讀書年代，數學、工程都唔容易入。不過近年好唔同，香港近廿年好少人想讀數學、工程。

---