咁就讀左一年

帖子列表  登錄   
yvanjo | 2016-07-05 12:58
[i=s] 本帖最後由 yvanjo 於 16-7-5 12:58 編輯 [/i] 上年我地乙一抽到基道, 真係好開心, 咁就讀左一年, 可以同大家分享下過去一年o既感受~

當初有人話基道係二線, 叫我地就算揀二線, 都揀d進取d o既,
但係其實讀落, 基道都唔算係功課好輕鬆的學校~!
我唔係話佢好深, 我覺得功課係適中, 程度都合理.
上學期時同區內的寶校 / 一線學校比較過,
我覺得基道唔見得淺得過d一線學校 (可能我原先預想得那些一線學校太可怕, 不過再高年級就唔知喇!)
初初開學時, 同學們的底子差異十分大,
不過當時功課好淺, 應該不難pick up後來慢慢加上去, 每日有五六樣功課左右, 咁中英數常4科, OK啦!
(我見d寶校真係好少功課..)

當初揀呢間學校, 係因為參觀左呢間學校4次,
次次都有驚喜, 覺得學生質素好高 (i mean待人接物方面)
當然o個d可能係精英同學
但讀左一年, 更發覺整體學生都唔錯, 冇得呃.
猶記得9月剛開學時等小巴返學, 有個五年級生(非精英班) 問我仔讀邊班,
然後就逐個老師介紹, 話一年級如何如何好, 令佢幾懷念,
校園生活點點點, 令我同阿仔聽完都安心又窩心, 仲有少少期待
可能因為學校規模細, 同學們好容易混熟,
阿仔在上學期已經識到唔少師兄師姐, 去圖書館、IT房各樣都可以有人關照下.
所以我都叫阿仔第日要關顧下D師弟妹.

而且我發現基道的學生和家長, 不論是否精英同學,
就算在校外都會話自己間學校係一間好學校
雖然我唔知佢地點定義, 但係相比我同其他學校的小朋友搭訕,
發現佢地都苦好苦面, 有些一提到自己學校, 第一句comment就係"好多功課"
相比基道同學第一句話自己間學校係"好學校", 我就覺得我冇揀錯學校..

最後, 我想講基道的教學其實唔係低囉...!
而且基道對小朋友o既品德要求比較嚴格
間唔時都有小朋友比人罰小息同留堂
但唔係罰好耐, 可能係半個鐘咁, 志在警戒下.
當然初初唔會咁harsh o既!
咁做家長o既, 除左想小朋友讀書好, 都想佢做個好人o者~
所以家長都唔介意學校幫手教仔
(其實比人罰得留堂, 家長都心照啦~~咪就係平時o係屋企勸極都唔聽, o係學校發作出來囉~~)

sze.ant | 2016-07-06 00:39
謝謝您的分享,我仔叩門成功,今年會入讀一。起初對學校不太熟識,真的十五十六。看過你分享相信也很識合我的兒子🙏🏻😊

瑩希媽媽 | 2016-07-06 12:27
阿囡升小五啦,當年也是叩門入,頭兩年系幾輕鬆咖,三年級分左班,吾算輕鬆,精英班都谷加,其他班吾清楚了,反正總括來講程度吾算淺,大家努力面對

kayeea | 2016-07-11 16:21
Quote:原帖由 yvanjo 於 16-07-05 發表
本帖最後由 yvanjo 於 16-7-5 12:58 編輯 上年我地乙一抽到基道, 真係好開心, 咁就讀左一年, 可以同大家 ...
參觀左4次咁多??唔知佢9月有冇開放日

yvanjo | 2016-07-25 10:19
係呀,佢之前好似係11月左右有開放日的,當時我有參觀過其他學校,發現基道學生明顯接待能力高好多,其他學校應該都係搵尖子學生做接待同介紹架啦,但好多都係背稿咁,動作
yvanjo | 2016-07-25 10:27
係呀,幼稚園安排時又有去過,佢正式開放時又有去,有觀課日時我又申請左咁,因次次去都有驚喜,所以好神心地去左幾次~佢之前好似係11月左右有開放日的,我都有參觀過其他學校,人地應該都係搵精英學生做招待同介紹架啦,但係多數都背稿咁,動作亦比較機械式,但基道學生就十分自然,完全唔駛老師在場協助,已可主導全場,面對家長們的提問,亦回答得十分得體,甚至連家長呆下呆下地遊魂,都會主動來提醒,所以我覺得呢啲係平日教得好。有時我在小巴站,或者社區中心遇到啲學生,都覺得唔錯喎!可能因為基道特別著重品德教育,所以令人忽略佢學術其實都唔錯。
yvanjo | 2016-07-25 10:38
其實基道學習一啲都唔鬆懈,雖然全年係2測2考,但每次正式測考前兩三星期,每科都已有大量小測,小測成績不會列入成績表計算,旨在幫助學生溫習。記得上學期第一次測驗前,面對咁大量密集式的小測真係好緊張,因為嗰兩三星期,每星期都有4至6個小測和默書,加埋啲功課,真係人都癲!(當時仲要返全日呢!考試時返半日反而仲輕鬆!) 不過之後明白其實只係幫助學生平日溫習,唔好臨急抱佛腳,就平常心了,溫到就溫,溫唔到就由佢,最緊要正式測考時拎番啲小測卷,重點溫番尚未掌握好嘅地方~ 咁當雞精來溫其實都唔錯!:joyous:
Lsm948 | 2016-10-03 13:00
Quote:yvanjo 發表於 16-7-5 12:58 上年我地乙一抽到基道, 真係好開心, 咁就讀左一年, 可以同大家分享下過去一年o既感受~

當初有人話基道係二 ...

請問基道有net teacher嗎?

lamlam2016 | 2016-10-11 13:21
回覆 Lsm948 的帖子 英文PLP R/W會有net teacher,小一每星期兩次。

Cheung33333 | 2017-02-01 07:58
請問基道升中係咪九龍城校網?自行20分易入嗎?

1/2
下頁 | 尾頁
.
Powered by Baby Kingdom
立即打開