Re: 混合位及早期訓練的輪侯情況

帖子列表  登錄   
葆媽 | 2004-11-30 12:18
我女今年四月底開始排, 到而家仲未排到, 我問社工, 佢話九月新學期已分派一輪混合位, 而派到混合位的會放D早期訓練出黎, 如果那時段我女仲未排到, 可能都要等一段時間, 咁我問佢係咪要等到出年九月, 佢又話未必…..

我見其他都好快排到, 是否新界西區特別多人排???

我曾經同評估中心的ST透露過我女在協康上緊私人訓練, 會否影響輪侯情況??
mamee | 2004-11-30 13:02
我相信排混合位及早期訓練唔會因為有自費上緊私人訓練而影響輪侯.
就以每年8月份開學來講, 其實好像在1月份就已經開始派位, 之後3月派多次. 最後5月會派最後一次. 可能你女女四月底先開始排, 所以今年派唔到.
至於早期訓練都一樣=排隊囉. 聽聞至少都要等半年先排到, 還要看每區既位緊唔緊張.

我仔仔係03年1月排, 好好彩5月就派到混合位. 不過我就排港島區.

祝早日派到位.

mamee

ps 如有錯漏, 請其他媽咪更正. 我啲資料比較舊.
lemontree | 2004-12-06 10:09
各位, 你地好,

我想請問你地, 係咩學校會收融洽教育及早期訓練位呢?可否比d學校網址我查呢?
因我要此資料做功課, 麻煩哂, 萬分感激
承承媽媽 | 2004-12-06 10:20
葆媽,
真係睇一區區o架~~~!
同埋睇你會唔會咁啱揀正d多人輪候o既中心同學校啦! :roll: :roll:

檸檬樹,
幫唔到你,因為我地多數係去到見評估中心見佢地o既社工,佢到會俾份資料我地睇(不過唔係俾咗我地),然後俾我地揀,之前我地都唔知邊間學校有兼收位o架!
lemontree | 2004-12-06 10:33
承承媽媽

多謝你的答覆

可唔可 以話(pm)我知你揀左邊間, 咁我網上找料啦, 真係好麻煩你地, 但我只找到特殊, 沒有融洽及早期呢d資料, 所以再請你地幫忙
承承媽媽 | 2004-12-06 11:36
檸檬樹,
多數學校都唔會list出嚟,係因為怕d家長覺得學校有兼收位,可能會影響佢地自己小朋友,令家長卻步報校,所以多數都唔會列出的.
lemontree | 2004-12-06 13:40
承承媽媽,

真心好多謝你不厭其煩幫我解答, 實在有感麻煩左你, 我明白你的時間是好寶貴, 照顧小朋友已經不易, 實不忍再帶給你任何煩惱, 我已經找到一間小學有混合位, 係西區, Li Sing Primary School, 但沒有幼稚園的融洽資料, 我會努力, 並祝你一切順利

謝謝
葆媽 | 2004-12-06 16:05
Lemontree, 承承媽媽

我有幼稚園I位及早期訓練個LIST, 是評估中心的社工給我的. 可能當時我即時決定唔到揀邊間, 佢影個COPY 比我.
如果你想要, PM我留EMAIL.

不過要留意, 所有I位或早期訓練係唔可以自己上門揾的, 一定要經社工轉介.

想補充句,個list是四月時給我的，可能有Ｄ唔 update.
kmwun | 2004-12-06 16:30
lemontree

我在協康會砵蘭街中心見過一本"幼兒中心兼收弱能兒童計劃概覽"，不單只有學校名單重列出個別學校嘅簡單資料，不過無留意什麼時候出版的．
lemontree | 2004-12-06 16:36
真的好多謝你地無私的幫忙, 我會去試找, 希望有呢類資料, 可以完成功課啦.

謝謝大家
1/3
下頁 | 尾頁
.
Powered by Baby Kingdom
立即打開