01,
我之前又係簽咗唔去,而家覺得真係需要了解多啲,我都要問吓學校得唔得先.
你個仔而家習慣咗未呀?我諗好多讀活動教學嘅小朋友上到小學是要多一點時間去適應,我個仔最唔慣就係溫默習.

---

係呀！我以前d同事以為全職媽咪好得閒，久唔久就搵我做要返工／定期交野既兼職，我雖然成日話真係唔係好做到，佢地都硬係唔信！您仲要照顧個細既，更加忙喇．．

原來係故事媽媽，響邊組？咁都有機會相認噃:mrgreen:

響葵涌邨商場二樓有得賣英文字母膠貼紙，$6一包（綠楊商場賣$10包，但聽講教協賣最平），您可以俾d英文字母同有窿既白單行咭紙（好似$7蚊100張）個仔，叫佢背咗既字就砌番出黎．然後貼係書檯好，圈埋一疊，平日玩抽卡背字好（要玩比賽至好）．

我囡都鍾意咁溫習，仲可以放學同其他同學仔一齊吃下午茶時玩鬥串字（串到果個俾對手大動作咁握手，然後獲頒串到張卡紙，高舉示人），ok有趣架:-) ．當然，Longman隻CDR真係要得閒去玩去聽，

唔駛驚喎．我舊年都係適應得好辛苦（幾乎想轉校咁滯），但到咗下學期，就開始覺得愈來愈輕鬆（我囡算適應得慢，佢中文到而家先至肯自己睇漫畫，同埋真係睇d字:chair:

祝今年小一生同家長都較我地更快甩難:mrgreen: :mrgreen:

---

01：

10點半先瞓，咪日日唔夠瞓？有冇俾佢響放學後瞓返？
小一其實係建立6年學習規律幾關鍵既年頭，小朋友做功課慢，此情況最遲於下學期可能已適應，但若長期睡眠不足，就幾難集中到精神聽書?-(

不過最緊要係養成一個規律，放學後稍事休息便要開始做功課，完成功課先可睇電視（最好就睇書），咁上到高年級先至會行自動波．．．您而家已培養緊佢每天溫書既習慣，維持落去就真係唔錯:-D :-D

今天碰到池老師，她說P1暫只有一班因為未上圖書課，暫未清楚了解借書程序，其他小朋友都應知曉．

舊年我地都有幾多問題，例如P1同高年級生好似有分開每星期不同既日子去圖書館－－不過在規定星期幾外去借，其實都借到;-)．

另遲D會派既閱讀手冊，會詳細講閱讀獎勵計劃既野，到時就會更清楚．而由學校統一代辦的公共圖書館借書證，因為間間學校都係集中響果排做，所以會可能遲至11月先出到黎（其實自己去搞，立刻就會有證），請耐心等待:)

---