如果那個媽媽覺得個位小朋友令其他小朋友無法上課而沒有問題, 其他家長都要同老師商討下對策.......我本身都係唔贊成吃藥, 不過係要響不會影響別人, 小朋友亦唔應該錯失最佳的學習時間的情況下為大前題......
我仔 ...
我地都係咁教佢唔好理個同學, 但初期個同學係不停咁"了"我小朋友, 督佢背, 拍佢頭, 發出怪聲, 講說話激佢等等. 我小朋友話做唔到唔睬佢, 我都信. 於是我教小朋友向老師投訴, 但原來個同學"了"得密, 我小朋友投訴得多, 老師結果只能話: 遲D先處理.
有一次, 個同學上課時明目張胆係我小朋友枱上拎走枝鉛筆, 話係佢既. 我小朋友向老師投訴, 老師又話: 遲D處理. 結果當日不了了之. 我覺得呢位同學咁做, 係明搶, 呢種行為不能容忍. 翌日親自向老師投訴, 個同學先係老師面前還返枝筆.
有日, 我小朋友係屋企喊, 話個同學令佢好煩, 要調位. 我地教佢唔睬佢---做唔到, 好惡咁鬧佢---惡唔起. 當時我自己都好煩惱. 我唯有同小朋友講, 如果老師唔肯調位, 你又無法應付個同學, 咁我幫你轉校啦.
唔知係咪小朋友唔想轉校, 第二日第一次好強硬咁阻止個同學再搶佢既野. 另外, 唔知老師做咗D咩, 個同學亦收歛咗(我小朋友講既).
向好一方面諗, 或者呢個對小朋友係一種磨鍊吧.
如果個同學又再轉差, 我就要行動了. 其實, 我小朋友食藥後, 體重一直慢慢地下降. 但佢現在的環境咁樣, 無可能減藥.
