其實士德K3每日有兩樣功課（唔計堂上抄家課冊），中英數3選2．不過冇默書，小朋抄完多數唔係好記得，所以家長最好同佢玩串字或教育光碟．
仁紀P1全級考第2個位（聽講考唔到第1，係因為D術科，好似視藝、音樂、體育果D差少少），係士德生:-D :-D ，佢媽咪K1已經成日同佢串字，又做埋好多教育光碟，當然，仲要小朋友有興趣（佢會當冇得做功課係一種懲罰）．

---

puipui04：
校方會出一封個個學生都一樣嘅推薦信，但魔鬼在細節－－聽聞校長會另外打電話同友校嘅校長down聲，家長真係好難知道校長會點講，張校長總係話幫得就幫（不過果幾日好似唔係幾搵到佢）．

士德喺葵青區

bro_and：

阿囡果屆試過有同學仔揀浸聯，請荊冕堂嘅池牧師寫紙推薦，都有面試機會，仲入咗添（個囡囡本身都幾醒）．

荃官就要睇吓小朋友本身學術成績好唔好，阿囡有兩個較熟嘅同學仔入咗去，一個係綠楊果間YMCA教功課，導師跟得好，父母要求唔係咁高，話仲OK．另一個係全職媽咪教，苦水多好多，話功課每日7-8樣，每周中英默加上好似2-3星期有計分嘅測驗（仁紀除總測外，只有唔計分嘅堂上突擊小測），仲聽聞高年級唔係精英班嘅話，冇乜人理．

仁紀而家少咗功課（其實班班嘅功課量都唔係好一樣），同學仔多數都適應到，而且校風唔錯，個囡接觸D非士德嘅同學仔，都好純，約埋一齊，最常嘅活動係去圖書館．
（圖書館環境超一流，假如做故事媽媽，仲可以上課時間泡喺圖書館做角色道具，小朋友小息可走上黎相會，唔係間間小學都有咁嘅親子渠道嫁）．

同浸聯學生嘅家長接觸，我都覺得佢幾吸引（同學仔上小學後信心大振，去佢地個網睇，發現好多好玩嘅課外活動）．不過比較校舍（浸聯出課室就係馬路，雙層巴士經過都睇到上課情況）、校服（女仔）同升中派位網，就係仁紀好D．好似綽蔚媽咪講，葵青band1英中較荃灣多成倍（但有兩間係女校，沙田區仲好，所以有朋友諗住等個囡P5-6搬去一成），長遠黎睇，揀仁紀保險D（所以我都諗住唔轉嘞）．

---

---