My account is locked

帖子列表  登錄   
士多啤梨 | 2006-11-25 13:55
星期日我和仔仔會一齊去..^^ 希望見到你們!!
評估未開始溫, 不過中文範圍出左, 貼在手冊了.. 其他科就未有..
我想佢地能應付到掛.. :-? 希望如此~~ :-)
come爸嘩 | 2006-11-27 12:48
士多啤梨: 我尋日都有同女女去, 幾開心咁玩左一個下午!Quote:
士多啤梨 寫道:
星期日我和仔仔會一齊去..^^ 希望見到你們!!
評估未開始溫, 不過中文範圍出左, 貼在手冊了.. 其他科就未有..
我想佢地能應付到掛.. :-? 希望如此~~ :-)
billyyanst | 2007-01-10 14:01
linglingchacha
唔好意思, 近排比較少上網, 家陣先睇到

好好彩我張畢業証書仲係度, 呢張野除左幫個仔報學校之外我都唸唔到仲有乜用.. 我唸如果你真係好想幫你個小朋友考藍循, 不如打早d打電話去學校問定有乜辦法可以取回畢業証明, 我估都要搞幾個月架, 再遲d可能趕唔切

係呀! 我個仔係讀臻美幼稚園架, 呢間學校都算ok啦, 不過你話好好我又唔覺得, 好差又唔係, 之前揀佢係想直升小學, 家陣仲係心大心細, 話晒都要交好多年學費ma, 聖安當我聽d comment都係話一般, 我有個親戚個女讀完k1都轉左去循道幼稚園, 我聽佢講話d 老師唔係咁細心

我個仔今年k2, 我真係好想知道多唔多人20分都入唔到藍循讀 :-?


Quote:
linglingchacha 寫道:
billyyanst & felix&macy,
我都係藍循畢業架,不過唔記得邊一年,我記得有個女主任-包主任個款都係好惡.

想問下,如果唔見晒D畢業証書,咁第一輪點証明到我係樹畢業呢? 可以點樣申請返D証書呢?

billyyanst,係其他topic見過你,你個仔係咪讀臻美幼稚園架,
我個女而家岩岩in左好幾間 k1,呢間都係其中一間,而家打算讀聖安當,但係好多comment都話一般.
(你地係呢區讀開邊間幼稚園,上到黎藍循架,請指教)
寶寶mum | 2007-01-30 17:39
我女女讀啟思今年要選小一，我想請教你地各位家長，當初點解會選藍循呢 ??? 佢地吸引之處係嘜呢 ??? 我先生係藍循畢業的, 係咪已有20分, 我住藍田, 只認識李兆強, 藍循, 仲有無其他好小學提供(包直資/私校)選擇??? 李兆強, 藍循是否大部份學生都係住附近屋村呢?? 心目中想選擇李兆強, 聽說比較好. 但又吾知女女跟吾跟得上.
| 2007-01-31 14:49
寶寶mum,
我都係藍循小學舊生，所以有20分在第一輪就O.K.啦！現在我仔仔讀緊藍循小一，功課量唔多，令小朋友有時間作其他活動。中國語文科用普通話及生本教育課程，教學都不俗，選取嘅課文多元化，有謎語、詩詞、小故事及童謠，小朋友容易朗讀及背誦，接觸不同文章體裁及大量識字，為日後打好基礎。
數學方面亦取用生本教育，小朋友在校及屋企都會參予數學遊戲，好生活化，令小朋友易學易玩易學到嘢；加埋適當工作纸及補充練習，O.K.啦！英文方面，與一般小學程度差不多，甚至有啲家長話比較淺。我曾聽一個青田教育顧問舉辦如何學好英語嘅講座，她提出學好外語有幾個factors,其中加強vocabulary能力，首先reinforce常用字，按拼音、音節拼讀及默寫生字，不鼓勵隨課文讀默，多聽、多讀、多寫及多講；仲有學英文要Play to learn!
小朋友就唔抗拒！現在仔仔話老師從play to teach Phonics & Grammer；而默書方面亦有按拼音、音節與小朋友默寫生字。今年又加入英文閱讀教學計劃，二月份仲有家長簡介會。
其實大部份津貼學校來自不同家庭背景嘅學生，所以生活環境、家長教育程度一定有差別。最重要你認同學校辦學理念及課程，而且適合自己嘅小朋友讀。可能你會擔心基層嘅家庭嘅小朋友可能頑皮啲，影响自己小朋友品格發展。其實，小朋友性本善，只要學校校風好，父母亦以身作則，還教自己嘅小朋友如何與不同同學相處，才得以成長。
現在大多數小學都不俗、無話差得勁，除藍循和李兆强，藍田有聖愛德華，油塘有基法，聖安當等； 直資有油塘嘅臻美；秀茂坪有聖馬太，這些學校較熱門。

:wink: :wink: :wink:
| 2007-01-31 15:07
各位1A班家長：
本星期五，你哋有無人同埋啲仔女去親子旅行呀？
Daddy 請唔到假，妹妹年幼無得去，姊姊傭人在屋企睇住佢，唯有我同仔仔去！

come 爸嘩：
上星期日你係唔係同女女出席1A班同學仔陳XX嘅生日會？
其實我都有陪仔仔去，我仲問仔仔你女女坐係邊，佢掛住玩，答得唔清楚。不過我估帶眼鏡，高高瘦瘦果個係你。當晚無來同你打招呼，真唔好意思！我怕叫錯人。

?-( ?-( ?-(
寶寶mum | 2007-02-07 09:25
felix&macy 好多謝妳的寶貴意見, 其實我較喜歡1)兆強 2)循道, 如妳所說我以有20分, 妳認為應選那一間呢? 是否兆強及循道都係band 1?
vickyso888 | 2007-02-09 20:16
hi! 請問有無人有1年級12/2英文默書範圍,我個女唔見左有可SEND比我THX!我E-MAIL [email protected]
| 2007-02-12 01:03
Vickyso888,
Sorry, 我今晚才上來此網，才知你要P.1英默範圍，咁你小朋友有無找到同學仔取範圍？下次有需要幫忙，直接send我個人
e-mail :[email protected]
因我會日日checked!
:-| :-| :-|
| 2007-02-12 01:46
寶寶mum ,
首先你去了解心儀嘅小學，透過學校網上資料，就讀該校嘅小朋友嘅朋友或鄰居作詢問，甚至去該校嘅開放日！
李兆强在升英中派位及派首三個中學方面較藍循好(資料來自明報教育網)。課程較藍循深，功課量方面不太清楚。
李兆强在觀塘區較有名氣，更有「觀塘喇沙」之稱。
其實每個父母都想小朋友入讀最好嘅學校，但要衡量小朋友喜愛及能力，以他們為目的，愉快學習令他們終身學習。
如妳所說你有20分在手，入藍循無問題，視乎你揀唔揀佢，如果揀佢免卻中央派位失落嘅問題，小朋友讀得好唔好無人知，只知藍循嘅教學、校風及師資方面嘅嘢！
希望本人少許意見幫到你啦！

:roll: :roll: :roll:
12/18
首頁|前頁|下頁|尾頁
.
Powered by Baby Kingdom
立即打開