教育王國
更多選校、升學及教育心得討論內容
| anson0727 | 2006-07-04 00:18 |
| dingdong, 咁o岩, 我未知當天會否早到或準時, 要睇下d小朋友點安排先, 屆時睇下我 |
| Kristy555 | 2006-07-04 03:02 |
| 真係奇怪............明明已經登出左, 唔知點解仲有"在線上"出左黎 :roll: (唔好以為我明明o係度, 但又無答嗲呀.) 因為亞仔鼻敏感, 所以呢幾日都無開冷氣, 好鬼熱 :-( 亞囡又成日o係肚入面玩踢波, 真係好辛苦. help! 好熱呀. 我呢個肚簡直係一個又重(重左9kg), 又熱既包袱. :-( 今晚埶醒左 anson0727: 你係咪已經有個小朋友讀緊何日東嫁? 可唔可以講多d時間上的分配, 晚上做工課做到幾點, 早上幾點起身去學野. 何日東的課程深唔深.........thanks! 今晚同老公傾過, 鄭任安都好好, 番8:10am放3點pm, 佢是行通識教育, 下午多數是做家課, 多元活動......但他沒有直屬中學, 但80%派去brand 1,2中學. 呢間學校的校舍, 位置我十分like, 又好近我住既地方, 打風下雨都唔駛怕遠, 但一講到何日東, 真係好難捨棄, 好似o甘大舊肥豬肉係口都唔識食o甘. 我個仔好like何日東.........我怕幫佢選擇錯誤. 而且我無做野, 其實何日東番半日我可以多d時間比佢, 所以我至想問下午班的時間如何分配. 個個父母想望子成龍, 又擔心o甘又擔心o甘. 真係好辛苦. :-( |
| happymother123 | 2006-07-04 10:08 |
| Kristy555 真係2間都好, 不過睇你看重邊度, 鄭任安均衡發展d, 何日東學術係高d ( 係我女英文老師講) , 2間派位既中學都好, 只係睇你想看重佢邊一樣野 , lee 2間都係我選校時15/16 的其中一間架 如果你仔鼻敏感, 開冷氣時, 你都可以try 下用放濕機, 因我朋友之前話用左幾好, 個鼻無咁乾架 |
| boey | 2006-07-04 10:51 |
| Kristy, :wave: :wave: :wave: 鄭任安係我第二志願,如果第時何日東下午班d時間我分配唔到或者亞女唔夠級數留係何日東,我會去鄭任安試吓叩門... 如果我係你我都會覺得好煩,因為鄭任安真係方便好多,起碼唔使行兩條天橋同坐校車.但係比咗舊肥猪肉你,如果唔食...好似有d對自己同亞仔唔住喎!亞仔就鐘意肥猪肉,你自己鐘唔鐘意??? 我自己就諗住放學要亞女做個半鐘功課,做唔晒咪第二朝早做同溫書,課外活動會安排係星期六,日. 放鬆d啦~煮到嚟咪食囉~係咪?仲有包9kg米,有排煮呀! :-) :-) :-) :-) :-) |
| boey | 2006-07-04 10:54 |
| 早晨~ :wave: :wave: :wave: |
| Kristy555 | 2006-07-04 11:13 |
| 多謝你地比意見我, 好感動, :-( :-( 我同老公講, 而家鄭任安好似無人無物o甘, 反而何日東有你地呢班朋友傾下計. boey, 你真係好明白我, 可能你同我住既地方差唔多, 所以鄭任安真係好方便, 仲有, 佢地地方夠大, 番學放學舒服d. 我老公問過一個教師朋友, 佢勁讚鄭任安好, d小朋友個個都好開心.......我仲15,16......好煩. 其實我唸住唔收唔駛煩, 點知........... |
| anson0727 | 2006-07-04 11:29 |
| :wave: 早晨呀, 咁多位咁早呀! :-) Kristy555, 咁鄭任安咁近你屋企, 又真係好方便喎, 打風落雨都唔使驚。 做人就係咁o架, 有又煩, 無又煩, 梗係要人去決擇, 有時真係好驚會揀錯。 至於, 時間分配, 我要囡囡每晚都做晒d功課, 有時好快, 有時好慢, 第二朝就學其他野, 例如: 奧數, 普通話, 體操等等, 大約一星期3天, 上完就食午飯返學, 其餘2天就要溫習, 因為每星期有中英默各1次, 所以, 我會在默書當日早上, 再幫她重溫, 等佢印象深刻d。 |
| anson0727 | 2006-07-04 11:34 |
| happymother, 我聽人講何日東屬於band 1, 咁鄭任安係咪都係呀?? (你囡囡的英文老師有無講呀!) |
| happymother123 | 2006-07-04 12:02 |
| 鄭任安都係band 1, 不過我個老師話佢地英文水評都幾大既相差 (一年至年半) ， 因我女只係補習英文 , 我只係以英文黎比較 因佢2間學校既學生都有補習緊, 以上係佢個人既評估, 我唔知是否事實架... 我睇本小一攻略, 何日東及胡少x 將會有72個位可去返直屬中學 |
| anson0727 | 2006-07-04 17:01 |
| happymother123, 我知何日東上英文堂係全英語教授的, 咁鄭任安是否都係呢?? 你話幾大的相差係指兩間學校的學生英文水平嗎? 如果相差一年至年半, 又真係幾大喎! |
更多選校、升學及教育心得討論內容
