我個仔, 平時真係唔覺佢係ADHD, 我D朋友都話睇唔出
但一要長時間集中就會有D小問題走出黎(唔係大問題, 係小問題+小問題+小問題), 例如:
1. 當人人都坐定聽, 佢會特登攪隔離, 攪人枝筆呀, 特登整跌舊擦膠呀, 令人注意 ...
可以問多你少少嗎?
你個仔o係屋企可以自己好快完成o的功課嗎?(不用大人監督) 因我知好多adhd o既小朋友都有呢個問題, 明明做半個鐘o既功課, 可以磨到3個鐘先做完。
平日在家, 你也不覺得你仔仔有adhd 嗎?
thanks!
| Charlotte_mom | 2011-05-11 15:52 |
| 我仔係跟Monkeys 真係蝕底, 原來有個咁正既活動, 就o係我屋企隔離, 我竟然一直唔知! 唔計第一次要做制服, 平時年費只係400幾蚊已經玩足一年, 真係好抵 我仔玩左4,5堂, 好鐘意, 鐘意到暈! 我見佢好認真去follow instruction, 仆晒咁去touch, 又識到朋友仔, 我覺得今次揀岩了 提提你, rugby season今季已經完左, summer無得玩, 如果而家想玩, 可以試左欖球總會同康文署呢個先: [url]http://www.hkrugby.com/en/summercourse (唔知full左未呢) |
| ChristieMing | 2011-05-11 16:15 |
| Charlotte_mom | 2011-05-12 23:59 |
| ChristieMing | 2011-05-13 15:05 |
| gogoweb | 2011-05-15 01:32 |
| 囝囝今年9歲, 三年級, 一直以嚟都係活躍型, 但學習上無問題, 測驗考試多8-90幾分, 錯都係一啲唔小心既嘢. 平日紀律唔多好, 小一後都間間斷斷被老師投訴坐唔定, 多嘢講. 但佢放學後, 可以好快攪掂啲功課, 執拾書包功課都無問題. 另外佢係課外活動都有唔錯成績, 游水係一年級時已被選入泳隊, 但一直都無太大進步. 平日無乜心機練水, 但叫佢唔好再練, 佢又唔肯. 教練亦經常投訴佢唔認真. 但到水運會, 佢又可以攞到獎牌返嚟, 教練都比佢攪到唔知點好. 另外學琴, 佢平時好懶好懶練琴, 上堂亦經常被老師閙. 但到校際及皇級試, 佢又有好好表現. 令老師都說跌眼鏡. 我一直都只當佢係較活躍型既孩子. 但前一排因在學校發生了一件小事, 同班主任傾談中, 她建議我帶小朋友去做專注力測試. ,跟住上網摷吓資料, 又發覺囝囝有幾多共通點. 學校社工比咗啲精神科醫生資料比我, 我隨便找了一間. 去到診所, 我哋等了差不多一小時, 期間囝囝一直乖乖坐低睇書. 到見醫生後, 佢同我囝囝閒話家常, 問吓佢幾歲, 屋企有乜人, 平日有乜開心, 有乜唔開心. 講咗大約5分鐘後, 就問我有無嘢想問? 我話我嚟睇係因為老師建議. 醫生聽後已即時話囝囝有輕微專注力不足, 會開啲藥比我食. 我好奇地問點解不用評估, 醫生就話其實啲評估係啲人特登定出嚟, 例如IQ Test, 佢話唔通定咗70以下係低能, 咁70無事, 69就有事咩? 佢話只要學校或家長有投訴, 咁佢就覺得要當係問題, 因為咁樣會影響小朋友心理同自尊, 從而影響佢既發展. 佢叫我放心, 話啲藥毫無副作用(Ritaline + Chlorpromazine), 食咗可以令囝囝既自控能力好啲, 追返正常小朋友既進度. 我鐘意幾時停就幾時停, 但因藥效顯著, 所以好多家長都會比小朋友食到考完中學為止喎! 我有啲懷疑, 覺得點解咁輕率就斷症, 而且後來我上網睇到啲藥係唔多唔小都有啲副作用, 但佢又可以話一啲事都無? 我想問吓大家去邊做評估? 評估內容係點? 大約幾耐同幾錢? 希望大家可以比多啲意見我, 等我可以再去揾多個醫生問, Thanks! |
| 依嵐媽媽 | 2011-05-17 14:13 |
| 我都有食藥問題~~ 小兒今年小一,今年1月確診adhd, 因佢生得'細粒'又輕,所以醫生話暫時唔考慮食藥住~~因之後有好多在校行為問題, e.g. 反鎖學校toilet門,爬學校欄杆想走...佢日日新鮮,我都預左要比佢食藥, 但同老公再商量,其實仔仔做功課,默書,甚至考試都ok,成績就中文差D, 其他都有7x-8x分左右;而且,除左學校之外,同佢出街,返教會,返興趣班都比之前專注, 有進步,他亦針灸了4個多月了,我們亦稅有成效,我和C6都想再考慮下先決定食唔食藥, 始終仔仔真係幾'的息', 當然身邊有勁多人有反應,又話你害左佢, 又話而家唔食高年級都要食; 但亦有人話d副作用會有好長遠effect, 要三思 Can anyone give me some opinion?:pity: :pity: Thanks:lover: |
| pattsui11@yahoo | 2011-05-18 12:42 |
| 請問有沒有人看過「過動不需藥」Overcoming ADHD這本書？ Quote:原帖由 依嵐媽媽 於 11-5-17 14:13 發表 我都有食藥問題~~ 小兒今年小一,今年1月確診adhd, 因佢生得'細粒'又輕,所以醫生話暫時唔考慮食藥住~~因之後有好多在校行為問題, e.g. 反鎖學校toilet門,爬學校欄杆想走...佢日日新鮮,我都預左要比佢食藥, 但同老公再 ... |
| 依嵐媽媽 | 2011-05-18 13:36 |
| 書局是否有得買:lover: :lover: ?? |
| pattsui11@yahoo | 2011-05-18 15:51 |
| 我剛在博客來訂了，很快便送到來。 這是打算放在資源中心遲些讓大家看的，我未有時間看，若你有興趣，給你先看，然後寫幾句讀後感介紹一下，好嗎？ Quote:原帖由 依嵐媽媽 於 11-5-18 13:36 發表 書局是否有得買:lover: :lover: ?? |
| bbwai | 2011-09-27 15:18 |
| hi, 好耐無上來. 今年升小二, 在今年暑假做左評估, 好緊張, 好希望唔係ADHD, 但又要叫自己冷靜D, 要預左. 終於知道結果了. 醫生話唔係, 呼~~~ 當堂鬆口氣, 我問了好幾個問題, 為何不是ADHD 孩子會這樣, 醫生說, 全因專注力偏弱, 語言偏弱, 他不是有心的. 只要有恒心教導, 會改善的, 但要預左佢讀書唔叻, 比一般小朋友較難去結交朋友. 較難令佢明白道理, 要佢學習如何表達自己...... 醫生再說: 媽媽, 現在你知道了, 那你以後不用再為這些事而煩惱, 亦不用再勞氣了, 因為你預左.... 由於REPORT 說不是, 沒辦法, 要STOP CASE FOLLOW. 我當然不想, 請求醫生可否再FOLLOW多一年, 但醫生說, 由於不用吃藥, 因此沒需要再回來.... 這個結果, 應否滿意? 滿意: 因為不用擔心吃藥會帶來什麼副作用.. 不滿意: 問題並沒有因為REPORT寫沒有ADHD 而得到解決..... 又或者係.. 在這3年間, 不停的訓練, 不停的看專家, 不停的看醫生, 可能真的從中得到無形的改善, 而得到今天的REPORT 吧. 大家別再懊惱, 就讓孩子順其自然吧.... |
更多選校、升學及教育心得討論內容
