帖子列表  登錄   
eto | 2005-06-14 11:05
Hello marinayiu:
以我所知,在屯門富健花園,約7:25am上車.

我問過我的寶貝啦,他說每天第三堂就會分組教授,每班分五組,將與其他班小朋友一齊上堂,(第三堂學科有科學,體育,常識,音樂及美術.)其實一日都是上四堂.可以想像得到,每天功課都不會太多,中英默書隔星期才一次(有時都沒有),每天午膳後好像有不同學習,如:運動,樂器,道德....
anson~ma | 2005-06-14 17:58
請問上課時間幾點鐘? 我都覺得這間學校幾好, 因為我鍾意功課少, 用英文及普通話教學, 但又怕太過活動. 如果隔星期才默1次書, 小朋友會否太鬆懈? 我有朋友成日問我點解唔比個仔考名校, 升中學時又唔使擔心, 佢話一間好學校會影響佢地大個搵工. 鬼唔知咩, 唉.....
BrianMami | 2005-06-15 00:43
anson~ma

8:00上堂.
每星期都有默書,今星期中文, 下星期英文.傳統學校一星期內中,英都默,範圍又大,都幾辛苦.

小朋友會否太鬆懈係 睇家長點配合. 阿仔功課少, 但回家後會忙不停, 因可以用"人地"做功課既時間去練琴, 畫畫, 睇書,上網學野, 擴闊左自己空間. 所以要睇自己要求係乜先去選校.

聽得多,好多區內"名校",係要入到精英班先得, 其他班會係冇人理. 我覺得和富係會幫小朋友build up "成個人", 唸野, 人際關係, 唔止係讀書咁簡單, 如果第時阿仔入唔到band 1. 唔緊要, (因遊戲規則, 冇聯繫, 唔夠人爭), 但我深信如果個人係掂, 就算係band 2學校, (校風一定要好),一定唔會差(好多時中學都係俾$$去補習社補成績).

-joejoelam | 2005-06-17 12:48
WW,
唔洗擔心,小朋友好易適應架 ;-) ;-)
WW | 2005-06-17 19:45

今日個女學校舉行畢業典禮, 睇到有少少眼濕濕. 重有 2 個半月就返新學校喇, 又要開始準備買返學o既用品喇. 唔知李宗德會唔會有書包商係學校做 promote 呢.
-joejoelam | 2005-06-17 22:12
好似冇聽聞過喎!BrianMami,你記唔記得呀?
BrianMami | 2005-06-17 23:01
Quote:
WW 寫道:

今日個女學校舉行畢業典禮, 睇到有少少眼濕濕. 重有 2 個半月就返新學校喇, 又要開始準備買返學o既用品喇. 唔知李宗德會唔會有書包商係學校做 promote 呢.


咁多年都冇, 今年未知.


[size=medium]特別報導

先幾日遇到個街坊, 佢話出面吹緊風話我地學校今年9月會加學費,......<重係好溶果隻>,因此 好多人走左去科小interview,唸住下學年轉校.

返家即電聯學校,校方回應絕無此事, 今年9月一定唔會加, 佢話依排好多家長查詢, 有人表示出面傳學貴 加到,$3600.00 :chair: :chair: ,

都唔明d人好似好想學校加學費, 睇我地點.............c....................... :angryfire: :angryfire:
-joejoelam | 2005-06-17 23:08
D人都冇腦嘅,點樣都唔會加到3,600.00啦!信佢都傻嘅 :ranting: :ranting: :ranting:
如果學校係好嘅,貴少少又有乜所謂,我姑奶一年十幾萬比個仔去澳洲都係學到一口流利而又充滿澳洲口音嘅英文,連冬瓜都唔識煲,而家我個囡唔單止識煲冬瓜,英文都唔差吖(賣花讚花香添 ) :mrgreen: :mrgreen:
BrianMami | 2005-06-17 23:12
咪係..................3600 ?????????傻既.但係又有人信至奇.
:angryfire:

阿仔煲冬瓜都煲得好掂. 英文都唔差.
最鐘意exam學校會幫佢地溫習，讀左３年，　發覺溫唔溫都差唔多．讀得開心又學倒野，學費可負擔呢間學校算係咁．　

ｊｏｅｊｏｅｌａｍ：

貴千金有冇整龍舟返學校比賽？？
WW | 2005-06-18 22:29

Brianmami & joe,

如果真係唔加就緊係好啦, $1200 都算合理, $3600 就真係貴左少少喇. 不過學校個網都重係寫緊 $650, 真係太唔 update 喇.

因為有朋友話有 d 學校會有書包商去做 promote, 所以我先多口問句.

下星期開始考試, 妳地小朋友係咪溫習好喇.
16/154
首頁|前頁|下頁|尾頁
.
Powered by Baby Kingdom
立即打開