教育王國
更多選校、升學及教育心得討論內容
| billyyanst | 2007-05-28 14:07 |
| felix&macy: :-D 真係thank you 晒, 想再問多少少:- 1, 藍循的課外活動多唔多架? 同埋係咩時間上 (平日放學/星期六) ? 2, d老師有冇愛心? 3, 會唔會為d學生搞d 拔尖或補底的安排? 4, 我睇過中學派到band 1太約 係30 零個%, 呢個百份比似乎一般, 你會唔會有d擔心呢? 而學校會唔會d數據比你知道學校係各個banding的百份比架? 5, 學校好似有個中樂團, 佢地多唔多機會出外比賽/表演? 6, 我見早2年有個女同學參加左個小太空人, 其實係學校培養到d英文水準定還是呢個女同學自己特別叻呢? 7, 學校的校風如何? 唔好意思好似好多問題, 真係好希望可以了解多d, 感激 感激 :wave: |
| Bobostar | 2007-05-29 12:00 |
| Dear felix and marcy: 謝謝你們的回覆. 希望我女兒有機會入到該校, 能認識你們, 本週六就放榜. 再聯絡. |
| | 2007-05-29 21:25 |
| billyyanst, 1.學校積極推動學生參予多元智能活動，培育學生「一生一 體 藝，一人一樂器」，所以藍循的課外活動有很多選擇，大部份在放學後參加，有少部份都在星期六舉辦；而有些活動由外面機構協辦。 2. 因我仔仔剛入藍循一年，没有深入認識很多老師，感覺上O.K.,而我見平時在 學習活動日、旅行、家長日上，老師表現和藹然可親，唔cool! 3.以我所知學校有類似拔尖或補底的安排。 4.學校沒有什麼數據比你知道學校係各個banding的百份比,只會listed每年小六學生入讀各中學名單及人數。我本人並不太擔心中學派到band 1太約 係30 零個%嘅情況，首要協作及支持小朋友在小學階段打好兩文三語基礎，培育良好心身健康，發掘個人運動或藝術天份，懂得玩派位這個遊戲，選擇校風良好嘅學校，不要給太多壓力給小朋友，全力以赴，就算只派到band2嘅中學，我相信他日學有所成，踏入社會工作都問題不大，做父母都算係咁啦！ 5.學校個中樂團,每年都參加香港學校音樂節，成績不俗。 6.有關太空人活動，我相信家長鼓勵支持及小朋友資質為首，至於學校培養英文水準方面亦不遺餘力，相信英文教學方面亦隨後發展得像普通話中文教學一樣出色。 7.有關學校的校風，我覺得不俗，學生有禮守規則，學校訂立完善的「獎勵制度」，强調學生在學校正面行為，而且學校曾獲「校風與培育」優異學校獎，有關內文可上藍循網址。 希望以上資料可幫到你！ :-) :-) :-) |
| billyyanst | 2007-05-29 23:25 |
| felix&macy: :-D 好詳細, 真係唔該晒您!! 或者日後仲有機會向你請教其它方面的問題 :wave: 以你所知會唔20分都入唔到架 :-? |
| | 2007-05-31 01:07 |
| billyyanst, 舊藍循歷史唔算太久，現藍循剛剛有十年歷史；加埋都有二十至三十年。有幾多舊生以20分揀佢真估唔到！只要你一心揀藍循，就算20分入唔到，憑你是舊生加上誠意，入到機會都很大！ 如有問題請詢問，本人會盡力解答。希望日後有所交流！ :wave: :wave: :wave: |
| ysl | 2007-06-02 13:02 |
| 小女今年九月將會入讀藍循一年班, 請問各位已入讀小一的家長: 1. 根據過往經驗, 大約何時會收到學校的通知書有關買書, 校服, 入學等資料? 2. 是否有安排小一預備班? 約有, 何時? 多謝回應 :-P |
| | 2007-06-02 19:36 |
| ysl , 1.根據過往經驗,大约八月中才安排在一日內買書、 買校服, 交校車費用、交訂飯錢等。有一日會安排家長會，介紹學 校課程特色、學校關注重點、各科老師及班主任等。 2. 藍循沒有安排小一預備班，開學第二天就返全日，無需 家長陪同，你放心啦，小朋友一定應付得來；學校支持 他們自理。 很高興你們加入藍循，大家保持聯络啦！ :pint: :pint: :pint: |
| ysl | 2007-06-02 22:33 |
| 多謝felix&macy. :-P |
| ATa | 2007-06-08 14:16 |
| Hi felix&macy, I've been searching through this website for more comment on 藍循 & 保良局馮晴紀念小學 cos' I am trying to change school for my son who is now staying in Yaumati Catholic Primary School (Hoi Wang) Road. I see you are very helpful so wanted to know more from you about 藍循. I understand both your kids are now staying there. Is this a pretty relax school or very pushy school. You know as I said in the other column (cos' my 1st time so don't know how to ask question... :-( ) YCPS is not actually such a good school as everybody said... even i know every school has it's pros and cons but this school is just not what i have expected. I would like my son to have a very enjoyable primary school life...not like now...alll he can do over weekends or at night is homework + homework + homework.... :-? :ranting: Could you please give me some comment of 藍循? Many many thanks in advance for sharing! |
| | 2007-06-12 01:23 |
| ATa, 我相信你在藍循web-site内已略知學校情況，其實我大仔剛剛入讀小一，今年升小二，小女08年九月都會入讀藍循。 過去一年，仔仔功課量唔算多，平日兩三份，中文(生本教育系列、普通話 )主要預備聽讀課文，課程有CD及CD ROM，助小朋友在家中温習自學，另外有一本 課外閱讀本，讓小朋友多閱讀簡單詩句、故事、童謠等，至於寫字方面有本寫字本，量不多，平均寫四個詞語，閒時會格仔簿抄寫課文生字，每課文詞語最多八個，而每個詞語寫三個；仲有工作纸是簡單做句、做詞語等，每項功課隔住做，唔會一次做多項。每一至兩星期默吓課文單字、詞語及指定該部首嘅中文字(自由發揮、只要默到該部首嘅字就o.k.) 英文方面用Longman，程度一般，主要做workbook、worksheet、默書前寫吓penmanship。現在學校有個Reading program，由外籍老師選購適合小故事，然後每週派給每位學生與家人作home reading及簡單 report(無需寫長篇幅嘅讀後感)，我相信與大部份嘅小學無異！ 數學方面採用生本教育系列，透過活動感受、認識及熟悉數學，功課主要做textbook内exercise,加插workbook 及"classroom"補充練習，每項功課又係隔住做。 至於其他科目與大部份嘅小學課程一樣，常讖做吓作業，剪報(全年少於五次)，專題研習大部份在學校做到，不需家長勞心勞力找資料。寫生字次數唔多。 我都好認同小朋友要enjoy佢嘅小學生活，但亦要學到嘢！ 在藍循功課唔算多，我仔仔每日花1-1.5小時就O.K.，所以有啲時間做吓其他嘢。不過話時話，我有個朋友個仔讀藍循(小三)，晚晚做功課做到好夜，唔係功課多，而係小朋友自我管理欠佳。其實每間學校都有功課，如果量太多，而且著重抄寫欠思考，未免令孩子吃不消，加上每晚做到好夜，他失去閱讀、畫畫、消閒活動嘅時間，漸漸失去學習興趣！ 藍循每學期有兩次進展性評估，一次總結性評估，有家長話多；有次與班主任傾談時，她表示學校希望小朋友有分段式温習，總評估内容不包全個學期。 至於校風、老師方面不錯，你可以瀏覽吓我回覆其他會員嘅內容。 以你嘅情況，小朋友真係好辛苦，咁你真係好好打算吓！ 希望以上意見可以幫到你，有需要隨便問，大家交流吓！ :-P :-P :-P |
更多選校、升學及教育心得討論內容
