教育王國
更多選校、升學及教育心得討論內容
| 思佳媽咪 | 2006-12-05 15:37 |
| Joey媽媽： 見你情緒低落一輪又振作番，都唔知點勸你，因我地養咁嘅仔，都是成世坐過山車一樣，只能盡量放鬆，求主帶領，希望總在人間。 至於政府醫院精神科，我就有好唔愉快經驗。阿仔細時睇過威爾斯精神科，個醫生聽我講咗大半個鐘阿仔嘅問題，只講咗一句結論：「佢都係輕度自閉啦…」重要係唔多耐煩咁講。（我都知啦！）咁我問有咩可以做，佢話無嘢做到，醫院可能想攪些社交小組，「但多數都攪唔成。」跟往就叫我排期覆診。如此態度，重睇嚟做乜！不過呢D都係十多年前的事，而家講服務承諾，我都好想知而家D服務點，你記得同我地分享。 Dear all, 我近排都好煩，原以為阿仔入了特殊職訓，條路會平坦D，但見過佢班個導師後，佢話阿仔這類自閉仔，揾工有一定難度，因溝通有困難，好多雇主都唔多接受。阿仔能力不差，但要揾一份真正 fit in 佢能力的工作，要睇佢做化。如此說，即前路仍崎嶇，我只能安慰自己，阿仔向來福大命大，好好運氣，成日遇到好人，希望揾工亦如此吧。 點知心情都未好番，今早學校打電話來，話阿仔羊癇發作，但已醒番，學校處理慣這些事，唔覺得大件事，無送醫院，只叫我接番佢。唉！即係一路以來擔心嘅事終於發生，羊癇發作第二次，可能要開始食藥了。 可能真是身經百戰了，我發覺自己情緒好穩定，無乜問題！ |
| tin_tin | 2006-12-05 22:34 |
| 思佳媽咪, 我唔係好識講 |
| rachaelmum | 2006-12-06 09:24 |
| 思佳媽咪, 每一次當我們感到氣餒或不知所措時, 您說話總會令我們不安的心平復下來, 謝謝您! :-D :-D :-D 祝願癲癇不再發生在仔仔身上, 身體健健康康! |
| AGNESNG | 2006-12-06 09:24 |
| 思佳媽咪, 最近阿囝有無患感冒/發燒呀? 上次你說阿囝發燒入o左醫院, 然後就出事. 會唔會係咁? 我自己沒宗教信仰, 我會信好人有好報. 響呢個topic o既媽咪, 全部都無私心, 自己有乜o野好o野都會拿出o黎分享,有心事都會當大家係朋友拿出o黎傾, 有D更會搞一些活動希望大家開心下 響呢度真係好開心 思佳媽咪 希望你囝囝無事 你要努力呀Quote: tin_tin 寫道: 思佳媽咪, 我唔係好識講 |
| joey媽媽 | 2006-12-06 10:52 |
| 思佳媽咪, 你真好堅強...比我..我諗我已好down 了....你真是係我一個榜樣對象(無論您對仔仔付出及入家教會服務4 年多),我真要多多向您學習,向您賜教.....願您仔仔早日安復!!您都要保重身子呀! AGNESNG: 我已聽你老公講:我昨晚開始的起心肝同仔仔睡前講故事,雖然佢好似有d未慣，但希望我可堅持到底，不會三分鐘熱度呢？我對仔仔佢肯進步空間是有信心的 ;-) gigi2 ： 你如果練好打一篇中文字，那麼是否一定要多謝我呢？ :mrgreen: 多謝你替我番譯呢？我諗我都要自我增值了．．． :mrgreen: rachaelmum ： 多謝您聆聽．．．其實之前可能我係學校家教會上如到ｄ不如意事,亦可能要比校長照我肺,所以加埋仔仔總總原因,我心情不是太好...而家天晴了...學校問題又解決了..仔仔每晚又肯努力學習緊點進步,暫時可告一段落....真是*希望在明天*呢句說話是無錯的... |
| kmwun | 2006-12-06 12:16 |
| 思佳媽咪 有時諗起未來嘅日子唔知會點，好彩有你同我地分享你嘅經歷、感受，真係好多謝你 :-D joey媽媽 我地都係普通人，情緒當然會有起伏，有時喊過到笑嘅時候會特別開心 :-) 好似早幾日同仔仔講，開心事攞出嚟分享會越嚟越開心，唔開心嘅攞出嚟分享會越嚟越細。雖然未必有實質嘅幫忙，不過最緊要係你知道依道嘅媽咪會互相支持。努力！加油啦！睇吓今日幾好天，太陽伯伯都撐你呀！ Dear all 尋日返咗學校開會，唔知會對仔仔有幾大幫助，不過起碼同老師溝通吓仔仔情況，有d老師好識處理仔仔，有d好似好無奈，只會由得仔仔自把自為，希望大家傾過，佢地知道原來有方法就會積極d啦。 |
| sjmama | 2006-12-06 14:01 |
| 思佳媽咪: 孩子現在如何?發病前有沒有什麼徵狀?帶他看了醫生嗎? 真難為你了!不知道說什麼好,只能繼續為你們禱告. joey媽媽: 我的兒子去年的語言能力也只有3歲, 我曾擔心他6歲後不可能會有大的進展. 經過一年多的努力, 他現在雖然還差很遠, 但是我們都覺得他比去年進步了許多, 可見還是有前進的空間. 我們不敢期望他會追上同齡的程度, 只希望他能夠"基本上"與人溝通得到. 其實我們這些父母總會盡一切能力幫助孩子, 但孩子的情況, 將來的路, 都不是我們能控制的. Gigi2: Could you please send me the ppt file? Ｉthink my girl will need it. I'll pm you my email address. 各位: 最近家中曾出現經濟危機, 感謝主!如今已雨過天晴. 我和Siu_Ming常提醒自己,天父一定會恩待我們及孩子, 這兩個多月來, 心情雖有起伏, 但總的來說, 非常平安! |
| gigi2 | 2006-12-06 14:08 |
| sjmama, please check your private email as the file has just been sent. :lol: |
| rachaelmum | 2006-12-06 14:42 |
| sjmama, 很高興又看到您的留言。 正如您所說願主恩待我們及孩子, 及賜各人平安!!Quote: sjmama 寫道: 各位: 最近家中曾出現經濟危機, 感謝主!如今已雨過天晴. 我和Siu_Ming常提醒自己,天父一定會恩待我們及孩子, 這兩個多月來, 心情雖有起伏, 但總的來說, 非常平安! |
| HelloMelody2007 | 2006-12-06 22:40 |
思佳媽咪: 雖前路仍崎嶇，但上天會差遣天使協助你仔仔的。相信 他會遇上更多貴人的。 我在粉嶺家長資源中心曾借過一盒tape，內容是 一位腦專家建議有自閉症子女的家庭如何處理痒癎， 從那位腦專家指出，令我有點驚訝是，原來有些 輕微痒癎，孩子在不知不覺間發生了，父母也 不會察覺。例如你會見到孩好像發較長白日夢 的狀態，叫佢都不應，他/她可能是有陣輕微 局部腦抽筋 - 即輕微痒癎。如你有興趣，經過 fanling 可以有空去借來聽聽。 另外，你提及那間學校，我都check過，火車線只有 shatin 有 。謝謝你提供資料給我。 ;-) sjmama 你和simon都是個樂觀的人，特別是simon。相信你們 一定比以前更堅強的!! 我很相信人永遠有路可以走的。因為神會派天使 繼續為我們開路。 ;-) |
更多選校、升學及教育心得討論內容
