教育王國
更多選校、升學及教育心得討論內容
| 當媽 | 2006-11-24 13:03 |
| :-) :party: :-D Quote: anna_gigi 寫道: Hi 各位媽咪 今日我個仔15歲生日啦:party: 辛苦同面對過度活躍症咁多年, 我諗好快有收成 :-) |
| 當媽 | 2006-11-24 13:21 |
| (轉載) 蝸牛的話 資料提供:趙陳美賢女士 臨床心理學家 請不要強逼我, 也請勿予我嘲笑, 我本來就是這樣: 速度不快,腳部小巧, 是由於我天生腳小, 你是強逼我,予我嘲笑, 我可能會驚慌摔交跌倒. 還是讓我慢慢地好, 雖然速度不快,腳部小巧, 只要我按步就班,不停步, 目的自然會達到. 我本來就是這樣: 速度不快,腳部小巧, 也請必予我嘲笑. (我每次看完都眼汪汪 :-( ) |
| hoho1105 | 2006-11-24 14:37 |
| Quote: 當媽 寫道: (轉載) 蝸牛的話 資料提供:趙陳美賢女士 臨床心理學家 請不要強逼我, 也請勿予我嘲笑, 我本來就是這樣: 速度不快,腳部小巧, 是由於我天生腳小, 你是強逼我,予我嘲笑, 我可能會驚慌摔交跌倒. 還是讓我慢慢地好, 雖然速度不快,腳部小巧, 只要我按步就班,不停步, 目的自然會達到. 我本來就是這樣: 速度不快,腳部小巧, 也請必予我嘲笑. (我次次睇完都眼汪汪 :-( ) 我都係 :oops: 多謝妳咁有心機回覆我 ;-) 我明白架、但內化方面...............我要諗吓點做。 :roll: |
| maybaby | 2006-11-25 12:57 |
| 唔好意思！！想問一吓家長門！！我仔仔经常眼定定發呆，一日約有10次左右，有時同佢講緊嘢中段時間就嚟料，我揮揮手眼都唔旭，要大声叫佢，又或間中睇电視時，佢隻眼角度望住电視，但我企喺佢面前"借"住佢視線，佢都唔避，又係眼定定？？？？ 我想問？我个仔係唔係好專注力不足呀？有冇人可以解答我呀？？ :adore: :adore: :adore: |
| 當媽 | 2006-11-25 17:54 |
| maybaby 慿你所言，很難斷訂，下列為專注力不足之特徵，請看 •經常無法集中精神於一件事 •很容易因外界無關的刺激而分心 •經常沒有做完一件事便轉做另一件事 •不注意細節，經常粗心大意 •常遺失物品 •經常不能按指示把事情完成 •有困難安排和組織工作，做事、活動時沒有組織條理 •經常逃避或討厭需要專心去做的事(如功課、工作等) •做事或玩耍時無法持續專注 •好像聽到指示，但卻沒有反應 •容易忘記每天要做的事 |
| yhlmami | 2006-11-27 12:01 |
| Hi, shouxi 可否pm有關資料給我。謝謝！ yhlmami Quote: shouxi 寫道: 各位曾pm 我要刮痧資料既媽咪﹐ 我已經pm你地啦﹐ check 下啦﹐ 希望真係可以幫到你地。 |
| yhlmami | 2006-11-27 12:33 |
| Hi 當媽， 請pm有關資料給我，謝謝！ Quote: 當媽 寫道: 我兒現一星期做三日，每次四十五分鐘，若有時間，應天天再做家居訓練。 效果方面，覺其寫字字體進步了，口齒清楚些，但我深信感覺統合運動，是能夠對腦神經產生刺激。至於，係邊一間做和收費，不想講。 “只想襯他仲細時盡量幫他改善” 你的概念很正確，任何訓練愈細做成效愈大。 Quote: Hi 當媽, 您好!我想問吓你有冇参加過感覺統合訓練課程? 如果有的話,效果如何?係邊一間呀?收費呢?一星期上幾多堂及小時呢? 對不起有這麽多問題. 老實講我真係有D亂. 不知道什麽是最有效的. 我只想襯他仲細時盡量幫他改善. 唔該哂你! |
| 當媽 | 2006-11-27 15:27 |
| 唉！我投降了！:giveup: 徇眾要求:-) ，手頭上有關感覺統合或職業治療訓練的資料(大部分有埋其他訓練)，現列於下： ●但附註以下各中心良莠不齊，好與不好，請自行觀察和判斷。正所謂『唔做宗，唔做保，唔做媒人，三代好。』 :mrgreen: 但又見長假期快到，忍唔住口添！ 還有！還有！趁聖誕節假時，阿仔阿女較得閒，同佢地搵下聖誕假感統班，比佢地玩下。 還有！還有！還有！感覺統合是要經長期訓練(最好日日做)，才可見成效。千祈唔好，做了幾個月便放棄。 [size=large]按按鈕：遊戲輔導室 按按鈕：協康會 按按鈕：兒童成長及發展中心 按按鈕：維思潛能發展中心 按按鈕：領思兒童發展中心 按按鈕：身心靈全能發展中心 按按鈕：邁步兒童發展中心 按按鈕：新一頁言語治療及復康顧問 還有，很多、很多，……… 再贈您們金句：感覺統合失調會阻礙孩子的學習能力,正如法拉利車的性能雖然時速可達百哩,但在大塞車的中環也要面臨時速只能開十哩的命運。 Quote: yhlmami 寫道: Hi 當媽， 請pm有關資料給我，謝謝！ Quote: |
| 小白427 | 2006-11-27 23:19 |
| 各位, 我囝囝也是過度活躍加專注力不足, 都係食緊ritalina, 分量為1.5粒, 每天2次. 醫生話有需要可以做功課時食多次, 但呢次我地好少俾佢食. 明天返油麻地覆診了, 其實政府資源有冇iq test做呢, 定係自己去鴉蘭街排定由精神科醫生安排定點呢? 呢個學期, 都係由一年班既班主任繼續跟上, 學校方面算係咁, 老師都好盡心教呢個小朋友, 但的確投訴多左, 就算食左藥, 都會坐唔定, 離位, 蝦某d淋善老師, 口不擇言, 擾亂課室上堂, 要導致老師中斷授課. 唉, 真係唔敢想像冇食藥會攪成點. 我都成日變癲婆壓力非常大. 前排玩自行放學閃人, 我去到學校唔見人, 搵勻學校, 去校務處叫埋廣播都唔見, 最後老師一齊搵到7點幾, 佢自己行番黎, 後來話去同學屋企玩. 當然千叮萬囑叫佢不能再犯, 到第二日又係咁, 係自己想去同學度, 但唔識路去, 最後折返. 第三日又係咁, 話自己週圍行. 從此之後要同副校長玩親自交收, 副校長臨放學前就係課室門口恭候囝囝免得佢係禮堂趁人多閃左去, 要囝囝跟住佢,直至我黎接為止. 真的好感激他的專業, 不會不耐煩. 班主任就不消提, 囝囝對佢黎講太困難了, 因為班主任係剛畢業的老師. 副校長叫我同醫生講呢個情況, 話當佢有慾望時就完全蓋過理智, 正所謂呀媽姓乜唔知... 成績.. 我巳忘記幾多分, 不過我理念上佢合格就算. 因為搬左家, 日日新界(沙田)出九龍(大角咀)返學, 依家想同佢轉番同區, 但想.. 有冇學校可以容納佢? 有冇咁好既副校長? 如果要轉, 就要開始申請的了.. 夜晚訓覺, 硬係訓唔到, 碌來碌去, 10點上床, 大約12點就訓得到啦. 我都費事理, 佢唔係玩得過份都唔理啦. 課外活動都唔敢同佢報, 以前試過報抬拳道, miss叫佢地做熱身佢巳經不遵指令又唱反調, miss罰佢佢條氣又唔順, 淪為不受歡迎人物, 真係好慘. 唉, 好煩. 好希望其他媽咪講, 要睇佢幾時開竅. |
| 當媽 | 2006-11-28 09:04 |
| 小白427， 我覺得Ritaline的缺點是藥效只有四小時，當服了藥要等藥力到才有效，到了有效，再過一段時間藥力又漸失了，跟著再食下一粒，又要再等藥力到。所以，我覺得小朋友的表現會因應藥效而會反反覆覆。你有沒有要求精神科醫生轉藥，如可以的話嘗試請醫生開concerta(其藥效請翻看本論題較前部份)，但一粒concerta的零售價成十幾二十元，好大機會醫生會寫紙比你出去自己買。 做iq test呢？ 詳細情形，你從下列資料按所住地區，找相應的中心，去查詢吧！ 鴉蘭街兒童體能智能測驗中心 2395 4298/2789 4120 觀塘尤德夫人兒童體能智能測驗中心 2727 8474/2727 8479 沙田尤德夫人兒童體能智能測驗中心 2747 7411/2646 6327 屯門兒童體能智能測驗中心 2468 5261/2462 4962 下葵兒童體能智能測驗中心 2370 1887/2744 8579 中九龍兒童體能智能測驗中心 2246 6633/2715 3447 粉嶺兒童體能智能測驗中心 26394102 /26712797 至於學校事情，由校方去理吧！不要把太多事情肩負上身，擔負太多了。你只可做兩件事： 一•學校事你不應挿手，不可作任何推測，子女回來說學校什麼都好，校方說子女什麼都好，都是單方面，一定要保持中立，但一定要有反應，回應可以是：哦、係呀、你有什麼想法等…。咪不知就裏，胡亂答嘴，很易令小朋友感到你是偏袒，從而輸了彼些間信任和感情。 二•財政上許可同佢試叧一隻藥，觀察有否改善。若有改善，佢又小比人責罵，你唔使成日變癲婆壓力非常大。這樣，校方好，阿仔好，你又好，是三贏。 而其放學的行為，一方面，副校長已經幫你睇住了，短期內都可解決問題。至於，在你方面，我建議你跟他講感受，話比佢知，當他失蹤時，媽媽的擔心，害怕失去了心肝寶貝。再者，家中嘗試設一些他喜歡的玩具，互相協議當他放學回家時，可比佢玩一段指定的時間，來提升他回家的慾望。 班主任唔好，都有副校長好呀！ “當佢有慾望時就完全蓋過理智” 我建議你從日常生活去訓練佢不要太心急。 而轉校問題，你其實已想得很周詳，但多提一點，就是兒子的意願、适應、社交和情緒。 至於，沒有課外活動我就覺得對其身心發展不太好了。 “好希望其他媽咪講, 要睇佢幾時開竅” 真是有希望的，若小朋友是因腦神經中樞跟同齡兒童遲了發育的話，在不斷發育期間，可寄望追得上。 事事要迫自己正面看，要樂觀，若非如此，漫漫長夜很難堅持下去。 |
更多選校、升學及教育心得討論內容
