教育王國
更多選校、升學及教育心得討論內容
| dabbycheung | 2006-11-02 21:57 |
| Lusita, 點解藍藍呢幾日突然間變成咁架？你有無問下佢發生左咩事呀？或者你同班主任傾下，會唔會發生左D咩事藍藍又無同你講呢？ |
| | 2006-11-02 22:09 |
| Lusita, 我諗真係要好好同藍藍傾吓, 可能佢有啲心事, 又或者有啲唔舒服. 我個仔有時唔舒服都會有咁既現象. 不過記住控制自己的情緒, 雖然會好忟, 但千祈唔好發脾氣住, 平心靜氣細路仔先會同你講心事. 希望藍藍盡快無事啦! 吉祥三寶 |
| Lusita | 2006-11-02 23:15 |
| dabby, 吉祥三寶, 我同梁老師傾過喇，佢話可能之前放左幾日假，又測完驗，玩「創」左個心，吾記得晒d規矩，好似岩岩開學時甘，我諗都吾淨係藍藍一個有這樣的問題，不過應該係藍藍最嚴重。梁老師話這幾天都好辛苦，叫佢地叫到聲都沙晒，諗住放完假後要再調位。 而體育課時的不尋常表現，可能係因為佢以為今日要做評估（我都以為係），返學時佢有d緊張甘同我講：「你點解吾同我練，係咪想我吾合格？」，佢突然甘講，都令我有d內疚。所以我諗佢既表現可能係想逃避。 藍藍係個種平時好多野講，雞毛蒜皮既事都要講一餐，但如果要傾深入d，關於於佢自己既感覺的，佢就吾會講，會盡快扯開話題。所以我諗佢係個d易相處，但難溝通的人囉！ |
| | 2006-11-03 00:16 |
| hi, lusita, 梁老師咁講, 放完下個星期既term break咪重嚴重. 講返藍藍既case, 可能要用吓啲新招數, tum吓佢講啲心事比你聽. 例如, 做吓角色扮演, 佢做老師, 而你就扮佢上課既表現, 睇吓佢會點樣表現自己老師的角色同埋點處理你既問題. 唔知work唔work, 不過做阿媽既, 就要成日扭六壬, 同啲小朋友溝通, 了解佢哋啲心事. 希望藍藍放完假後, 一切會回復正常啦!!! 吉祥三寶 |
| AlanB | 2006-11-03 00:41 |
| Lusita, Johnny 一年級時經常有和他同學的家長溝通，發覺小朋友很多時的表現異於日常時，家長好像無從入手和輔助。 我欣賞優才其中有一個很重要的原因，是她為家長和學生們建立一個非常好的溝通平台，每天她容許我們和孩子們結伴回校，我們可透過這個平台，自由地與孩子的書友認識和溝通，籍以瞭解孩子的生活和成長，更可與其他家長交流，與校方老師互通孩子們的教育成長歷程！ 以我之愚見，若要改善藍藍的態度，我們需用些時間，親身到學校體現她的生活，多認識她的同學，從而更加深對她的為何有這些表現的認識！ :-o :lol: :-x AlanB |
| 印第安公主 | 2006-11-03 15:39 |
| Lusita, 可能藍藍就黎7歲，不過睇下無防： Copied message from BK mami 一連十集的{父母學堂}每集都會描寫二至六歲的小朋友,如何逐漸學會自己行為怎樣影響及控制別人.每集內容的訪問個案,均來自不同的家庭背景及有難題的子女,包括幼兒期發脾氣,學前兒童的害羞,過度活躍症,讀寫困難等等.港台會邀請專家到受訪的家庭作出觀察,看看父母與子女如何相處及生活, 然後專家會給予意見,令父母作出改善 在5/11星期日晚7:00本港台 |
| Lusita | 2006-11-03 20:42 |
| 吉祥三寶, 謝謝你的提議呀，我會嘗試下！ Alan B, 其實由佢K1到而家，我一直都有積極甘認識佢既老師、同學及其他家長，了解佢既學校生活，現在我甚至沒有工作，每天送她返學接她放學，有時我會叫她介紹她的同學給我認識，每天放學後我都會耐心聽她說說在學校發生的大小事情.......，或許還有很多不足夠的地方，但我一直都在盡力而為。只是.....她的性格....真的有點難搞！ 印第安公主, 這節目真的很吸引，希望我可以就到時間睇啦！ 我知藍藍係學校很多時都有同小公主玩，不如你幫我探下風，我想知藍藍在同學眼中是怎樣的，因為她有時會告訴我某某同學不喜歡她／不和她玩等，在以前也試過類似情況，真相卻是她自己不喜歡那個人，她有時會講真話，有時又會講反話，我一定要從其他途徑才能知道真相啊！ |
| Lusita | 2006-11-03 20:52 |
| 日日新鮮....... 梁老師話藍藍今日上堂講少左喇，但才華班時，老師叫她去隔離班房拿文具，點知佢一去無回頭，原來她在走廊看操場上的人踢波，當老師發現叫她回班房時，她竟然還對球場上的人大叫加油！ :-( :-( :-( |
| dabbycheung | 2006-11-03 21:23 |
| Lusita, 唔好咁傷心喇！ 不如你試下將你個女既行為post響「親子溝通」度，睇下有無其他家長可以幫到你？我見有家長將佢地仔女既問題post出嚟，都有其他家長解答到。我又見有位家長曾經提過一種叫做「幼兒行為治療師」既人，雖然我唔知係咩嚟？但可能會幫到你。 http://www.baby-kingdom.com/modules/newbb/viewtopic.php?topic_id=788923&forum=25&4 |
| 印第安公主 | 2006-11-03 22:08 |
| Lusita: 我向小公主打聽，佢都唔多講比我知．於是我問佢全班最曳係邊個，佢唔係話藍藍呀．你唔駛咁擔心．如果我打聽到ｄ野實話你知． ;-) |
更多選校、升學及教育心得討論內容
