教育王國
更多選校、升學及教育心得討論內容
| silvia_yu | 2007-03-16 17:00 |
| 哎呀....今日真係行程豐富啦。朝早起身落左去秦石諗住同杰媽食早餐嘛，點知可以同佢地一齊上去睇樓wo...琪琪見到杰杰呆左呀。跟住點知睇完樓簽野好快啦...等鬼死咁耐，房屋署d人真係做野超慢，要成棚人等佢一個。 跟住我就抱左琪琪搵婆婆啦，點知婆婆又話同琪琪去搭馬鐵喎，仲同我講"拜拜咪咪"。咁我咪閃人返屋企換下拎返d野囉...再落去join返杰媽同曦媽。 跟住終於join哂咁多人去飲茶喇，飲飲下婆婆打黎話琪姐發癲攪唔掂呀，於是咪飛的返婆婆屋企湊返佢囉。最後就同婆婆去左新城市行左一陣，又同琪琪返左2對鞋仔呀...一對涼鞋黎架for佢係學校著。 |
| | 2007-03-16 18:15 |
| 哈.... 曦曦有雞粥食咁正~ 我好想食添~ 杰杰得瘦肉粥咋, 不過婆婆煲的, 好味道卦.... 食晒~ 同杰哥剪左頭髮喇, 不過係咁2咋, 因為我見到佢真係玩到成頭大汗, 滴水咁滯, 同佢修下囉.... 當然同之前一樣啦... 一岩一忽就硬嫁喇, 聽日有時間再執下去啦.... hehee.... 等多十五分鐘出門口返學囉~ ;-) ;-) |
| winwin815 | 2007-03-16 20:04 |
| yes yes...我都好想食雞粥呀, 今晚老公ot, 原本叫我自己落街買野食, 點知文文飲完茶返屋企訓左個靚鐘後, 勁喊, 喊到扯晒蝦, 成身濕晒, 唔知點解, 我懷疑有少少嚇親, 因為飲茶時坐房, 我地咁多個女, 把聲又高音, 我有留意佢一路訓, 一路皺眉, 開奶比佢, 都係喊住飲, 喊下飲下, 飲下又喊下, 到我嚇死... 所以同老公講, 唔落街啦, 佢呢兩日跟住我已舟車勞動, 等佢抖下, 所以要食住包先, 等老公返黎買飯盒比我食 文文呢個階段, 真係好煩, 成日想轉身, 又未轉得純熟, 明明勁眼訓, 個心掛住轉身, 頭先佢側睡左幾分鐘, 諗住佢訓左啦, 點知無端端又"吉"返起個頭同膊頭喎, 真係比佢嚇親, 依家佢扒係到訓架, 可能standby隨時轉身 keke |
| silvia_yu | 2007-03-16 21:31 |
| 哎呀，聽日要帶琪琪返學喇，本身話比婆婆湊...但今日比婆婆湊幾個鐘婆婆已經散左喇。因為琪琪要婆婆抱住唔肯落地呀，激到婆婆彈下彈下呀。於是聽日帶佢返學呀，諗住星期六都唔係太多人返既。 |
| my1215sui | 2007-03-16 21:59 |
| WINWIN 文文嚇親呀,可能我地幾個女人一個墟啦...講野大聲左都吾知添....好在佢冇大喊呀.... slivia 星期六都吾係好多人返之ma,咁你會吾會帶藥落去叫老師餵呀.....我明天都會帶妹妹返學呀,睇下見吾見到你先.... 杰媽 簽左間屋你就開心晒呀,終於有自己屋企lu.... 真係羨慕死我.... hyma 豪豪今日點呀.... |
| silvia_yu | 2007-03-16 22:07 |
| my1215sui, 我會帶埋d藥返學呀，因為佢而家都係鼻水姐。應該會撞到喇，我都係準時8點鐘返去呀... 杰媽, 無錯，等閒落你屋企搗亂...哈哈 |
| my1215sui | 2007-03-16 22:10 |
| 咁明天見啦,我都係一樣八點鐘到湊妹妹落去呀,因為明天我長週,而婆婆就專心湊軒軒law..... |
| square72 | 2007-03-16 22:49 |
| 琪媽, 星期6學校唔幫餵葯ka~~ |
| hyma | 2007-03-16 23:55 |
| Quote: my1215sui 寫道: WINWIN 文文嚇親呀,可能我地幾個女人一個墟啦...講野大聲左都吾知添....好在佢冇大喊呀.... slivia 星期六都吾係好多人返之ma,咁你會吾會帶藥落去叫老師餵呀.....我明天都會帶妹妹返學呀,睇下見吾見到你先.... 杰媽 簽左間屋你就開心晒呀,終於有自己屋企lu.... 真係羨慕死我.... hyma 豪豪今日點呀.... 今朝同豪豪去覆診，豪豪仲有咳呀，不過就無燒啦，成日都無訓過覺，又唔肯食野，好似食左興奮藥咁，對住佢我就黎想死啦，好百厭，明天同後天要自己湊返，簡直係人生一大挑戰 :giveup: :giveup: |
| winwin815 | 2007-03-16 23:56 |
| my, 其實我估大家一齊笑會比較驚嚇 haha 點解星期六唔餵藥架 :-? |
更多選校、升學及教育心得討論內容
