升小學無論對小朋友抑或家長都係一個好大嘅挑戰，但最熟悉小朋友嘅會係父母，搵一間適合小朋友嘅學校好緊要。我自己唔鍾意太注重成績嘅學校，無奈而家嘅大環境學校都可能會改變，希望小朋友嘅壓力會無咁大，功課、考試可能無咁多。有d小學真係一年兩考四測，晚晚做兩三個鐘頭功課。另外校風好緊要。如果有做開融合，應該會比較有認識，知道點處理。有d學校會有調適，例如功課量或考試會有調整。可以打聽吓同區學校情況，有時間返學放學時間去觀察吓，同d家長傾吓。我當年直接打電話去學校，講自己小朋友情況，感覺吓學校接唔接受。你都可以問吓依度有無同區媽咪可以分享吓。希望幫到你。
Quote:原文章由 CCheng 於 07-7-6 00:55 發表
各位,
唔好意思打擾了...
對於有學障的小朋友, 升小的確是個大難題. 一方面擔心能否適應主流學校之課程, 學校會否配合, 另一方面又害怕老師同學是否接納他們, 實在是傷透腦筋. 相信對於我的心情, 各位一 ...
