帖子列表  登錄   
Daisy媽咪 | 2006-05-10 10:23
cameo,
你真好記性+心水清 ! ;-)
我知道有速算紙, 但唔覺有三個十位既加數喎 ??? :-? 但我地班主任先前已經講左新校長有要求架啦 ! 不過我唔知d程度係咪深左, 因為冇得比較 ! :-) 但我朋友個女讀真光, 佢一睇我個女d 中文worksheet 已經話深, 佢地依家先做既worksheet, 我地十月已經做緊啦 ! 8-)
vickycheung36 | 2006-05-10 11:55
hi Cameo,

協恩都是無望了, 所以聖羅撤會第一位, 但之前有人話選
聖羅撤第一但, 最後都去到第八第九志願所以好怕.
我想問下你到第二輪的時候你的排位是怎樣, 可否比我
因為排到第三都唔知怎樣排落去. 其他學校都唔認識,
我知九龍中學校綱好似幾好, 我想問下個校綱號是什麼.
中學個校綱是怎樣計的, 如果是大埔個校綱是什麼?
:wave:
羊咩咩太太 | 2006-05-10 16:51
Coyee,

請問你囡囡跟得上課程嗎?我都幫囡囡選左聖羅撒,萬一咁好彩拜到,要準備d乜野上小一,你有無比佢番補習班呀?功課多嗎?其實我都幫囡囡報左一間私校,因經濟問題,我好希望佢可以入到一間唔須要交學費又咁好既學校. :roll:
cameo | 2006-05-10 21:53
daisy媽咪,
我話深o個張速算都係尋日定前日先派返嚟o架咋,其實我都知我個女無可能現階段做得到,我都覺得學校唔會考試測驗出到咁深,不過都想知學校用意,老實講,我女而家7+8都要靠數手指o架,所以平時做功課or測考都無乜所謂,因為總有足夠時間佢慢慢數吧,但速算真係未能去到水平了.......
其實我都唔識比較程度,事關得一個女,haha,不過就可以肯定以我女o既程度絕對唔算輕鬆,平時要keep住幫佢溫吓習跟吓功課,因為我女唔可以一日記得太多,平時英文默書一定要分開幾日溫習先會入腦啊,,,,,,所以近排開始自己都落力左幫佢借圖書,揀d適合佢俾佢睇,等佢接觸多d上英文堂時可以信心大d,不過呢個方法真係幾work,我借o既書程度係低到2,3歲小朋友程度,但佢可能咁樣反而無咁抗拒,從而興趣大番d~
vickycheung36,
其實機會有幾大真係無人知,不過既然你已決定唔選協恩其實機會都相對大左好多o架嘞,我上年就係又貪心又擔心,因為自己又選協恩又選st.rose,跨區重要選埋舊油天添啊,,,,haha
我填表係(甲一)舊油天(甲二)協恩(乙一)協恩(乙二)st.rose(乙三)合一堂下午(乙四)合堂上午
cameo | 2006-05-10 21:59
羊咩咩太太,
我自己無俾個女讀任何升小班,因為當知道結果,並決定入讀後,就落力去令個女接受間學校,好想佢個心係"期待返st.rose",所以小一迎新日及家長日都好重要,因為係小朋友認識學校的重要一步,個人認為,短短一個暑假程度唔太可能急進,反而要令佢多了解學校,投入....咁對佢入學適應有好大幫助啊 :mrgreen:
Tiffanyyung | 2006-05-11 00:04
vickycheung36,
我諗如果小朋友係讀緊聖羅撤幼稚院而進入小學的機會會大
vickycheung36 | 2006-05-11 09:34
HI Cameo,

多謝你的回覆, 想請問下合一堂好嗎? 再否再覆第四...位, 你是否寫矖.

:cheeze:
Daisy媽咪 | 2006-05-11 09:50
Cameo,
我個女未派依張速算紙, 所以唔知佢做成點, 不過我見佢本良師d 3個雙位數既連加法錯哂, 都心中有數 ! :cry: :-) 我個女既 weakness 係數同中文, 中文真係好難攪, 都唔知黠教, 我好驚佢final exam 唔合格 (我唔求佢高分, 只要佢合格我都 :adore: 加上亞女又手腳慢, d 功課做到好夜, 再加上我working mom, 平日都冇時間同佢溫, 只靠星期六, 星期日冇左賓賓, 亞仔又只係跟我, 老豆又唔識同個女溫書, 所以 :-( :angryfire:
你好細心, 做你個女真幸福 ! :-D 亞女早兩日同我講 "溝女" :-o 原來係同學仔度聽番黎, 我同佢講 "呢d係粗俗說話, 好孩子唔會講既, 媽咪以前如果有同學仔講呢d野比老師聽到要記小過架 !" 真係煩呀, d 功課都未攪掂, 仲要攪d咁既野 !

vickycheung36,
如果你張st.rose 放第一, 你中既機會好大架 ! 我所指我朋友派七,八志願, 佢係同我一樣 (1. 協恩, 2. st.rose) 要記住, 依個遊戲係玩luck, 你有luck 的話, 誇區第一志願你都可以抽到 :-) :-) 明未 ? ;-)
vickycheung36 | 2006-05-11 11:29
Hi Daisy媽咪,

多謝你的回覆, 聽你講完都安心d, 不過要講"運"我就無, 今次要看阿女有冇運. :cry:
cameo | 2006-05-12 00:23
daisy媽咪,
sorry,我記錯了,連加法係佢本良師,今日派番張速算嘞,其中幾題其實我自己唔係好識點去教佢....
a.45 + ( ) = 90
b.52 - ( ) = 22
c.( ) - 24 = 40
若果而家教佢左右兩邊掉,係咪會重亂呢???好似a題咁,我開頭諗住教佢:
45 + ( ) = 90
( ) = 90 - 45
但諗諗吓又怕咁教佢會好亂,因為將呢個方法放去b題好似煩左d啊,,,,,,
呢張速算紙入面,10題只做啱2題,其中有6題無做,我問佢做咩會咁,佢話老師要求短時間完成,基本上佢連第10題都未睇到啊,,,,,,,,,,,,
你女係弱在數同中,我女就數同英,,,,唉,,,,
咁你有冇時間借圖書俾佢睇呀?其實我女本身對中文有d興趣,所以佢都肯睇圖書,以往我都係單靠佢喺學校借,但發覺佢真係唔識選擇適合自己程度,而家我每星期同佢借4本中一本英,每一本都好薄,"現代化"少少o既故事俾佢,因為我發覺某d中文圖書d字眼我自己都讀唔出o架,,,hahaha~英文圖書就勁淺,我諗若係外國人嚟計,本英文書係2,3歲程度啦,haha,但就發覺佢咁先會睇,而且要每次都同佢一齊睇先ok囉,以前我俾d"正常程度"英文圖書佢睇,佢會好無心機.....上次返學校見到社工,佢都建議我先提起佢興趣,再而先考慮程度,,,,,,
你唔好太care佢個分數合唔合格啦,其實我女成績今次真係幾好,但我真係睇得出,唔係話邊個叻d邊個懶d蠢d,而係若果佢性格本身係專心小心,做家長可以輕鬆好多,我女今次真正進步都唔係能力,而係睇到佢少左d粗心大意位吧,我都難保佢嚟緊exam會唔會又粗心大意.............
我呢排真係驚佢數學追得難,因為佢十位數三個連加都未ok,良師好多時都有好多要改正,但而家已經教緊第二課了......
講開你個女講"溝女",,,我個女今晚睇火舞黃沙時問我咩叫"打種".........點解釋呀,,,撞鬼....重要咁啱o個段講完又講,,, ;-)
vickycheung36,
其實我女幼稚園時有個老師好了解我女,佢覺得女校適合我女,而34網協恩同st.rose同樣都係一間好好o既女校,所以揀,而三四志願我都係揀合一堂(上午及下午)因為我女幼稚園同合一堂係友好關係學校,所以間中會合辦活動,而我女幼稚園同學中亦有哥哥姐姐讀緊合一,佢地俾我意見係合一英文程度唔足夠,將來將中可能會選番中中較適合,但佢地及我自己眼見,學生紀律好好,所以揀佢~
tiffany,
我女一年級呀,佢平時英默一定一定唔可以一次溫晒o架,平時間中我都會佢叫成本英文書的課文讀吓,有對答的就我間中會同佢一齊讀,如果唔係就記唔到, 一係好快唔記得晒~
2/109
首頁|前頁|下頁|尾頁
.
Powered by Baby Kingdom
立即打開