帖子列表  登錄   
| 2007-04-17 21:19
哦.... 做乜要拉起呀?? 我中文唔好喎..... 英文仲差.... :-) :-) :-)
我今日都有買"拉起"喎.... 不過得女仔, 但我都照買呢, 諗住响屋企著, 杰少唔介意嘅.... 我諗.... :-) :-) :-) :-)

我之前用幫寶適嘅輕鬆穿, 麻麻地, 拉起好好多~ :-) :-) :-) :-)
square72 | 2007-04-17 21:19
"拉起" 哩個名不知幾咁動聽ar!!!
我哩d 都係英文水平勁差...串錯字就唔多好la!!
今日唔洗番工真係仲望過番工ar!!
洗奶樽, 曬衫, 買餸, 煮飯, 煲粥... 真係忙到c~~
"兼職"都係要諗諗好la!!
我諗番"兼職"仲忙過番"正職"呀~
但點解你地番"兼職" 好似咩都唔洗做咁咖~~??
今日先係h&m 買咗兩件衫同條裙比曦姐ja!!

| 2007-04-17 21:27
哎唷唷, 你地都淨係英文者... 我中英都唔得嫁.... 唔好考我呀!!!
我MSN shortshort地.... 唔知係咪大風呢... 上唔到呢~ :giveup:
silvia_yu | 2007-04-17 21:39
我而家返半職除左返工行街之外，屋企野我一定做到足架。因為琪爸返屋都好辛苦喇，無理由佢放工返黎仲叫佢做嘛...不過日日都掃地拖地囉，因為始終有小朋友係屋企一定要做架，同埋每個星期一次大抹野囉...真係開漂白水抹架，乾淨d嘛。日日都開機洗衫洗奶樽....所以返到屋企係非常忙架。
my1215sui | 2007-04-17 21:53
今日冇留言等我又吹下水先...
我英文程度仲差,完全都吾知咩叫拉起,
你地講到真係咁抵,你地去開入貨幫我入埋啦....

我湊住兩件都要做家務啦,仲要等佢地目訓左先可以慢慢做呀.....真係慘呀
jocola | 2007-04-17 23:10
pull up??

19.9 for 12 pieces???

i did not buy ar...only see girl one.....-_-
| 2007-04-17 23:11
哎唷.... 肚痛呀!!! 隱隱痛左幾個鐘喇.... 想點呀... 又無得疴, 齋痛! 救命啊!:giveup: :giveup: :giveup:

頭先洗洗下碗, 發覺抽氣扇怪怪地, 似有大風, 但都唔為意, 忽然間, 一隻窗好快被D風吹開左, D風入晒嚟.... 吹亂晒D野, 我咪那那林去閂囉... 點知第二隻窗又吹開埋喎.... 咪用另一隻手拉埋佢囉, 但點知見第三隻窗又吹開左喎, 我已經無手喇... 咪唯有大叫囉... 點知... 大叫三聲都無人應我喎, :angryfire: :angryfire: :angryfire:
唯有再大聲D囉.... 終於有人應我, 仲要全家一齊應我, 包捨杰少喎.... 因為第三隻窗上次有人check過話唔太得, 不過我地未換, 真係怕佢吹左落街嫁.... :oops: :oops:

頭先見新聞話嘉年華有人被困呀.... 又係D風囉.... 好彩同琪媽尋日去者....
幾時去H&M?~ 梳平?? 要洗錢嫁喎~ 我呢期窮呀, 呢期係今日開始呀, 唔好叉輪柱我尋日去嘉年華同H&M呀!!!! :-) :-) :-) 尋日仲有D嫁, 但因為今日收到通知報課程要今個月內比錢, 另外仲有水電按金通知書..... 要交錢呀.... 26/4前交呀!! :giveup: :giveup: 仲要杰少生日會, 要買野喎, 今個月唔洗預我喇....

今日鄺老師話觀課得1個位, 即時呆左, 因為通知左契媽嘛, 佢仲請埋假添.... 話佢知果時, 佢不知幾傷心呀, 好彩放學有通告係生日會者.... 即刻話比契媽知... 有生日會補上, 如果唔係.... 契媽殺我都似..... :-) :-) :-)
| 2007-04-17 23:15
jocola,

係呀... 拉起特價品已經無男仔喇, 我都係買左女仔比杰少用... hehe.... :-) :-) :-) 屋企用唔緊要啦....
winwin815 | 2007-04-18 01:52
haha...比你地笑死...拉起??? 幫寶適???

我d朋友話, 可以去萬寧留名, waiting list咁話, 你地想入貨, 可以試下

仲有, 我有朋友話個sales話, 其實男女一樣架喎

我就黎唔可以同大家食早餐同埋tea啦, 我老闆叫我轉"全職", 不過好激氣, 佢明明星期六打比我, 係用"全職"呢個terms, 點知今日變左"你下個月返長少少啦, 朝十晚五, 我加返你2千啦" :-o :-o :-o

其實我係呢到做好低人工, 事緣係我幾年前, 立定決心要轉行, 放棄左之前份算高薪既工作, 點知轉行並唔係想像中咁易, 咁當時呢間公司, 其實係我叔叔同我老闆夾份既, 要人喎, 做既工作性質涉及marketing, 我想轉呢行嘛, 咪做住先, 諗住攞下經驗, 同埋方便寫返封靚仔reference letter, 所以even佢地講明比唔起高人工, 都算數, 咁之後就大肚, 到我生完後, 其實我叔叔係叫我搵過份工既, 話唔使用人住, 公司afford唔到, 但係會比3個月時間我搵過份工, 即係請多我3個月, 咁人工就當然除半啦, 但係因為係叔叔deal既, 係比除半多少少, 後來, 老闆又話其實要人用喎, 咁我個時仲餵緊人奶嘛, 時間好緊要, 所以咪繼續做囉, 諗住文文戒奶先再搵

點知, 依家叫我返"長d", 居然唔係double返, 好嬲呀 :angryfire:
silvia_yu | 2007-04-18 07:14
早晨呀,今日一早起身執野....諗緊陣間下午影相著咩衫好?!今日會好早接琪琪呀，我諗應該3點鐘去到接佢呀...希望今日影到令令相啦。

由今日開始我同琪琪帶"拉起"學校著了，因為我買左大碼，怕擺下擺下擺到唔岩著呀，同埋佢而家個價錢仲平過幫寶適呀，同埋上次買幫寶適買左加大...可以擺下既。
219/262
首頁|前頁|下頁|尾頁
.
Powered by Baby Kingdom
立即打開