教育王國
更多選校、升學及教育心得討論內容
| my1215sui | 2007-05-05 18:00 |
| HIHI 好熱鬧喎..... 杰媽 下次你搭的士都要搵埋我呀.....等我遊下車河都好喎.heehe 琪媽 係呀,你記住準時交學費,如果吾比琪琪返學呀,到時你累到琪琪冇書讀就慘.....咩都可以慳,學費吾慳得呀~~~~ 曦媽 終於做完家訪呀,安樂晒啦.... 你有冇厄到學生資助辦事處呀,你厄佢等陣吾比你減免學費呀 |
| | 2007-05-05 18:13 |
| 嘩.... 今日趕唔切呀, 無論返學同放學都趕唔切呀~ hehe 返學就比杰哥堆C搞搞, 落樓又無的士喎! 返到已經9:15! 到放學, 其實已經延展左, 但係我同個同事去左銅鑼灣times, 果度真係一個迷宫, 上去難落樓都難!! 結果搞到好晏先搭車, 但最後都係塞車, 趕唔切湊杰杰, 好彩!! 有琪媽~ hehe...... 幫我湊左先, 我仲要搭埋佢順風車返秦石添, 真係錫晒你呀! thankkkkkk you~ :-D :-D 琪媽, 係呀, 本來尋晚放學返嚟整babyhome嫁喇, 但整唔到呀, 咪就係babyhome C左囉, 我等到2點幾, 洗埋衫non埋都未得, 咪瞓囉.... |
| silvia_yu | 2007-05-05 18:39 |
| 嘩哈哈~~唔洗thanks我啦...我多謝你買左套泳衣比琪琪啦。 話都無咁快，下個星期六就去海洋公園喇...我決定帶bb車去喇，雖然好大架...不過都係上車落車姐。我應該攪得掂既~~ |
| | 2007-05-05 23:25 |
| Q媽, 搭的士遊車河唔好玩嫁~ 下次我地搵琪爸同我地遊車河唔好玩D囉... :-) :-) :-) 曦媽, 中小企?? 係咪資助果個呀?? 唔係借嫁喎, 係合乎資格就攞到的, 當然唔係乜人都比啦, 係要公司老闆合資格, 讀又要達到佢要求啦, 而我... 就係攞過喇, 好努力去返學嫁~ :-) :-) :-) 不過, 文媽講政府公唔公平... 其實香港政府已經好公平嫁喇, 因為係香港囉, 當然唔好同响大陸落嚟果D相提並論啦, 如果係香港人係求上進的一群, 每個人都有自己目標, 搵多D$交多D稅係好多國家都係咁嫁喇, 如果真係覺得唔公平要交多D稅, 咁咪搵少D囉, 搵到政府set果個免稅位囉, 係咪? 或者唔做野都得嫁, 政府係有綜緩比合資格人攞嫁, 其實咪同我地攞學費資助...一樣者, 唔會高尚D嫁~ 我之前响美國做part-time會計, 佢地D稅同香港比, 差好遠添啦.... 淨係講銷售稅, 美國買乜都要比, 唔理你係咪有$定無$, 但香港無喎?~ 香港真係好好嫁喇! 之前我做sales搵得多, 係真係要比多D稅, 雖然比果刻係好唔情願, 但作為一個負責任嘅市民, 想香港好係要出一分力~ 好似我而家咁, 搵唔到, 咪又係政府比公屋我住同資助我個仔讀書, 係咪?~ 公平!! 文媽, 不過我諗你對公屋成見太深, 作為公屋新成員嘅我, 我好欣賞的, 係.... 申請時入息係好緊, 但好似我咁有成一萬零幾百入息限額啦, 當時呢份工就岩岩好, 所以我做左3年喇, 就係為左排公屋囉, 我又唔覺得我搵得少喎, 唉住成萬喎, 比上不足, 比下卓卓有剩啦.... 但諗深一層, 有個細, 多多都唔夠洗啦~ 為左比杰杰一個好嘅成長環境, 我有必要節省開支, 包括屋租, 因為我要留比杰杰用! 我唔能夠淨係屋租洗我一半或者四分一, 如果係咁... 一毛子都儲唔到呀!! 但而家已經成為公屋居民嘅我, 有雙倍入息限額, 好足夠了, 2萬銀限額喎~ 做幾份工都得啦... hheheee 況且轉左去新地方返工, 有多D入息又唔怕超額喎, 幾爽啊~ 2萬呀! 豬爹都搵唔多咁多啦, 但佢要供樓喎, 不過佢又好enjoy嘅, 始終買樓係佢夢想嘛, 所以佢唔介意搵多D比多D稅, 因為只有咁.... 佢先可以完佢夢想呢~ |
| winwin815 | 2007-05-06 00:17 |
| 杰媽, 我都係住公屋大, 我唔係對公屋有成見, 而係政府, 不過...算啦, 唔好提啦 |
| square72 | 2007-05-06 15:00 |
| d cookies 好食就好lu~~ 幾鬼驚你哋話難食ar!!! :-) :-) 下個禮拜我要整豬肉乾~ 我同杰媽諗法一樣ar~~ 真係多咗個細... 唔慳d 都唔得ar!! 我同老公兩個夾埋先搵得嗰兩萬左右.. 如果叫我租層6k既樓... 再扣埋d 雜費... 真係成家都要食c lor~~~~ 雖則我唔係係公屋大... 以前冇諗過自己會住公屋... 但生活迫人ma~~!!! 唔通明知自己交唔起租都要走去租間5, 6k 既樓咩?? 到時冇得交租, 交學費... 咪仲cheap~~ 冇咁大個頭又唔好做大頭鬼la~~ 所以... 家下我咪幾好... 交嗰千幾蚊租... 一個月慳番唔少ar~~淨係li 幾千都好好洗la~~ :-) :-) |
| silvia_yu | 2007-05-06 17:27 |
| 曦媽, 今正...整豬肉乾，記得預埋我同琪琪呀。 我自己都係公屋大架，真係住到同琪爸一齊先係出面住既...住公屋真係唔錯，我真係好鍾意秦石間公屋架又好view喎~~我同琪爸而家都申請公屋呀，因為真係金錢問題囉...就算比埋新樓你住都係2千幾蚊租，出面點搵到一間二千幾蚊樓呀，好講真...而家無咩望喇，真係望自己可以有個屋企囉...我同琪爸都好鍾意公屋，乜公屋d交通唔係好方便咩...。 我而家不知幾想快d有公屋呀，就算我而家住緊個度唔洗交租，只係比雜費都好重皮架...仲有琪琪學費又係一筆大數黎既。陣間d小朋友病左又要錢睇醫生...唔好講其他啦。只係奶粉尿片呢d已經唔慳得啦，仲有佢地食呢~~雖然我係一個無飯主婦，但我都要琪琪夜晚至少大半碗飯/麵~~粥仔佢歲幾前我都日日煲架!!無論點一個屋企既開支真係好金，如果有小朋友既話就緊加唔洗講啦... 初頭我同琪爸都有諗過出去租屋架，但諗諗下我地而家都岩岩好咋，仲租屋喎~真係交得學費黎又交唔到租架... ...諗落都係算了~~ |
| | 2007-05-06 18:05 |
| 嘩.... 搞乜呢排我地咁多...."偉論"發表呀?? 水蛇春咁長... :-) :-) :-) 今日我好早起身呀, 過左新屋拜神呀, 煙到我呀.... 眼淚水都標晒出嚟呀, 跟住下午就搬野喇, 好彩今日我哥响樹, 同埋我細佬兩條友幫手者~ 文媽, 政府?? 唔係好明.... 算我見識少.... sorrysorry~ :giveup: :giveup: 曦媽, 曲奇...真係得!!!! :-D :-D :-D 下星期豬肉乾?? how整呀?? 真係用新鮮豬肉整呀?? 拿.... 預埋我同杰杰喎... :-) :-) .... 曦媽呢D咪就係貴少婦囉.... 得閒响屋企就整下餅, 真係恨C人囉.... 我今晚仲要返工呀!:-( :-( 新屋D野都未執呀! 不過好攰.... 留番聽日啦.... 琪媽, 快D入紙申請啦, 有可能同Q媽同期呀! 做隔離鄰舍呢~ 到時就good good good! :-) :-) 不過唔好派咁遠喎, 沙田好喇.... 近我地嘛... :-) :-) 入左紙仲要等2年嫁, 到時琪琪4..5歲, 岩啦... 你又可以全職湊琪琪喇, 到時琪琪上小學, 咁你生多個陪下琪琪囉.... 嘩.... 幾完美啊~ :-) :-) |
| square72 | 2007-05-06 21:37 |
| :-) :-) 今晚整咗豬肉乾la~~ 正ar!!!! 原來豬肉乾係咁易整ja~~ 仲要係好鬼平tim~~ |
| my1215sui | 2007-05-07 08:32 |
| 早晨呀,冇上o黎一日半日之ma,咁偉多野睇呀.... 曦媽 我都未試過你o的曲奇,牛肉乾.......你幾時整比我食呀,heehee 其實我都好想快o的好似你咁抽到間公屋呀,話晒都自己地方ma,始終有自己屋企好o的....之前都有租過金獅2期,三千幾蚊都好細,你現在比千幾蚊就有三百幾呎..真係抵到爛啦... 琪媽 你入左紙未呀,我四月中已經再遞多次呀,今次希望一齊順利啦,我估都要六月到先收到藍卡呀 基本上都要等兩三年呀....到時琪琪都讀幼稚園lu..... |
更多選校、升學及教育心得討論內容
