帖子列表  登錄   
sung米米 | 2006-07-09 23:37
rogavi818,
今日本想去太興食, 好多人呀, 等位要等成三十幾張, 我地最後都決定落樓下紅樹林食算, 今次已經第二次太興無位要落紅樹林食 :-( , 你坐出面多定入面多?
davidmarco | 2006-07-10 10:40
tobykin2006:

今天氣死我了,又不能去,次次都係咁,想去時,就這天氣,連續2個多月都係咁,咁又唔會話大出血,都係數個月才去買一次,一買都買一季了,老公兒子的東西都是我買!所以要拿個大大袋,現在的心情如今天天色一樣沉了,唉,老天都不想讓我去買東西,點解呀,天呀! :-(
davidmarco | 2006-07-10 10:44
sung米米:

我只試過做兩次凍餅,其實都係初哥一名,唔係好識架,你所講的曲奇我都從沒整過,因不懂,太難了,我好怕要焗的東西還有搓面粉的,我都不懂,糕點都係自創的,靈感到就會自己試下,哈哈,等我有空再教你怎弄,你鍾意食咩甜品,我係指用大菜去做的,其實可以有很多口味的! :-)
Marie貓貓 | 2006-07-10 12:00
davidmarco，
即使未生之前比較細食，但我都唔係勁到食一個蘋果就飽，最主要係屋企無存糧唔使煮，人又懶落街，咁就有乜就食乜咁解o者。

係呀，小朋友真係無須華衣美服，只要普通綿質衣服，再置1-2 套比較得體的衫就已經足夠。阿仔細個係家族中1st 男仔，所以無得執二手衫，但阿女有個大2 歲的表姐，大把靚衫執，真係慳返唔少。
你都好厲害喎，忍成年才去掃貨一次，仲要揀咁熱的日子才去花園街。
davidmarco，我有問題請教，點解焗好的蛋糕攤凍之後會縮水o既，尤其置於焗爐內更為嚴重，有乜技巧可以改善。仲有麵包點解已經擺o左幾個鍾發酵，點解都好似無乜大o既。

rogavi818,
你咁講咪盞笑大人個口，我煮o野真係o也o也烏。
雖然每次請親朋到家吃飯，大致上無人彈，再請他們作客也還敢上門，但我真係無乜技巧，祗不過係咁煮，幸好無人怕食。唔怕靜靜話你o地知，我最怕煎o野尤其係煎魚，我無耐性架，只要企係度煎時會忍唔住不停係咁翻，即使係易潔鑊都煎得爛魚，唔見得人，哈哈……
為o左唔煎爛魚，唯有搵其他o野摸下，轉移注意力咁
囉。

我好為食，所以擁有強勁體態。亦都因為鍾意食才會研究煮食，再加上大少都好鍾意食，要做一個出色的阿四老媽，唯有努力d。唔講口感，但求點配搭會好味道。

你o地講開按摩椅，在千色、吉之島 有promo，試過幾個大牌子，都係覺得 O 仔比較舒服。
去年，可以話好彩又可以話唔好彩，年中試那部美腿按摩師，真係覺得好舒服，幾經考慮就買o左喇，適逢係抽獎推廣期，近年尾得通知竟然抽到音樂按摩椅。唉，做o左咁多年人都無中過獎，一係無獎一o黎就咁厲害。
咁大座o野都唔知點安置好，咪學人在百佳&屋苑掛出讓廣告，但無人問津，延期又延期…無人要唯有自己要喇。本來以為自己會常常嘆世界，但原來係唔會架。

Marie貓貓 | 2006-07-10 12:12
sung 米米,
你都鍾意食糖水架，真係o岩喇，咁你鍾意乜甜品呀。
我鍾意黑糯米、青心丸綠豆爽、桂花酒釀丸子，冬天就特別喜歡蕃薯 & 湯丸，諗到都想食。
有時係街道食的糖水，個名以為好難做o既水，返屋企試做又唔咁難。

tobykin2006 | 2006-07-10 12:21
davidmarco;

今日我種激氣,早上我同老公湊2個仔番左學,知後食完早餐在去買完野,跟住搭車番屋企途中落大雨,所以一落就全身濕洒,真係比個天玩死我,真係激死我la. :angryfire:

davidmarco | 2006-07-10 12:27
Marie貓貓 :
我邊有可能忍到一年先去一次買衫,我係一名鞋痴和衣服痴,哈哈,只今次隔最耐,全個夏季都去唔到一次,次次我一出門都狂風大雨,邊有心情,平均來說最短是兩個月左右去一次,最長咪都係今次啦,哈哈,仲有我從來都未焗過蛋糕,我只係整凍餅,不用面粉不用放焗爐的,我只係一名初哥,哈哈,你所問的問題,我都幫不到你 :lol: 你試過焗蛋糕,你比我更勁呀,哈哈,應我向你請教,我真係對自己焗蛋糕這方面全沒信心,所以不敢去試 :-)
davidmarco | 2006-07-10 12:32
tobykin2006:

哈哈,我老公今天都放假,我們都係一齊送兒子上學後去了富都食早餐,本想我今天去旺角逛街,氣死人,次次出門都這樣不順利,吃完早餐,天色黑了,快要下大雨,我們即閃電腳急速買東西,即回家,回到家就開始下大雨,哈哈,明天一定下雨,你都唔帶縮骨遮呀,我都有帶定!不過真係好唔明點解總係我想去旺角時,都一定天色突變,總是不想我去,唉,激死人啦,我好似被蟻咬的感覺,太久沒去逛街買東西了,周身都唔舒服,哈哈,我和老公說,點都要去逛逛才安樂,唔去旺角了,一會下午只好去逛下新北崗,唔順氣呀!哈哈哈 :-D
rogavi818 | 2006-07-10 12:34
Quote:
davidmarco 寫道:
rogavi818:

我個仔好鍾意食雲吞河,其它都唔食,自小都鍾意吃,我哋只會去大馬路大棠路周生生隔離咪有間門口有煎讓三寶,糖水賣這間店,好好味架,15元一碗加5元有凍飲,有5大粒雲吞,以前未有BB已經和老公常去這店吃,我都一定吃不完一碗,都會分多些給老公,現在有阿仔,我們可吃一碗,剛剛好,真係好好味,好少食到5粒咁巨大的,阿仔食2粒加些河粉已好飽了! :-)


davidmarco ,

我知你講邊間了 ,真的很大碗 ?? 你去的那間價錢便宜過我去果間一些.
Marie貓貓 | 2006-07-10 12:36
davidmarco,
我二小姐都係年尾出世，2年零9個月若早一年出生都唔可入學。當年跟她搵學校都不知幾難，因太細個，平日多接觸的人係菲傭，所以唔多會跟人溝通，一係十問九唔答，一係九唔搭八，真係派餘的學位才通知。

早入學係比較難1st 時間獲取錄，但也是值得的，好似阿仔小學的同學會嗟議，何解班中會有位比較大的同學，何況是大成年咁多。

明天係我的大日子，好緊張。
大少明天中一派位，唔知可否入到心儀的學校呢，如果唔可以，若又入到一間唔理想的學校，咁，由明天開始我就要做傻婆四處叩門喇。
24/188
首頁|前頁|下頁|尾頁
.
Powered by Baby Kingdom
立即打開