教育王國
更多選校、升學及教育心得討論內容
| jsbaggio | 2006-10-04 00:18 |
| :-D welcome back樓主!恭喜你生左個美人兒，6磅幾夠啦，嬌小玲瓏嘛。記住打電話去瀝源健康院預約，越早越好。 聽maman講，多d休息，唔好操勞，有乜家頭細務，等其他人做，自己好好養番身體。而家應該開始上奶，你會谷奶谷得好辛苦，儘量埋身餵呀囡，食唔唒仲谷的話就可泵出來，放入冰箱可存3個月，留番到時如你要去醫院覆診不能埋身餵，等屋企人同你餵。 出院後初期大家未適應，湊女會好辛苦，尤其是得自己1個人湊，會覺得咁大個人竟然連照顧1個小bb都做唔到，好frustrated。所以如果有乜唔開心，記住上黎傾下；當然如果你仲有精神時間的話，隨時上黎報告你的最新消息啦 :-) |
| silvia_yu | 2006-10-04 07:08 |
| Namnam05, 真係...我而家將會係自己湊返佢返學 跟住自己返工...應該每日8點1-2個字我就到了 未知咁咁多位媽咪又會幾點帶仔仔女女返學呢?? 我好開心呀,好多謝你話比我聽呀....thanks. winwin815, 恭喜你呀...生左個可愛的小人兒 記得多d休息呀....訓教訓教訓教 |
| winwin815 | 2006-10-04 09:31 |
| jsbaggio, many thanks ar.....我話你知我爭d放棄左架啦, 因為...... even我最後要開刀, 我都同助產士講, 我要立即埋身餵, 當時我其實係諗, 麻醉冇咁快過, 趁未痛, 快d餵第一餐, 書話個個moment餵奶, bb最易學得識, 咁跟住日半未落得床, 同埋未能夠自己照顧bb時, 就定時定候姑娘會帶佢黎比我餵, 其實真係好辛苦, 個傷口好痛, 根本陏唔到, 格硬打側身, 忍住痛餵佢, 加上又攰, 其實都唔知餵唔餵到, 咁唔理咁多啦, 照餵, 到第三日, 我自己落到床, 姑娘就話佢輕多左, 接近margin位, 要見醫生個隻, 提議我補奶粉, 可能個日開始女女胃口大左, 開始真係唔夠飽, 成個炆薑咁, 成日喊, 我又唔識湊, 威院幾排產科勁爆, 又冇人可以幫到我, 我最後比女女搞到成晚冇訓, 真係好worry, 自己湊唔掂個女, 因為第二日要出院啦, 返到黎, 點知我隻狗狗又勁jealous, 呢個係第二個問題, 我同老公都好唔想放棄狗狗, 佢唔細架啦, 好難搵人要, 所以個晚大家心情都好差, 我仲有少少堅持餵人奶既, 所以當晚b女仍然係好唔stable, 思前想後, 太多野要顧及, 諗住算啦, 我都try my best架啦, 諗住餵奶粉就算, 放假呢段時間, 每日搵兩餐餵人奶 但係...好好彩, 因為好少人開刀生都堅持立即餵人奶, 同埋抱女女黎個助產士係我之前係威院上產前course既其中一個有份講既姑娘, 我本身係多口之人, 我就同佢講, 我認得佢, 佢覺得我好有heart去做個好mami, 咁佢就話recruit我入唔知咩野project, 佢地有姑娘會跟進我, 時不時打黎問下我點, 傷口呀, 湊bb呀, 餵奶呀, 各方面都比意見我, 所以我又燃起返餵人奶既堅持啦, 佢話我個方法唔好, 應該每餐都埋身餵再補奶粉, 係麻煩d, 不過我暫時應付到 :-) :-) 我book左健康院啦, 聽日晏晝去, 好緊張呀, 第一次帶bb出街咋 |
| jocola | 2006-10-04 12:27 |
| winwin 815....... 聽日出街你自己要著多件衫唔好吹風呀！ 要小心d..如果而家感親之後身體好差架！ 開刀又唔同補法架woo..........你之前買o個d o ng ok ar??? 你是一個好媽媽，我一滴人奶都無餵過...........哈哈！ |
| jsbaggio | 2006-10-04 13:27 |
| winwin815 睇到你咁長篇幅真令人感動 :-( 記住休息多ｄ。你聽日返健康院，就算幾唔鐘意最好都叫埋９９去，多個人照應，話唒你而家身體都比較弱需要人幫手。瀝源健康院ｄ姑娘都ｏｋ，會教你點餵，個度仲有地方餵添，不過最好帶定ｄ面包比自己，coz第一次去時間長ｄ。 你而家隔幾耐餵？初初其實可以餵密ｄ，咁咪唔使補奶粉（慳＄外仲慳好多時間 －－ 唔使洗�烚奶瓶 ;-) 。 |
| winwin815 | 2006-10-04 18:18 |
| jocola, 好媽媽唔係咁樣衡量既, 我細細個, 阿媽就唔理我, 我唔想我個女似我咁啫 jsbaggio, 唉...其實我到依家都未fix我個schedule, 因為我暫時仲係餵同唔餵之間走黎走去, 早兩日, b女唔夠飽, 勁炆憎, 又勁喊, 我隻狗又未接受到, 勁吠, 搞到成家人都唔開心, 因為我地好鍚隻狗, 唔想因為女女而唔要佢, 但係如果咁落去, 佢地唔能夠共處, 咁一定要放棄狗狗, 跟住就諗, 不如餵返奶粉算, 至少我已try my best, 比左初乳佢啦嘛, 但係我麻麻同助產士(佢地邀請我參加d唔知咩野study)都話餵好, 今日助產士黎home visit, 仲話b女飲得好叻, 係我未算好多奶, 要餵好耐啫, 頭先佢地係到, 餵左半個鐘有多, 話b女應該飽啦, 咁我就停啦, 點知唔使半個鐘, b女又喊, 又要再餵, 餵左有45分鐘, 佢先訓到, 其實我唔mind佢一喊就餵, 但係夜晚就煩d, 會嘈住老公訓覺, 同埋b女一喊, 狗狗就會吠(狗狗依家開始接受b女, 會聞同lam佢腳板), 你又比d意見丫 |
| jsbaggio | 2006-10-05 00:03 |
| winwin815 BB一出世係掛住瞓好少醒，過左幾日先開始冇初生幾天瞓咁多，所以通常係醫院佢到好乖，到幾日後出院時先開始扭計，除因初為人父母唔識湊外，亦因bb開始會扭計，所以通常設到屋企後會覺得bb難湊。 我囡初生2-3weeks時，係feed on demand，每次食成45mins-1hr，通常佢隔約1個多小時就叫，咁咪餵囉。唔知點解，個時我從來冇諗過佢唔飽要補奶粉 ;-) ；其實要對自己(包括自己係夠奶的事實:lol: ）有信心 ，唔好以為亞囡喊就等於餓，coz可能係尿濕、扭抱...。盡量少補奶粉，因會令佢習慣知道埋身食後仲有奶飲，而由於飲奶樽相對啜乳頭容易，亞囡會慢慢揀食奶樽。 其實開頭1 week儘量feed on demand，慢慢再調較一個定時的schedule，不過唔使心急，target初頭每隔2小時先再餵，慢慢tune到每餐隔3小時。 E.g.假設你7:00am開始餵，下一餐就約於9:00am再餵，所以呢如每次要食仍成1hr，即食到約8:00am，跟住又換片等，冇乜時間休息好快又食第2餐。 個時我囡就約3weeks開始每餐相隔2-2.5hrs，到佢2個月大時，每餐已可隔3-4hrs了。 |
| square72 | 2006-10-05 10:59 |
| my1215sui, 你係咪3號著咗條紅色連身裙, 大約12點半到去接女女呀~~ 果日我帶咗曦曦去interview.... 曦曦會11月1號開始番... 細a 組... |
| my1215sui | 2006-10-05 22:13 |
| 冇上o黎一兩日就咁多留言 winwin 首先恭喜你先,現在最緊要多多休息,慢慢加入熊貓一族啦,heehee,總之有咩問題或者吾開心就上o黎同我地分享啦,知嗎, 開刀同順產都吾係太大分別,最緊要係大人同bb都平平安安 square 72 係呀,原來係主任間房這個就係你呀,我見你抱住bb係主任房好似好忙咁,我記得仲有個姑娘話同你bb換埋片添.... 你十一月返呀,好呀,可以同我女女同組,因為佢現在細組得八個bb,所以全部集中埋一齊,聽佢人講話如果之後多bb就會分開喎..... 我女女返左三日lu,so far都ok啦,姑娘話佢好鐘意目訓覺,食完就目訓,好乖呀.....咁我就放心lu namnam05 多謝你今日教左我咁多野呀, silvia yu 我下星期三就返工lu,到時我同老公會八點鐘就送bb返學呀,之後就返工.....而放工大約5:30就會接小朋友 |
| Namnam05 | 2006-10-05 22:55 |
| winwin815, 你而家先開始用肚cool都唔遲架,傷囗会無咁痛你湊B女都舒服D,今日去健康院順利嗎?仲有呀我記得我爸爸說過狗好有先後之分,因你擁有牠先才有B女,所以你要抱住B女同佢請請佢哋便会和睦相處架喎~ my1215sui, 唔好客氣,都不是教了你什麼,不過我有無叫你加2粒蜜棗呀~ :-) 祝各位中秋節快樂 !!!:-D :-D :cheeze: |
更多選校、升學及教育心得討論內容
