帖子列表  登錄   
carcar | 2004-11-09 10:49
hi all:
唔好意思, 有野想請教你地, 我仔仔報左今年禮賢, 想請問下, 讀禮賢kinder可以升上佢地小學的機會有幾高呢? 另想問下禮賢一個week有幾多堂eng同普通話呢?

thank you very much :cheeze: :cheeze:
Anita_Lee | 2004-11-09 13:08
PENPEN

hehehehe......我真係烏龍la, 我重交左車費tim, 自己係屋企出發重方便la......佢地d notice 有時一o黎就幾頁紙, 睇到我眼都凸晒!!
littleeva | 2004-11-09 13:41
Anita_Lee

交左車費唔緊要啦. 我原本都想唔交車費. 由家出發. 因為我地會自己駕車. 時間又唔使咁早,又方便. 但是老公一語提醒我
他話既然是團體活動當然跟大隊,回學校集合, 一同坐旅遊車. 讓仔仔感受"學校旅行氣氛". 如果我地自行前往, 就失去了這一點點點. 加上我仔仔是慢熱和內向. 比多D機會他參與團體活動都係好的. 諗諗下他都有POINT 於是 我就選擇了交車費. 當然回程就自行坐車.

朱古力 | 2004-11-10 09:22
昨日派左手冊，有不再做ＢＢ的兒歌歌詞，因為囝囝中段唔知講咩，而家我知喇！佢好鍾意哼呢首歌架！
littleeva | 2004-11-10 09:43
朱古力

我仔仔又係好鐘意這首歌. 佢叫我買cd 比佢在家聽. 我話唔知邊隻. 佢叫我問老師 !!!!!

佢話真係好鐘意. 好想在家都有這隻cd.
Anita_Lee | 2004-11-10 11:02
弊在我靜係交左老公同個仔車費呢, 因為我諗住我係公司出發呀.....你話點收科?
penpen | 2004-11-10 11:03
Anita,
你係上午定下午呀?! 唔好搞錯喎! ;-)

littleeva,
我好同意你老公既講法呀!! :mrgreen:

朱古力, bosze, littleeva,
我上次開完生日會已經即刻上網搵咗歌詞同阿囡一齊唱喇~
去過又一城果間唱片舖冇呢隻碟!
昨天幫阿囡洗白白果陣佢無啦啦問點解李老師唔鍚佢, 我問嚴老師有冇鍚佢, 佢話有, 我估其實佢祇係想詐下嬌, 不過我都同阿囡講會問李老師, 跟住寫紙仔啦~ 李老師好快覆咗我, 仲同我講了些阿囡上堂既情況, 佢有進步, 我好開心呀! 其實李老師每日都會攬下d小朋友架! 嚴老師就會鍚鍚囉~ 我順便同佢哋講埋關於上次家長會睇帶燒碟既事, 相信大部份既家長都會同意同埋願意付出少許既金錢留番多一個回憶! 佢話冇聽過, 不過會代我再告知園長再覆我 :-P
去旅行果日我諗住同阿囡帶埋吹泡泡去玩呀!! :-P
朱古力 | 2004-11-10 12:44
penpen,

如果真係可以COPY就好喇!因為我去唔到又睇唔到.

係呀,我逢星期一都係自己揍囝囝返學,見到李老師都會在課室等小朋友返黎,李老師會擁抱小朋友好溫馨.
GraceMami | 2004-11-11 00:00
hello, all. 很久沒上來喇, 我部電腦拿了去維修, 早兩日才返來, setup software弄了一晚, 追回你們這兩個星期的留言, 要看十多頁, 看足兩晚.....

生日會那天真的很多人, 前排的拿著相機攝錄機站著影, 我們後排也無奈地站著看, 我跟同班的另一位家長坐, 我們都後悔連相機也沒帶, 不過, 我在開始遊戲前便走了, 因要送電腦去修理.

講開部電腦, 囡囡見我在生日會那天將部電腦主機放入車尾箱, 就問我 "computer咩事呀", 我就答 "佢病左, 要入醫院呀", 她晚上睡前還為電腦向天父祈禱.

今日, 她拿了一本書回來朗讀, 叫 "月亮生病了", 睡前給她朗讀後, 她還要我領禱, 為月亮祈禱. 不過, 朗讀時她有點沒耐性及不專心, 時常不待我朗讀就問問題, 又或者轉下頁. 希望明晚會好一點.

家長會那天, 我們一班家長分組交流, 想不到我囡囡的組別是最少家長出席的, 當天沒出席家長會的大部分都在這組. 最期待的是看影帶, 囡囡表現都算ok, 就是覺得她有時坐得不斯文. :cry:


carcar,
禮小每年約收禮幼一半的學生, 另一半為外校生, 不過, 禮幼生上禮小也要面試的.
如無記錯, 一個星期有兩節英語, 普通話不定.
希望幫到你.
朱古力 | 2004-11-11 10:17
昨晚回家時一拿囝囝的書包，嘩！好重呀！原來有本好大既圖書，我昨晚都有同囝囝朗讀呢本書．
大家都要努力加油呀！
36/201
首頁|前頁|下頁|尾頁
.
Powered by Baby Kingdom
立即打開