教育王國
更多選校、升學及教育心得討論內容
| elam | 2006-07-12 22:25 |
| 我隔日就會去睇下個囡, 因為其實我同我老公都好掛住bb呀...我初時都好唔捨得bb比人湊日夜, 我考慮左成3個星期都決定唔到, 但係有一日突然發燒, 連抱個囡都冇力, 咁個媬姆就即刻黎幫我湊走個囡, 嗰晚開始就湊過夜lu, 我覺得係個天幫我做決定囉! 第一晚我喊到訓唔著, 朝早6點先訓得著, 7點又起身返工...第一個星期心情十分低落, 仲有個衝動想即刻辭工返黎湊返個囡呀.... :cry: 跟住第二個星期開始慣, 但個心都係好掛... 而家第三個星期lu, 都好掛架, 但係我變得好放心, 因為個媬姆真係好好, 用個心黎湊我個囡, 好鍚佢...其實咁樣對我個囡都好架, 唔洗日日一早攪醒佢湊出去, 夜媽媽又湊返黎... 我到而家都覺得自己仲有d產後抑鬱, 只要一唸起坐月嗰陣, 我d眼淚即時湧出黎, control唔到呀...千其唔好講tim呀, 會喊到唔識收聲...而家打字都有少少淚光...:-( :-( :-( Quote: carmenyip 寫道: 咁你咪好少見到個女囉！我會好掛住架！所以就算唔想有外人(工人)喺屋企，都要請工人。因為我諗住無論我幾夜返屋企，都可以見到佢哋。有個工人喺度，可以做埋家務，唔駛自己放工返黎做 elam, 你既然個女有人湊，你自己平時放工就好好休息下，有時如果做得攰或覺得緊張，去會所游水或做gym relax下，唔好俾自己咁大壓力呀！或者同我煲電話粥都得架！ :-) :-) |
| carmenyip | 2006-07-13 10:06 |
| elam, 不如你有唔開心時，打俾我啦！反正我坐緊月，24小時stand-by聽你電話，最緊要你自己放鬆d，唔好鑽牛角尖呀！ 同多d人傾多d，你會好d。 記住：每天都是美好的一天，視乎你點睇！ :-) |
| maggieddie | 2006-07-13 23:48 |
| Quote: carmenyip 寫道: 咁耐唔見elam同maggieddie上黎嘅？ maggieddie好似有咗bb喎，唔知佢有無唔舒服呢？希望佢放暑假有得抖下... hi, 真係有一排無上黎喇 上幾個星期嘔得好辛苦 一日嘔十幾廿次 完全食唔到 訓唔到 我老公半夜落會所睇完波上黎 我都仲o係廁所嘔緊 差不多有一星期返唔到工 上星期四開始先精神o的 又無再嘔得咁緊要 依家十五週 應該開始好 今日去照完超聲波 成個月無照過 好掛住bb 所以去左照 見下佢 又大個左好多lu 見到尾龍骨 手手腳腳都好清楚lu 不過個個都問我 唔知點解我個肚都無咩點大過o既 真奇怪...... |
| corriatai | 2006-07-14 01:54 |
| Hi maggieddie :wave: 過左3個月就會無嘔得咁犀利架喇 嘔得咁緊要就要小食多餐 個個月等見阿B真係好掛住 :roll: 個肚無咩大因人而宜 我最初都係個人一尾肥唔見肚 個肚成5個月先現形 :-) |
| maggieddie | 2006-07-18 23:06 |
| 噚日同事問我依家幾多吋腰 佢o地成日都走黎摸下我個肚 咁我o米貪得意返屋企度下 唔驚唔覺 我條23"小蠻腰竟然已經變左條30"o既水筒腰 再照下鏡 條腰唔見左呀!!! :-) |
| corriatai | 2006-07-19 00:16 |
| 我個鑼都已經去到36寸喇 :-) :-) :-) |
| carmenyip | 2006-07-20 08:13 |
| Quote: maggieddie 寫道: 噚日同事問我依家幾多吋腰 佢o地成日都走黎摸下我個肚 咁我o米貪得意返屋企度下 唔驚唔覺 我條23"小蠻腰竟然已經變左條30"o既水筒腰 再照下鏡 條腰唔見左呀!!! :-) hi maggieddie, 好耐無見你喇！好掛住你添！ 嘩！你條腰暴脹得咁勁....犀利！ 我諗你最辛苦(狂嘔)嘅階段過咗，黎緊食多d野，到5個月時你就知係b仔定b女喇！ |
| carmenyip | 2006-07-20 08:17 |
| 我都好耐無上黎，因為13號炒咗個工人，而家一個人湊大仔同newborn，終於明白咩叫「屙屎都唔得閒」。大仔都好容易settle，但細女就困身d。以為佢訓咗，諗住去沖涼，點知一開水喉，佢又喊。諗住佢訓我又訓，點知我一訓著佢又喊。都幾辛苦，早排老公放假陪我，有佢夜晚起身幫我餵奶，都好d。琴日開始佢成個禮拜都返夜，我好驚自己湊唔掂。我覺得自己有少少抑鬱..... |
| corriatai | 2006-07-20 11:01 |
| carmenyip 你唔好嚇我喇 :-o :-o 一個人湊BB會「屙屎都唔得閒」& 抑鬱 而家我都成日一個人架 阿B出左世都唔知點湊 :-? 而家除左上BB護理&買送之外 日日都係屋企hea~~ 你唔介意既話 有需要我可以幫下你 :-P 雖然唔知幫到咩 :-? |
| 三個白白豬 | 2006-07-20 11:06 |
| Quote: corriatai 寫道: carmenyip 你唔好嚇我喇 :-o :-o 一個人湊BB會「屙屎都唔得閒」& 抑鬱 而家我都成日一個人架 阿B出左世都唔知點湊 :-? 而家除左上BB護理&買送之外 日日都係屋企hea~~ 你唔介意既話 有需要我可以幫下你 :-P 雖然唔知幫到咩 :-? 係呀 !真係「屙屎都唔得閒」,我個女好痴身,行開下都唔得,天氣又咁熱,點帶埋佢去街市買餸呀 ! 唯有同我老公餐餐食外買 ! |
更多選校、升學及教育心得討論內容
