01 :

l妳咁講，又令我諗起舊年開學時．我老公果日都請咗假送囡返學，但係到門口就行人止步，連佢課室係邊都唔知，個心都有d徬徨8-) ．所以新生家長好多時對參加校內第一個親子日活動「仁紀中秋夜」都特別有興趣，因為果次係非義工既家長響正式返學後，第一次可以係學校停留好耐，又可識吓佢d同學仔．今年既「仁紀中秋夜」響9月24日（周一迎月夜）放學後舉行，記住加入家教會（廣告:chair: ，如果唔係一定抽唔到）同預留時間;-)

25日既新生日，我其實只係聽咗兩位李主任的介紹．李詠莊主任係代替提前退休既莫主任，但佢一直好有家長既口碑，就咁聽，可能猜不到她是第一次咁講．李美珊主任一直係PTA接觸得最多既老師，佢跟開好多瑣碎兼繁＋煩既野，向來有計劃和細心，且轉數快，即場應變好．至於校長，佢既特點係親民，無論形象同實際上都係．而學校既路線，亦因為校長既傾向，與隔鄰街既友校好唔同．連校工姨姨，笑容都好好多．:-P

妳讀落就會知道，呢間學校既老師比較接受家長意見．家長有何不滿，小至個人事件，都可以通過電話、電郵，甚至是家教會每年最少兩次既茶聚，向黃副校反映．
咪睇少呢個小小既形式，佢代表家長有發言權，就好似市民可以通過傳媒／區議員投訴一樣，整個學校既透明度同警愓度都高好多（當然，不排除有些無理家長，但因為學校畢竟是個小圈子，家長之間都難免互相認識，很快知道投訴的家長尺度是否過緊）．呢D，就係擅長講故事但未必言簡意賅既校長既貢獻．

小朋友第一日返學，有乜感受？我上次睇到我囡好鍾意既英文老師，今年都係小一班主任．雙班主任真係幾吸引．小朋友響學校一年，睇住學校行政上有很多改善，呢個係呢間老牌學校奇妙之處

---

我都會架:-( 之前想同其他同級家長講吓暑假點虛耗，點知寫咗一大堆，send唔到出去，按上一頁，就變成空白:sick: 結果熄機瞓覺算了．．．您冇晒d野都仲繼續，真係好有毅力:-D

今日先同其他媽咪傾會唔會幫手做午飯義工，仲未知今年d初小媽咪踴唔踴躍，駛唔駛幫忙．

不過據幫手收PTA會費既家長話，今年小一以Ｅ班家長最投入，全班只有幾位冇入會．其他班反應倒不是太好

－－其實我都有D責任．因為學校一向響新生會安排PTA代表向P1家長介紹吓呢個組織，今年主席公事太忙，已早言不克出席，答應上陣的歷屆司庫又臨時有事，到星期五我才接到通知，可能要翌日緊急上陣．不過那個星期我因為要趕製女兒的演出服同煲漫畫，每晚平均睡了4個鐘左右．接電話時正睇得性起，估計又會煲至凌晨，所以好快咁拒絕主席要求．．．事後才知道其他PTA代表都唔肯臨危受命、捱義氣上台介紹，我為咗貪玩而失職，真係有D內疚:-(

其實參加PTA，最功利既好處，係以低於市價的學習費，來參加質素經學校審查、有一定保證既課餘活動．課餘活動由PTA監察，家長代表可收集家長間既意見，或直接觀課，了解導師質素－－既然有義務，自然也有權利－－就是所有PTA成員均可優先參加．以現時僧多粥少的情況看，參加了PTA，仍然需要抽籤，所以沒有付出那平均$33.3年費的PTA入會費，就很難享受此課外活動特價優惠．

而在校參加課外活動既好處，唔只係學野，此亦為愉快既校園生活既一部分，表現好又可以參與學校的表演或代表學校出賽，唔係響出面學野就可以代替既．個人就幾佩服校方諗到呢條絕世好橋去鼓勵家長參加家教會，估唔到有D初小班參加既人數竟未過半，真係始料不及:-o :-o


plee：

好耐之前都想同您打個招呼，多謝您係我最徬徨想轉校之時發言，等我冷靜d諗清楚．今年又輪到您細囝了－－佢似乎好有創意喎:-D ，肯定係吸收晒哥哥姊姊D精華啦:-) [ 本文章最後由 csy_ma 於 07-9-5 22:23 編輯 ]

---