教育王國
更多選校、升學及教育心得討論內容
| JL2006 | 2007-04-23 17:25 |
| Meisuen, 可能你唔知.......你分享完你囝囝既大躍進後, 我當堂無咁down, 知道原來努力真係追得返 :lol: 希望我仔仔都可以, 我要以你做目標, 努力, 加油! 你係咪在職媽媽? 你每日放工都做家居訓練? 我5月份起會隔星期做一次協康既幼兒訓練, 跟住隔個星期六會有上門既training. 希望快d追返. |
| Meisuen | 2007-04-23 17:31 |
| JL2006, 我都好開心, 可以鼓勵到妳 ! 我係在職媽咪, 日日放工都同佢訓練, 仲每個星期3都同佢去早期訓練. 好彩同公司compromise 不過要ot 補償番 ! 祝妳成功! |
| yywhk | 2007-05-04 15:03 |
| Meisuen, 你係在職媽咪,真係要俾好多努力同堅持去兼顧訓練小朋友架! 恭喜你之餘,一定要讚吓你,俾個 [size=xx-large]叻 你先! 各位媽咪,我個小朋友都有d讀寫困難,所以我不時都入特殊教育參考吓,每次我覺得呢度d媽咪真係好好人,大家都相互扶持同鼓勵,有時我真係睇到眼濕濕,各位媽咪雖然要面對相對比較難揍o既小朋友,但都好積極同勇敢咁承擔起教育兒女o既責任,真係好偉大呀!希望大家努力,各位小朋友天天進步,早日達到父母o既期望!:-D :-D Quote: Meisuen 寫道: JL2006, 我都好開心, 可以鼓勵到妳 ! 我係在職媽咪, 日日放工都同佢訓練, 仲每個星期3都同佢去早期訓練. 好彩同公司compromise 不過要ot 補償番 ! 祝妳成功! |
| | 2007-05-05 01:50 |
| Meisuen, 真係替你開心，希望我的仔仔之後都可以有再多d多d的進步。 我真係唔好彩，仔仔兩歲時老師同我反映佢有問題，排到差不多兩歲半才有得評估，都係語言及理解慢一年，唔講野唔望人就梗喇，當時d社交同情緒係好差，比老師投訴佢推打小朋友，一日可發10多次脾氣(瞓地大喊)，但係個醫生話只可排早期訓練，但我要求排i位，因為我是單親在職媽咪，又無其他人幫到我，點知佢都堅持唔排i位，只排了個政府醫院的語言治療，問了多間醫院個期都排一年幾，即刻打番去問醫生點算，佢話一係揾私人st，一係就再等吓可能遲d仔仔會開聲，無奈當時揹住一身債(仔仔衰老豆的賭債)，無辦法放棄份工，唯有希望仔仔真係會遲d開聲，但可惜大半年後情況更差，再番去做評估，連言語治療師評估時都發現佢有自閉傾向，但個醫生仍堅持話佢無，只係有少少行為踩咗界，唔洗排i位，不過，今次我好堅持話我一定要排，講到喊晒(確實此事令我精神崩潰)，佢才說因為擔心我單親+情緒失控才排i位比我，真係唔知我有什麼得罪佢:ranting:，點解要為難仔仔，唔盡早比服務，而家仍等緊派位，如果好彩派到07新學年i位，仔仔已經4歲2個月了... :-( 由於試過比衰醫生害，所以而家我都親力親為，自己學點教，唔會信晒d醫生講。 |
| Meisuen | 2007-05-05 08:51 |
| 小可愛&媽咪, 妳要堅強d呀 ! 如果未排到 i 位, 可上協康家長資料中心d short course 都有幫助架. 我之前未有任何野排到都係上尼d course 直到而家. 真係幾好架. 妳住邊區架. 我仔而家係筲箕灣中心有個鄭姑娘好掂架, 教到我仔冇晒脾氣. 當然妳要有時忍心d唔好就晒佢. 有d媽咪住好遠都黎上鄭姑娘果堂. 妳仔果間係全日定半日幼稚園? 就算妳未排到 i 位, 妳都可考慮讀全日有i 位既幼稚園, d 老師會對尼d小朋友有經驗d, 識handle. 如妳有咩唔開心或問題, 妳call我啦 ! 我pm tel 比妳. 另 協康 linkclick here 仲有click here |
| Meisuen | 2007-05-05 08:54 |
| yywhk, 妳都叻叻啦 ! 大家加油呀 ! 小朋友既進步就係我地既成就 ! Quote: yywhk 寫道: Meisuen, 你係在職媽咪,真係要俾好多努力同堅持去兼顧訓練小朋友架! 恭喜你之餘,一定要讚吓你,俾個 [size=xx-large]叻 你先! 各位媽咪,我個小朋友都有d讀寫困難,所以我不時都入特殊教育參考吓,每次我覺得呢度d媽咪真係好好人,大家都相互扶持同鼓勵,有時我真係睇到眼濕濕,各位媽咪雖然要面對相對比較難揍o既小朋友,但都好積極同勇敢咁承擔起教育兒女o既責任,真係好偉大呀!希望大家努力,各位小朋友天天進步,早日達到父母o既期望!:-D :-D Quote: |
| llcathy2004 | 2007-05-05 22:17 |
| hihi~~好耐無傾過啦!想問下你鄭姑娘教嘅係咩堂?幼訓嗎? 之前你有無上過/有朋友上過寶林靈實嘅幼訓,知唔知好唔好呢?Quote: Meisuen 寫道: 小可愛&媽咪, 妳要堅強d呀 ! 如果未排到 i 位, 可上協康家長資料中心d short course 都有幫助架. 我之前未有任何野排到都係上尼d course 直到而家. 真係幾好架. 妳住邊區架. 我仔而家係筲箕灣中心有個鄭姑娘好掂架, 教到我仔冇晒脾氣. 當然妳要有時忍心d唔好就晒佢. 有d媽咪住好遠都黎上鄭姑娘果堂. 妳仔果間係全日定半日幼稚園? 就算妳未排到 i 位, 妳都可考慮讀全日有i 位既幼稚園, d 老師會對尼d小朋友有經驗d, 識handle. 如妳有咩唔開心或問題, 妳call我啦 ! 我pm tel 比妳. 另 協康 linkclick here 仲有click here |
| | 2007-05-05 23:39 |
| Hi Meisuen, 入嚟BK，就見到你嘅PM，真係感動到想喊，真係明白我哋嘅人唔係咁易揾到。 舊年年尾我已無做野，專心學點教仔，協康嘅服務對我來說好難負擔，個醫生連半傷殘津貼都唔肯批，話好少問題，好快會好番 (但係個i位要等成年至有，點會好快好番) :-o 仔仔而家返全日幼稚園，一來我要趁呢段時間上多d堂、睇書，學點教佢，二來我驚頂唔順佢超活躍，不午睡又夜瞓，仔仔而家有上自閉症促進會嘅訓練及剛開始上痙攣會嘅小組。 好彩有你提醒，之前掛住攪i位d野，少咗上協康網，等我再睇吓有無d小組啱仔仔先。 另想請問一下，你哋覺得返小組效用如何，因為我見小組入面有d差異較大的小朋友，會整堂不停的大喊，仔仔見到咁嘅情況，有兩種反應：1) 坐正隔離都視若無睹，全無反應；2) 大大大大聲笑，玩到有d失控。 你嘅電話，我會記住先，多謝你，遲d如果我有野要請教，才打比你喇，或者上嚟BK傾，等其他家長可以一齊睇，遲D我有成績時一定給你報喜，同埋可以將經驗分享，好似你咁可以鼓勵到同幫到其他人 :-D |
| Meisuen | 2007-05-07 11:34 |
| 小可愛&媽咪, 其實睇完妳既故事, 我覺得妳比我仲堅強. 妳又要搵錢, 又要同囝囝做訓練. 不過妳一定會收到成績架, 加油! 至緊要唔好放棄. 尼度d媽咪都會互相支持! 我而家大緊肚, 個新老闆對我好衰想迫我走. 可能佢唔中意我請假同囝訓練及產驗啦 ! 攪到我成日唔開心, 身體又差左. 差不多日日都哮喘發作, 又唔感請病假, 哎 ! 我返協康家長資源中心既社交小組 (筲箕灣-鄭姑娘) 就覺得好有效. 雖然有時有d差異較大的小朋友, 但重要係姑娘點 control, 鄭姑娘就非常profession, 佢contol 得好好, 個個小朋友都enjoy 及學到野. 佢編排既遊戲好好, 不只訓練社交, 仲有訓練感知, 大小肌肉, 講野, 自理, 耐性....所以有d媽咪住沙田都黎上. 鄭姑娘之前係 i 位教過好有經驗, 我囝成日掛住鄭姑娘, 一到果日就唔訓冕教等到4:15上堂, 好攪笑. 不過報左名都要抽籤架 ! 我囝除左上早期訓練, 仲有參加協康既社交小組, 及循道衛理的活動 (給正常小朋友), 等囝囝可在各方面吸收社交經驗! llcathy2004 寶林靈實我未上過 ? 妳囝而家有咩訓練呀 ? |
| JL2006 | 2007-05-07 12:52 |
| Meisuen, 又係我呀........有野想請教你! 你囝囝響skw家長資源中心上小組, 係咪即係青蔥小跳豆? 錦你囝囝平時要返學架喎, 點上到playgroup呀? 最麻煩係我仲有個細b, 工人帶住細b同唔到大囝去上堂, 真係好頭痛 8-) 你要小心身體呀, d衰老世要 :hammer: :hammer: 你陀住小b, 哮喘會好辛苦, 要爭取時間多d休息啊! |
更多選校、升學及教育心得討論內容
