帖子列表  登錄   
sandylaw | 2007-03-21 10:28
我個女每日既時間分配都ok，無咩問題，只係有課外活動果日時間會緊迫D。

可能是一年級的關係吧 :-) 所以我女才可以咁輕鬆
其實你們三年級的功課量是否很多？ :-?
AndyRain | 2007-03-21 10:55
我個仔係最近才開始完全唔夠時間用. 上學期都還ok的.

其實三年級功課的數量同以前都係差唔多. 但係每一樣功課既量, 係俾小一, 小二多d. 最簡單, 越高年級的練習d字就越細, 相對每一頁的題見咪多左攞. 一年級又係做兩頁, 三年級又係做兩頁的話, 其實三年級都真係做多左. (雖然三年級既能力又相對提升左, 但係都要時間做架.)

而家每日都無時間練琴..........side晒d學費!!! 又唔想因為練琴而要佢每日不停咁做野做到10點幾11點.

Xanthe | 2007-03-21 11:12
Andyrain,

xanthe, 你個女呢排功課是否比之前多了呀??? ==> 這個問題係開學不久，3C已經很多功課，曾經功課多到做到10:00pm，個日有詞語、立人、writing......，同中文老師反映，詞語同立人就分開做。

xanthe: 你上次話有學生升中學的課外活動填了三頁紙, 我想問, 佢參加了幾多樣課外活動呀? 點填到三張紙呀? 除非佢攞了很多獎啦. ==> 不是係申請某中學的form要求填寫！
Xanthe | 2007-03-21 11:14
sandylaw:

其實你們三年級的功課量是否很多？ :-? ==> 基本上課程深左，就算功課量一樣都會長時間左！
Xanthe | 2007-03-21 11:17
升中面試題 難度直逼大學

(星島日報報道)全港津貼中學正陸續安排中一申請人進行面試，中文大學學生刊物《大學線》發現，部分中學的面試題目竟包括中、日關係及禽流感等時事題，亦有學校要求申請人解釋《詩經》與《楚辭》的分別，難度直逼大學面試題目。有小六學生認為問題過於艱深。有專家建議，中學應盡量考問學生知識範圍內的問題。

最新一期《大學線》報道，升中面試題目層出不窮，今年九龍一所男校曾問學生「你有沒有女朋友」，亦有學校以「《詩經》與《楚辭》有甚麼分別」作題目，其他學校更不乏時事題如「你會怎樣解決中日關係之間的問題」等。

家長胡太認為，升中面試要求甚高，「現時考中學比當年我考大學還要難。」家長范太則指，小學的讀書時間本應最快樂，現時卻要了解及分析時事，令子女失去童真。小六學生民仔（化名）坦言﹕「我想回到不用考中學的年代，因為不用為準備升中面試而煩惱，每天都可以很快樂。」

本報昨邀請小六生試答部分面試題目，沙田區的張同學曾參加面試班，當被問及中日關係時，她認為﹕「中、日應簽訂和約，確保世界安全。」但對於新高中必修的通識科，她卻一無所知，只能回答「好」。

張同學認為，時事題很難，「平日已經很忙，沒有時間看報紙，面試還要求我們甚麼也要懂，很辛苦。」她的母親唯有經常搜集新聞，間中出題考她，以免女兒面試時「口窒窒」。

每天均有閱讀報紙的歐同學，回答假設性問題時發揮較佳，他表示﹕「如果我是特首，未來五年香港應重點發展體育。」他更列舉曾奪得奧運金牌的本港選手名字。他認為，時事題一點也不難，只要多看報紙，懂得隨機應變便可。

香港輔導教師協會顧問趙榮德昨表示，不鼓勵小學生參加升中面試班，父母可親自教授面試禮儀和技巧，保持子女的真性情，學生面試時亦應保持微笑。他又建議，中學應盡量考問小六生知識範圍內的問題，讓學生在面試過程中感到愉快。


:chair: :chair: :chair: [size=x-large]可悲!!
AndyRain | 2007-03-21 11:30
痴線架!!! 佢地係咪想香港有更多更多既精神病患者呀???

佢地問既野學校都唔會教的, 咁即係個ball又踢去家長到. 家長又要番工, 又要做家務, 還要做埋老師!!! 有mug辦法香港人既壓力唔大呢?

其實就係學校將所有野既難度提升去保持佢地既地位. 家長想入, 就唯有死跟住去做. 有無d "有腦既"教育局可以出黎講下野呢?

仲想叫人生三個, 有得再揀, 我一個都唔生tim呀!!! 個細路唔顛, 個亞媽都顛呀!!!

:ranting:
AndyRain | 2007-03-21 11:35
Quote:
Xanthe 寫道:
Andyrain,

xanthe, 你個女呢排功課是否比之前多了呀??? ==> 這個問題係開學不久，3C已經很多功課，曾經功課多到做到10:00pm，個日有詞語、立人、writing......，同中文老師反映，詞語同立人就分開做。
andyrain: 詞語, 立人加writing, 想唔死都幾難啦!!!

xanthe: 你上次話有學生升中學的課外活動填了三頁紙, 我想問, 佢參加了幾多樣課外活動呀? 點填到三張紙呀? 除非佢攞了很多獎啦. ==> 不是係申請某中學的form要求填寫！

andyrain: 哦. 不過, 就算你學幾樣野, 一張紙都填得晒啦. 即係話, 佢要既係一d經常攞獎既學生啦!!!
sandylaw | 2007-03-21 12:01
我都唔明點解要個個學生文武雙全，中一面試壓力真係好大，會考考得唔好都可以再考，中一面試衰左就冇啦 :ranting:

之前仲有些學校提意學生必學一種樂器，如果個小朋友無呢方面的興趣都幾弊
sandylaw | 2007-03-21 12:03
其實你地成日講的"立人"係咩黎架？

是幾年級做的功課黎呀？
Xanthe | 2007-03-21 12:56
sandylaw:
其實你地成日講的"立人"係咩黎架？==> 中文課外練習

是幾年級做的功課黎呀？p.3
40/85
首頁|前頁|下頁|尾頁
.
Powered by Baby Kingdom
立即打開