penpen | 2005-01-04 10:23 |
各位, 昨天看新聞見到有d學校有人失縱, 我哋今日先開學, 希望不會有壞消息啦~ :cry: 放左假咁耐妹豬都至少0830才起床, 今朝0730叫佢都唔係好醒, 不過好彩都冇扭計, 淨係刷完牙幫佢換緊衫果陣話好眼瞓,我同佢講今日要返學喇~ 唔可以眼瞓就唔返學咁冇責任心, 跟住佢都冇野,食完早餐之後仲同我講唔眼瞓喇~ 我讚佢乖!! 放學返來可以再瞓!! :-P 禧媽媽, 我妹豬上年in果陣老師問佢3,4條問題佢都一條冇答到, 不過就有主動取書給其他小朋友睇, 同埋有講bye bye同飛吻同埋取毛巾盒禮物時有多謝, 其實你小朋友至少做到情緒穩定都仲會有機會架!! 真係要放鬆D, 你有壓力時小朋友都會feel到一樣會有架!! ;-) |
禧媽媽 | 2005-01-04 12:31 |
penpen 我經過尋日之後, 訓醒好好多喇!!! 可能尋日in果陣, 實在太大壓力, 你講得對, 我有壓力時, 小朋友都會感覺到, 我尋晚放工返去見到囝囝, 就咩都唔得晒喇 :lol: 順其自然 ;-) |
penpen | 2005-01-04 18:19 |
朱古力, bosze, 今日打過俾嚴老師, 好彩學校沒有失縱事件! 星期一妹豬又要分享喇~ 我諗係配合番家長觀課啦~ 朱古力, 唔知係唔係你囝囝都係呢? 今次我諗都係會表演唱歌, 叫妹豬唱首長d既歌, 上次佢唱小寶寶上學得果3句歌詞, 下個月又有得玩喇~ 不過我都唔知幫唔幫妹豬報名表演好?! :roll: littleeva, 好耐唔見妳, 妳好嗎? 禧媽媽, 咁就好喇~ good luck!! ;-) |
朱古力 | 2005-01-05 09:28 |
penpen, 係呀!今次囝囝都有份分享,不過未諗到分享咩. |
penpen | 2005-01-05 10:26 |
妹豬尋晚話李老師昨天沒有返學, 去咗睇醫生!! 朱古力, 星期一見啦~~ :wave: bosze, 我諗妳都可以諗定你囝囝到時分享咩喇~ ;-) |
littleeva | 2005-01-05 13:42 |
PENPEN & 各位好. 我仔仔這幾天病了. 今日都沒有比他返學. 因要食藥. 都係在家休息下. 好番才返學. 而我就已經 35 week . 開始有d 緊張啦. 聽到您地仔仔囡囡已經表演左. 而我仔仔一次都未開始. 可能佢比較 內向. 老師唔會咁早安排比佢. 不過見您地仔仔囡囡表演出色.我都感受到大家的開心. |
KiuKiu媽媽 | 2005-01-05 15:28 |
littleeva, 您要保重呀, 就來生, 唔好咁操勞呀, 咁您農曆年就要系屋企坐月了 唉下星期生日會今年又系要準備食物呀, 好慘, 去年同今年都要整, 只系第一年可以只系買蛋糕, 唉我無工人幫, 又要6點起身整, 重要系80串食物, 希望下星期唔好咁凍啦, 不過整食物給小朋友都系好開心, 但就好辛苦呀... |
朱古力 | 2005-01-05 15:34 |
KiuKiu媽媽, 嘩!80串食物呀,真係辛苦晒你喇,唔知到我時,要負責整D咩食物呢! littleeva, 好好保重喇,我自己覺得由大肚到生都唔算辛苦,最辛苦係揍呀,你真係要努力加油喇! |
shermanbb | 2005-01-05 23:21 |
kiukiu媽媽, 本來我都要做80串波''蘿腸仔燒賣,但我有d''特別理由轉 |
朱古力 | 2005-01-06 09:27 |
今日囝囝唔知點解唔肯返學,佢攬住我唔肯放手,要校車嬸嬸強行拉佢上車,見到囝囝扁晒咀想喊望住我,佢無同我拜拜呀!唔知發生咩事呢?真擔心. :cry: :cry: :cry: :cry: |