教育王國
更多選校、升學及教育心得討論內容
| Woon-Woon | 2005-09-17 00:15 |
| 瀅瀅媽咪 原來班裡有人感冒呀! 囡囡都無端端流鼻水, 明天要去睇醫生, 不過我都預左返學初期會多啲小毛病 今日派翻堂課同家課, 媛媛的堂課有3個印仔, 請問知唔知最多有幾多個印仔? 見到佢帶個燈籠回來, 仲話係自己剪的, 好開心呀 祝各位中秋節快樂 :-D |
| 瀅瀅媽咪 | 2005-09-17 08:46 |
| Woon-Woon 係呀? 睇定醫生好d 昨天派回來的堂課都是3個印仔, 我估3個印仔是最多的. 個燈籠不是一日做晒的, 分了幾堂做的, 因為有日佢話在黃色紙上印印, 星期四集合一齊來做燈籠。 下星期應該用水樽做樂器, 好好開心呀? 起碼都知佢地在學校做什麼. |
| glory | 2005-09-17 10:20 |
| 禧媽媽 下期會在十一月開始, 到時再通知你;-) 尋日樂樂返學咁耐第一次見佢唔開心, 玩緊時佢問我~~媽媽, 點樣除褲去廁所架?(因阿仔未識)我問佢係咪老師要小朋友自己學去廁所呢, 佢話係, 我就話媽媽慢慢教你好無?樂樂無答, 但成晚無心機玩跟住仲無端端喊又話唔番學….我問佢係咪成班同學都識得自己去廁所, 只係你唔識, 佢話係….可能我地太保護佢, 好多時都倚懶我地, 係屋企又唔肯自己做, 不過尋晚試過幾次後, 其實佢都識得除同著, 只係拉得唔好, 呢幾日放假係屋企等佢練習多d先.. :roll: |
| Woon-Woon | 2005-09-17 10:52 |
| 瀅瀅媽咪 嘩, 你知道哂個schedule架? 係咪瀅瀅返嚟同仔講嫁? 好叻呀! glory, 樂樂都幾乖, 起碼佢知道自己未做得好而唔開心, 而且在學校訓練下佢的自理能力都好好, 媛媛最初返n1時都唔識, 但係佢好似無野咁, 自從自己在學校去過一次所之後, 個個都讚佢, 之後在家去vv都唔俾我掂佢 |
| 禧媽媽 | 2005-09-17 10:58 |
| yykid, woon-woon, 瀅瀅媽咪 我尋日, 見到d家課及鉛筆, 都覺得阿仔大個喇~~有功課做, 所以好感觸 :-) 仲有印仔鼓勵小朋友!! :-D :-D |
| glory | 2005-09-17 11:00 |
| woon-woon 我都希望樂樂可以獨立d唔好太倚賴我地, 佢好多時都要我地幫.....尋日派左功課, 叫佢做時無抗拒仲好開心, 不過又叫我同佢一齊做(可能佢未分得開, 因以前會同佢一齊畫畫, 填色), 我就指下練習紙個名, 話呢份功課係佢既, 我唔可以做, 有野唔明媽咪只可以教你 :lalala: 禧媽媽 我都有同感 :-) |
| 禧媽媽 | 2005-09-17 11:03 |
| glory 到時記得通知我. 慢慢來, 因為當初我都用左好耐時間, 教禧禧自己vv, 好奇怪, 可能我又係保護/就得太緊要, 之前n1返學時, 都肯自已來, 但返到屋企就........ :giveup: 襯中秋假, 再試啦!! ~~~ 等你好消息. |
| yykid | 2005-09-17 11:29 |
| Glory, 支持樂樂，一定做得到。努力。記住要穿橡根的褲方便小朋友除下，試多幾次一定得。加油！ |
| glory | 2005-09-17 11:48 |
| 禧媽媽/yykid Many Thanks! 謝謝意見, 趁呢幾日等佢學識先 :-D |
| 車厘子 | 2005-09-18 08:08 |
| 小朋友去洗手間的確好難搞，以前錦源讀幼兒班，學校洗手間設計幾好，所以很快學識去vv，不過，出街或在家，由於洗手間設計for 大人，所以會使到周圍都濕啦 :hammer: 以前間學校洗手間和課室是分開，現在連在一起，有沒有唔好啦 車厘子 |
更多選校、升學及教育心得討論內容
