回覆：聖公會荊冕堂士德幼稚園

帖子列表  登錄   
yy0402200 | 2006-10-10 13:00
Quote:
itbc 寫道:
今個星期六, 學校有講座, 你地去嗎 ? 我會帶霖霖一齊去.

到時見大家.


我都會去, 帶埋囡囡. 唔知老師會唔會幫手睇住佢地呢?
itbc | 2006-10-10 13:09
上次問了老師, 佢地會去課室玩, 有老師會睇住.
Quote:
yy0402200 寫道:
我都會去, 帶埋囡囡. 唔知老師會唔會幫手睇住佢地呢?
yy0402200 | 2006-10-10 13:12
Quote:
itbc 寫道:
上次問了老師, 佢地會去課室玩, 有老師會睇住.
Quote:
yy0402200 寫道:
我都會去, 帶埋囡囡. 唔知老師會唔會幫手睇住佢地呢?


好野 :-D :-D
咁我就放心啦．
唔該晒
A1B2C3 | 2006-10-10 13:26
All,

我唔帶囡囡去.
| 2006-10-10 14:13
您好！我係士德畢業生嘅家長，早就想上來答嗲，但係因為愚，唔識點登入……
此欄首頁話開放日見到兩個K3學生在介紹濾水廠，其實果時係上年暑假前，佢地仲讀緊K2，其中一個係我個囡──謝謝過獎：＞
不過佢唔係口才好勁果個。果位去年得了港台講故事比賽既獎項，今年係面試後去咗仁立，而小女則在第一輪去咗仁紀。
假如您想囝囝入仁紀，選士德係不錯嘅選擇。據我所知，龍年士德嘅學生，第一輪幾乎所有有20分既，都入到仁紀，有10多個，第二輪大抽獎今年唔係咁好彩，得幾個入到，但係張校長肯幫忙（最好搵埋池牧師幫手），單隔鄰班在面試都入到5個（有幾位仲係仁立同仁紀都收，最後揀仁紀）。所以囡囡同班有成10個荊冕堂嘅同學仔，全級有20多個，少好多適應問題。
至於學術上，士德因為冇默書測驗，我果囡溫習都會喊，不過而家已慢慢適應。好彩士德響K3已經有銜接小學的家課冊抄寫練習，佢抄家課冊沒有出問題。
其實，士德最值價的地方，唔係因為仁紀嘅「特別照顧」（據聞因為仁紀以前收的士德生成績不錯，校長曾鼓勵老師多收士德生，因為士德為全區學費最貴、且不是「谷」成績嘅學校，表示家長頗重視孩子全面教育），而係佢嘅教學方法──不過今日要夠鐘接囡，講住咁多先。
itbc | 2006-10-10 15:21
heart ma
多謝你分享, 比到d經驗我地, 我想問下, 仁紀係咁指葵涌村新開果間, 仁立就係林護隔離呢.

咁仁紀 p1, 谷得勁唔勁呀, 係咁讀得好辛苦呢 ?

itbc | 2006-10-10 15:22
可惜見唔到你個囡添.

今日霖霖話有個同學仔送佢d貼紙比佢呀, 又同佢一齊坐.
Quote:
A1B2C3 寫道:
All,

我唔帶囡囡去.
| 2006-10-10 17:54
itbc：
係，仁紀係葵涌新村果間
好難講谷得勁唔勁，好似英文咁，其他學校如馬灣基慧、禮賢、同柴灣角咁，都係用同一套教科書，但係仁紀係最先默書，同暫時係默得最多既（您可以search仁立紀念個欄，睇吓d媽咪話幾時開始默書同默幾多）
10月底總測驗之前，會有中英文默書各四次
中英文除有課本外，仲有買補充練習（小一中英數各一，逐級加）做，而英文仲有老師印嘅習題。但平日沒有測驗，突擊測驗（如數學）都唔會計分。
基本上，做完功課（最初三四項，現在多數七八項，中英數多數不止一門功課）和溫默書（會響一星期前通知）後，書本照理都可以明白。
我個囡第一次默書預默咗三次，默之前果日仲串字串到成10點，但係都唔夠80分。好多士德既同學仔家長都話第一次正式默書成績麻麻（之前有一次背默小細楷A-Z既"綵排")，不過慢慢就適應，多數士德同學仔都係中文好過英文（我個囡聽力不錯，但串字就幾弱）。
我自己因為好擔心囡囡既小一適應，所以暑假就辭咗份工伴讀。我腍讀得辛唔辛苦，好在乎有沒有跟小朋友嘅功課，所以有啲遲放工嘅同學仔媽咪，會請補習跟咗功課先。如果放咗工八九點先嚟跟功課，就會幾狼狽。
itbc | 2006-10-10 18:23
heart ma,
現在d教育制度真係好恐佈, 嘩, 聽你咁講, 小1開始都辛苦了, 唉我有朋友, 佢小5了, 每日返完學, 去補習社, 返屋企都8點几了, 有時仲有d功課未做完呢, 溫埋習, 有次試過12 點訓呀. :-( :-( :-o :-o

你話士德d小朋友, 中文好過英文, 點算呢, 話哂佢地都有外籍老師教喎.

| 2006-10-10 18:46
itbc：
係，對比起啲K2就開始默書嘅同學仔，士德d小朋友英文係差咗d。我個女，同佢用張寫晒默書內容係度，然後叫佢close ur book，佢會話應係close ur paper至真，但係1-10嘅英文，到而家仲未識默晒（下星期要默嘅20個字中就有！）
最初，我都有懷疑係唔係選擇錯，係唔係應該俾佢去啲K2就英默嘅地方，不過轉頭一想，這只不過將她不愉快的學習生涯提前兩年，但係就錯過了好重要嘅人格培養。
我之前話士德最值價嘅地方，唔係仁紀會收幾多學生，而係佢對學生個別差異的包容。假如您小朋友本身就好sharp、好醒，就去邊度都差唔多。如果您小朋友有好多潛能尚待發掘，甚至係有d反叛，咁揀士德，尤其係全日班，就係一個不錯嘅選擇。
本來舉咗個事例，不過可能寫咗太多，寫吓寫吓就刪咗，唯有下次再講．．．
59/181
首頁|前頁|下頁|尾頁
.
Powered by Baby Kingdom
立即打開