myhome：

我主要都係全職媽咪，只湊一個:oops:

茶聚記錄係為實現我之前響家教會競選時所開既期票，兼在司庫催促下，早已整理咗既．好遺憾冇乜落力改善家教會既網頁:hammer: :hammer: ，暫只能以個人名義響bk鋪出，遲d等學校個內聯網搞掂，一定申請盡快將已通過既家教會會議記錄上網，到時希望會有更好既透明度．

:idea: 廣告：新一屆家教會常委選舉即將展開，懇切誠邀各位新生家長如myhome您咁既有心有力熱心人參選．
有d新生家長會認為，第一年都係睇定d，唔參選，事實咁又未必最好－－加入家教會常委，係全面了解學校既最快捷徑．上一屆的家教會，就有4位當年既新生家長入咗去（其中有位委員，本身既工作已很忙，每晚好夜放工，但佢都抽到時間黎開會，仲好有貢獻潻－－你地應可今個學期內見到佢設計既野）．

參選程序：
1. 報名，並填寫報名所須的介紹（由於家教會既職位係由入選既各家教會委員進行互選產生，報名時未必需要聲明自己想做哪一個職位，但上屆主席和歷任司庫都因子弟升中，鐵定離場:-( ，特別歡迎有策劃能力、有會計經驗或IT專才等加入:adore: ，不過其實有心有時間，已經好足夠:adore::adore:）．

2. 出席10月6日（周六下午）既家教會會員大會，介紹吓自己同參選承諾．

3. 即場便有進行投票，今年係隨即在同一個會場內點票同唱票（到場人士，請留意票箱分布同埋結果既關係，會睇到幾有趣既野:mrgreen:），跟住就有選舉結果
－－要注意：參加了家教會的家長（以每家庭一票計），需當日親身蒞臨會員大會，方有投票權．
有委員曾提出在校內設投票箱，好讓更多家長有機會參與，但因為核實困難（選票係以不記名方式投，如何能核實投票者為交了會費既家長？如何確保每個有投票權的家庭，只投一票？）－－所以選擇現時投票方式．

4. 為加快家教會的運作，今年於會員大會後，即日舉行家教會常委的職位互選．

咁家教會常委要做d乜？
1. 每2-3個月參加一次家教會會議，係最基本既工作（會議日期經商議後訂，通常會在周五傍晚）
2. 參與家教會屬下既各個監察委員會（自願性質，可以好似我咁唔參加都得），學術委員則自動成為課餘活動監察委員會委員．
3. 協助各項家教會活動進行，如「仁紀中秋夜」、「XX賀歲迎元宵」等．
4. 最重要的，當然是增強學校和家長的溝通，收多D風:mrgreen:

廣告：
今年本人仍希望以快速既打字技巧，競逐家教會常委，希望當選後可以挽回去年做秘書時因為交野遲要成日要say sorry既劣績，希望各位多多支持:adore: :adore: [ 本文章最後由 csy_ma 於 07-9-10 21:05 編輯 ]

---

去年新生會中校長曾建議，揀1-2項課外活動參加．我囡去年平日在校參加了3項（周六日另上自己學開既活動）．因為住得遠，做功課不專心致晚睡，又起得早，到星期四、五時，放學坐車回家時可能已熟睡．
其實這個比例見仁見智，看家長的緊張度和小朋友的體力同興趣．
不過小朋友尤其是男孩子，係需要有地方發洩咗精力，先至肯乖乖專心做功課既，放學後去參加課外活動，咪當俾佢做吓運動，就當經過去打韆鞦咁，大概會輕鬆d．

除經甄選的校隊活動（P1稍後都有類似既甄選活動，例如棒球隊）和專for某級（如劍橋英語Flyer等）的活動外，小一大致上可參加所有的課外活動．

何時落操場小息？這個我不大清楚，好像今年與去年不同吧？
我囡倒很羡慕小一生不用到操場，她覺得落操場要費時於排隊，玩的時間較少，且操場枱少，多被人霸了，很難帶功課落去做－－這可能是男孩跟女孩的分別吧？我也不大明白為什麼會有人不喜到大一點的地方玩:-? （不過為維持秩序，落去也不許追逐，少了小孩子最喜歡玩的遊戲）？

---

踢波同追逐都好似唔得個喎:-| 但遲D好以有什麼體適能活動，小息可以跳繩打乒乓球之類．．．
（小朋友鍾意踢波？大個d可以申請加入校隊．我冇乜留意足球隊既成績:oops: ，剩係聽講過負責個阿Sir勁好人，好關心d學生）
（聽講我地學校d阿Sir都勁好人，有個會周六自己走去同個學生補課，等佢可以分到身參加學校既田徑賽－－所以響去年校運會，會出現個飛人李顯倫贏咗後，即刻同佢阿Sir握手既感人場面．）

我囡小息都想做功課，因為我地成日利誘佢，放學只要做完功課（都冇奢望佢溫埋書），就可以出去或請小朋友黎屋企玩，去游水都得－－不過佢衰唔專心，唔係好多時做得到:cry:

---