教育王國
更多選校、升學及教育心得討論內容
| hyma | 2006-09-08 14:43 |
| Quote: my1215sui 寫道: 明天你地幾點去家長會呀 如果九點鐘送仔仔返學,係咪學校等半個鐘開始家長會呢,一話返屋企先再轉頭落o黎呢 Hi, my1215sui : 明天我會同呀仔8:00返左學先, 然後再返屋企做下自己野, 9:30先再蒲頭 (因為我住得好近學校) :-) , 明天見!! |
| my1215sui | 2006-09-08 14:49 |
| hyma 你通常八點鐘就送仔仔返學呀 我現在吾洗返工就通常八點半到啦,如果返學就一定要八點送 我都住得好近育嬰院,係隔離座呀,所以我都打算送完仔仔返學之後返屋企先,餵完女女食奶先再落去.... 明天先 |
| hyma | 2006-09-08 14:58 |
| Quote: my1215sui 寫道: hyma 你通常八點鐘就送仔仔返學呀 我現在吾洗返工就通常八點半到啦,如果返學就一定要八點送 我都住得好近育嬰院,係隔離座呀,所以我都打算送完仔仔返學之後返屋企先,餵完女女食奶先再落去.... 明天先 係呀, 我日日都係大約8:00左右就同呀仔返學, 因我返工返得遠, 所以都唔係日日可以同仔仔返學, 多數都係爸爸同佢返多, 但如果個日特別多野要同老師交代, 我都會親身去送仔仔返學, 因為爸爸比較大意, 通常叫佢交代5樣野, 佢總會漏咁一兩樣 :giveup: !! |
| winwin815 | 2006-09-09 00:04 |
| mamam, 我就係唔多識應該食d咩, 又冇人照顧我, 先諗住食廿八方咋嘛, 好過咩野都唔做嘛 見你地個個住得咁近就好啦, 其實我原本都好近架 hahhaa |
| Namnam05 | 2006-09-09 00:53 |
| wiwnwin815,叫你奶奶早上買埋去你屋企咪得囉~仲有呀你知唔知順產同開刀補的方法都唔同,醫生有無同你度位你可唔可以自己生呢,得閒去葯材鋪執定包生化湯,產後三日後飲幫助去瘀血和惡露,買定D無核紅枣同木耳,花膠出定水放雪櫃到時取出就可以用啦,花膠真係好鬼正架,你有無糯米酒呀,又係好好呢 :-D 不用太擔心到時執生啦 :lol: |
| jsbaggio | 2006-09-09 01:17 |
| oh，只係2日冇上bk，e到就已經去到第6頁，等我要追番之前睇你地傾左d乜添。 喂喂，我囡係9月中要番沙田瀝源健康院打1歲針，如果就到時間，都想返番學探下各位同學仔同老師。不過見近呢幾個禮拜六都係開家長會，我諗老師都會比較忙，睇下可唔可以係平日打針順便返黎啦！ winwin815 你老公係你生左之後可唔可以請假陪你同bb?有老公係到，始終會舒服d，雖然大家都係新手父母，但起碼兩個人有商有量，可以研究點樣湊b麻 :-) 。同埋如果可以，就等1個月後你先同bb沖涼，始終坐緊月唔好點咁多生水好d。 你奶奶在湊仔同食方面同你唔夾，可否叫佢幫你做其他簡單的野，e.g.買定d補身材料叫佢幫煮、唔怕煩的話請佢幫你boil "ginger"水沖涼("ginger"水沖涼真係幾舒服，令到個人冇咁寒同虛)... 當然如果你自己已plan好的做法都ok，只是怕你太辛苦啫，有乜事記住上BK問我地。 另，如想租番近d學校，除村屋外，可考慮租附近居屋，應該$6000以內都租到喎。 |
| winwin815 | 2006-09-09 11:11 |
| 我奶奶要返工架, 同埋佢d野好騎呢, 佢可以係我有左3個月個時, 煲腐竹旦我食, 8個月個時先煲雞湯黎(我聽第二d bk mami講, 臨尾唔好食咁燥), 今朝先打黎問我食唔食得, 我話一向都麻麻地, 仲話唔食得唔得架, 你想食咩, 我煮你食, 我知佢好心, 但係我仲有2星期都生啦喎, 依家先問, 係咪遲左d(sorry, 我好似好克薄, 不過尋晚鼻塞訓得差, 仲要比佢晨早嘈醒, 問埋呢d咁搞笑既野, 忍唔到), 所以我唔敢靠佢買野黎, 自己又唔識, 咪食廿八方囉, 廿八方有晒你地講既野, 去惡露啦, 補身啦, 花膠喎....算啦, 又要自己整 我老公份工係計日薪架, 所以唔會攞太多假, 一兩日都會既, 好彩唔係旺季添咋, 唔係唔知幾點放工, 我依家不斷比心理準備自己, 到時好辛苦架啦, 希望順順利利啦 我有兩隻狗, 仲要一隻係勁嘈既松鼠, 好難搬返上樓啦, 其實最想搬到新田村, 又近托嬰所, 又冇隔田村咁隔涉, 不過實勁貴 |
| jocola | 2006-09-10 00:32 |
| winwin815....... 無問題，船到橋頭自然直啦！一定攪得掂，有乜事上黎搵幫手！ 我都有兩隻狗架。又係勁嘈既，不過係芝華華！你都見到張相啦！ 各位姊妹， 我又去到中組家長會啦，有邊個去到嘩？要相認先得！ 中組係唔係有兩組架？我個仔係中組B，你地呢？ |
| winwin815 | 2006-09-10 00:46 |
| jocola, 放心啦, 我到時實煩死你地 hahhahaha |
| my1215sui | 2006-09-10 11:46 |
| 昨日開完家長會好開心呀,原來大組都有四組喎,真係多人呀,不過佢地話現在就吾full,之前就排晒隊呀,可能今年出生率低左啦, 聽完家長會我真係覺得這間育嬰院幾好,我覺得自己冇選擇錯law,而仔仔返左一星期學佢已經好開心,仲適應左添,證明佢好鐘意返學呀 下個月就到女女返lu,到時我咪要開埋細組家長會law |
更多選校、升學及教育心得討論內容
