教育王國
更多選校、升學及教育心得討論內容
| itbc | 2006-10-16 12:46 |
| 星期六個TALK好正, 學左唔少野. A1, 星期六真係唔好意思, 我唔知係你呀. 我上去禮堂時, 仲走得咁快, 係因為我個女同我分開時, 會喊, 所以我要雞咁腳離開. 好開心同你相遇呀. :-D |
| 婥蔚媽咪 | 2006-10-16 13:12 |
| 心玥媽咪: ha!!真係你,太好啦!! 咁始終學業都係好緊要,尤其第一次測驗,真係好辛苦,家長同小朋友都係~~加油!!! 燒野食呀,好呀~~call我bor~~ ha,老師話婥蔚好受同學仔歡迎,個個都想同佢玩wor~~老師唔講我都唔知呀~~佢都成日同我講而家佢係姐姐wor~~好多野都識自己做wor~~ha!! 其實我而家已開始煩緊佢小學既問題啦~~lee區黎講當然首選仁立同仁紀啦~~但就lee兩間黎睇,實在有太多傳聞,都唔知邊間好~~另外,又心思思想博下協恩wor~~15/16!!唔博會後悔~~唉~真係超煩!!! 另外,我都會考慮同佢考私小,例如kts,dgjs(博下only),宣小(一間都好重音樂既school),pui ching,音小(基本上好符合我想要既野,但因還是新,不知成績如何)~~ keep in touch!!! |
| | 2006-10-16 13:44 |
| 婥蔚媽咪： 婥蔚K1已經咁叻女，而家做咗K2姊姊，梗係受歡迎，都可以想像到佢幾咁有領導才能。 仁紀同仁立有乜傳聞？有空話俾我知呀 我而家都心大心細，唔知下年好唔好俾個囡轉去荃浸（因為翶朗個阿哥去咗麗城荃浸超開心，而浸聯嘅執行幹事6月有事同我通電話，講開，話肯同我寫信，但當時已太遲，話p2同我搞插班。但心玥有好多同學仔響仁紀，佢自己話唔想轉，我都要睇吓佢適唔適應，而佢爸爸話做轉學生好慘喎）。 據聞九龍塘宣小，佢哋幼稚園已規定學生要學兩門樂器，假如妳想考，最好而家俾婥蔚學定先。 至於培正，其實係好傳統嘅學校，佢嘅中學好啲，不過較適合男仔，因為理科真係幾好。反而女拔，我有朋友個女入咗去(佢幼稚園就係讀九龍塘宣道嘅)，都未致覺得太勢利。希望聽到妳嘅好消息。 :-) |
| | 2006-10-16 14:04 |
| itbc： 請看PM，有少少嘢私下同妳講，不過請唔好傳得太開 :-? |
| itbc | 2006-10-16 14:32 |
| heart, 我有朋友個女讀 P1浸聯, 佢話無仁紀咁多功課. 我想問下, 你個女唔係讀P1咩, 點解你話轉去荃浸. |
| YLau | 2006-10-16 15:07 |
| 作者被禁止或刪除 內容自動屏蔽 |
| A1B2C3 | 2006-10-16 18:06 |
| itbc, 見到妳同穎霖我都好開心. 當日囡囡見霖霖哭佢都想哭, 不過同囡囡講轉頭一定接返妳, 佢先肯. 夜晚返到屋企問我囡囡霖霖哭咗幾內, 佢話都幾內. :-D |
| itbc | 2006-10-17 09:42 |
| he ~~ he~~~ 呢環佢係弱d. 我呢唔係好記得你囡個名, 咁我尋晚訓覺時, 問下佢d同佢名啦, 有几個我記得, 問佢咩名, 佢識答我係咩組喎, 咁問你個囡啦, (esther wong, 應該無記錯), 佢話係apple組呀. 原來d小朋友不知不覺得認左朋友仔. :-D Quote: A1B2C3 寫道: itbc, 見到妳同穎霖我都好開心. 當日囡囡見霖霖哭佢都想哭, 不過同囡囡講轉頭一定接返妳, 佢先肯. 夜晚返到屋企問我囡囡霖霖哭咗幾內, 佢話都幾內. :-D |
| | 2006-10-17 10:14 |
| YLau： 1. 據我所知，士德每天放學，校工都會用漂白水清潔校園。朝早有藥水味可能係因為有學生嘔過，或者趁冇乜學生搞大掃除之類。 2. 我哋冇見過有燙斗喺課室咁誇（玩具燙斗就有），好多嘢喺檯度就唔出奇，因為我個囡（已畢業）讀全日班時，放學接佢，佢哋都放晒ｄ玩具喺檯面俾學生玩，家長嚟接，就未必叫佢哋收埋晒先放學。 至於星期六，好多學生唔駛返學（全日班小朋友周六都冇邊幾個會返學），亦即係可能冇學生上課（舊年全日班課室都喺3樓，今年可能都係咁），佢哋攞間房要嚟執嘢。 3. 我當初揀士德，就係因為佢係區內校舍最好嘅學前教育機構（我個囡n1時，我揀咗間喺《學前教育》見到報道，好鍾意佢教育理念嘅幼兒中心，但係喺石峽尾，接送咗一年，十分辛苦），而個人認為校園環境，特別係陽光對小朋友好重要（荃浸老師比例1:8都好吸引，但係校園細，課室基本上靠人工光源照明，中間嘅遊玩設施處，更冇窗，感覺就唔係咁舒服，仁濟都係類似）。唔知道您去果日係乜情況，不能代為解釋，不過提議您搵日好天再去睇過。 另外，士德有4層供學生使用，3樓有個半露天的玩樂處（不過唔算大），另4樓禮堂好多時放咗好多稍大型嘅玩樂設施俾小朋友玩（全日班就幾乎日日都去），呢啲要開放日先至參觀到。 4. 至於教學法同埋啲老師係點，請參閱同一欄較前位置。 不過因為下晝班啲學生容易流失，收生好多時不足29個，又有2-3個老師（2個班主任已係好受好評嘅老師，仲會有啲老師時常走入去幫手同客串吓），假如您唔介意小朋友遲啲起床，揀下晝班就易入好多。 |
| | 2006-10-17 11:32 |
| itbc： 我嗰囡係讀緊仁紀P1，我諗緊P2俾佢轉去浸聯（之前寫錯咗），因為： 1. 如您所言，功課冇咁多。 其實仁紀啲功課都唔算太多，我個囡最初拖得好長嚟做，後來我俾佢每做完一門功課就放10分鐘小息，做完嘅時間同之前冇放小息嘅，都係差唔多。 不過仁紀d先生要求好嚴，囡囡響士德果陣時，我哋好少擦佢d功課，但發仁紀d先生要求唔同（連數學老師都成日話"欠整齊"，啱晒都冇印印），有時迫佢再寫過。 呢樣嘢都幾干擾到囡囡嘅學習情緒，而我個人又覺得，日後好可能係人手一部PDA嘅電腦世界，d字靚唔靚，可能變咗藝術範疇嘅事，響字靚唔靚（其實我覺得囡囡已經好努力咁寫，但點都攞唔到A-)，尤其係數學，喺間線直唔直個ｄ嘢度，同個囡搞到咁薑，真係唔係好值。 2. 聽到囡囡n1同學仔話佢讀得超開心（嗰個係男同學，之前唔係咁肯同媽咪講佢嘅學習生活，入咗小學就講多咗好多，就算唔開心都會講出嚟），浸聯利用好多獎勵計劃引發學生舉手問問題同答問嘅興趣。 3. 我屋企住深井，去仁紀冇校車同褓姆車，讀浸聯近好多。 其實我都心大心細，其他啲家長各有意見，不如我將兩間學校的感覺寫出來，您用旁觀嘅角度睇吓您會點揀： 浸聯 仁紀 P1-P3活動教學， 傳統教學，默書嘅頻率不到一星期1次， 詳情唔清楚 相對我老公做學生時嘅1星期2-3次， 已減少了 學校有相當繁複嘅 仁紀都有，但係每個老師都不 獎勵制度，鼓勵學生 同，好似未成制度同氣氛 發問和答問 功課，聽講冇咁多 功課，老師要求頗嚴，阿囡好努 力成日都攞唔到印印，有時睇得 出佢都幾介意 開學家長義工： 開學家長義工可以去番自己仔女 冇得去番自己仔女果 果班，校長話佢都係為人父母， 班睇食午餐，理由好 都知道父母嘅心態 以係怕小朋友見到自 己父母會扭計啲 開學有半日開放日， 冇，亦未打算有 俾家長隨意入仔女 或其他特別（如視藝、 音樂等）課室，睇啲老師 點樣上堂教佢哋嘅仔女 校長：喺沙田呂明才做資優 校長：人好nice，好親民。 出身，喺短短10年間將浸聯 由佢搞每年主題的做法（今 打造成區內家長最理想嘅學 年主題係「堅毅」），發現 校（聽講青衣有間中學校長 此校未不僅僅著重成績，佢 嘅仔女都敲佢度門），理念 哋係鼓勵閱讀度做咗好多嘢 同眼光都幾闊。 （但係邊有咁多時間？），仲 鼓勵學生做義工同自訂目標， 咁嘅理念好值得欣賞。 其他活動：今年試驗某啲班 唔見到有類似嘅計劃， 全普通話上課，暑假已一星 但係家長義工做故事媽媽， 期五日讓P1嘅學生補課， 今年請啲媽媽帶領P1小朋友 習慣普通話教學（我朋友果仔 演繹媽媽揀嘅故事（主題 就係響其中一班，如上所述， 係堅毅），都幾創新； 都幾適應）。 有啲故事媽媽嘅囝囝已畢業， 仲番嚟做義工，可見成效唔錯。 另外，高年級嘅小老師計劃亦係我非常欣賞， 因為聽講果啲小老師不單單係成績好嘅學生。 假如本身有領導才能而成績略遜，都會被揀選 小息幫手到P1維持紀律，咁對小朋友嘅個人成 長都幾有鼓勵作用。 師生比例：雖然度門俾人 一班41人，所以好注重 敲到爛晒，但仍維持一班 上堂紀律，老師工作量 34人左右，係最吸引人嘅地方。 相對多好多。 升學率：兩間學校不相伯仲，浸聯好似仲高啲。 我有朋友係01年嘅家長，跟荃灣區家教聯會參觀過區內大部分嘅學校（點解葵涌區冇呢樣嘢嘅？），佢話浸聯嘅學生個樣最有自信（第二好似係石鐘山），我認為呢樣嘢係小學教育最終成就（小學，尤其係d男仔，智力發展會遲d，成績唔好，最影響係中學派位{不過都好緊要｝，只要初中階段遇到個好老師，成績好快就會追返上嚟，但討厭咗返學同對學習失去好奇心，就神仙難救！），所以對浸聯有期望。不過呢個決定最終都係要尊重囡囡同老公的意思，我入選到仁紀嘅家教會（差啲落選），會有助觀察學校嘅整體情況，反正敲門P2要睇P1成績，到睇清楚啲之後先決定吧。 |
更多選校、升學及教育心得討論內容
