帖子列表  登錄   
ambnur | 2007-02-04 18:37
善懷媽媽 :
好開心又多一位好媽媽加入,yeah!善懷媽媽 ,多謝你咁讚我,我太太今年五月生,我太太唔識游水架,不過,我都唸會陪佢去游下游下既,呀!你個bb好得意呀...男孩子?睇下我地響yoho見唔見到...你會唔會落去yoho小廚,我好小落(問黎都多餘:))睇下你會唔會散步時見到我同我太太啦!如果樓下有富豪雪糕而我地響屋企,咁我地好大機會會沖落樓下買,我太太鍾意食,我就一般... :-)
善懷媽媽 | 2007-02-05 01:44
ambnur:多謝你讚我個BB 得意:oops: 我間唔中會落去樓下食飯.你太太好鍾意食雪糕架?你最好叫你太太忍下口,會對BB氣管唔好,我大肚時日日都食雪糕雪條(唔知點解大肚時特別鍾意食),攪到我個小B氣管好似不太好,現在好後悔 :-( .你太太唔識游水唔緊要,你記得陪佢行多D,可以幫助生快D,我之前大肚差唔多日日都落去游水,到生時只係用了三個鍾就生左了,生仔好痛架,之前一定要做好準備,我當時都係怕痛,所以勁做運動,仲有七個月後記得叫你太太食啲涼嘢.係呢?你太太有冇上黎傾計架.
我係咪好長氣呀 ?:oops: 祝你生個肥肥白白嘅BB.
BBElaine | 2007-02-05 10:26
善懷媽媽你好,
我係第1胎, 游水真係好D, 好似平時咁游,
教吓我呀, 咩都唔識
yohopiglet | 2007-02-05 14:55
Hello,善懷媽媽你好,
你個b好可愛呀!
我都係第1胎,
游水---可以幾多個月昭開始游又游到幾時呀?
我而家17週,但仲好怕凍呀!
巳經病左兩次喇!所以諗住遲下先游.

你好叻呀! 3個鐘就生到.
你懷孕個時有冇特別食乜o野架??
湯水?? 花膠?? 補品?? .......

記得多提點我地呀!

:lol:
carmenyip | 2007-02-05 16:53
Quote:
ambnur 寫道:
[熟d、長期駐守喺你座頭嘅保安咪好d，有打招呼，我抱住妹妹返黎都有跑過黎開門，其他頂更嗰d同著黑色制服寫住標準警衛嗰d就差好多，又唔同你打招呼，又唔開門，一碌木咁。]

有時連長期駐守喺你座頭嘅保安見到我同我太太揪住野都慢慢咁開(夜更果個)~~~~大果個門咋~~~~，而第二道門有時連"do"都唔理你，何況開，唔知你係咪同我同一座... :-(


係呀？咁你要話佢lu... :ranting:
carmenyip | 2007-02-05 16:57
Quote:
elam 寫道:
carmen,
唉, 我呢輪真係好忙呀, 我做會計, 年頭年尾呢d日子唔洗旨意會得閒啦...我就快冇晒d朋友lu, 因為佢地打黎, 我都唔可以講太耐, 有時直頭唔聽電話tim呀...唉, 我其實都好想好似以前咁得閒煲下電話粥架....

Quote:
carmenyip 寫道:

elam,

你終於上黎喇！我唔敢打俾你，我驚你忙...
你個女同細個唔同晒樣咯...都唔認得


唔緊要，你仲有我，你得閒就搵我啦！
我唔會唔理你嘅... ;-)
carmenyip | 2007-02-05 17:09
ambnur,

1. 你都請咗工人，唔緊要啦！隔山買牛，好講彩數。我自從炒咗第一個賓賓之後，請咗第二個先ok。我而家呢個係印印，表現得50分。我唔想再浪費時間和錢去揀過個。

2. 其他媽咪就唔清楚，我所有朋友和同事，都係鍾意自己媽咪湊或幫手多d。唔好睇少呢個issue，可以令媽咪變成產後抑鬱架！你話你俾外母湊，外母係咪住喺你附近呀？咁樣佢唔駛咁辛苦。

3. 我之前參加威爾斯嘅產前講座，我覺得好詳盡，姑娘好有經驗同耐性，準備充足。我最鍾意係有得參觀產房，等我同老公有心理準備。我地亦有學同bb沖涼，原來好講技巧，我地雞手鴨腳，笑死姑娘，話我地浸死bb。

4. 你會唔會陪太太生架？我生兩個時，老公都入產房陪我。對佢黎講，係好經驗，因為佢"深切"體會我生仔係幾咁痛和辛苦，我生嗰時，佢捉住我隻手，又安慰我，又同我打氣，放心好多。到佢親眼見到bb出世時，佢好興奮和感動，"真係"覺得媽咪好偉大。佢話等小朋友大個時，會同佢地分享番當時嘅經歷。

5. 我何止四圍去！我仲有游水同行樓梯練氣生bb。不過真係要戒口，如果唔係，bb皮膚會唔靚架！一生一世架！

6. 駛唔駛裝3個cam咁多呀？一個喺廳度咪夠囉！你仲有外母睇住....
carmenyip | 2007-02-05 17:12
善懷媽媽，BBElaine，yohopiglet,

歡迎加入yoho town大家庭！ :wave:
carmenyip | 2007-02-05 17:21
不如我哋做個意見調查。各位有咩意見，表達出黎。我成日都好想寫信同管理處反映：

大家希望yoho town有咩服務或設施需要改善？

1. 無論現職或見習保安，都要加強主動性(如開門)和打招呼
2. 增加會所健身室設施，如按摩椅、騎馬機，好多會所都有
3. 增設spa服務
4. 增加會所餐飲服務項目，如加多些小食：腸粉、燒賣、車仔麵...
5. 延長會所午餐服務時間，由現時1點，提早由12點至2點
6. 增加兒童遊樂室設施，如滑梯、馬騮架等，每逢落雨就無得玩...
7. 綠色小園地又能美化環境，又可增加住客對yoho歸屬感，應開闢多些地方做小園地
善懷媽媽 | 2007-02-05 19:25
BB Elaine/yohopiglet:好多謝你讚我個小B :oops: 恭喜晒你哋呀.你哋預產期幾時呀?係呀,你哋一定要做多啲運動,生仔好痛架,樓下會所有暖水池,你哋多啲落去游下水,好似平時禁游就可以,但你哋要小心啲,千祈唔好冷親呀,唔係就好麻煩.我大肚時經常飲媽媽奶粉,有食燕窩,花膠都有,啲人話生個BB啲眼會靚啲,哈哈,唔知有無根據呢.仲有呀,你哋臨生前一兩個月食番啲糖水,啲人話易生啲喎,我好伯痛,所以之前我做足晒準備,果然到生嗰時真係好快,根本上我無用啲咩力,我識一個媽咪都好似我禁,大肚時成日去游水,佢都係用咗三個鍾就生咗.所以你哋千祈唔好偷賴呀.唔好意思,我比較長氣咗啲 :oops:
carmenyip:你好呀,我新搬入黎請多多指教 :wave: .係呀,你嘅意見我好讚成,尤其是按摩椅,因為屋企太細,如果會所設施可增設按摩椅就好了.
64/200
首頁|前頁|下頁|尾頁
.
Powered by Baby Kingdom
立即打開