多謝您咁講，我自己都冇後悔到俾個囡讀士德，因為士德嘅傳統係唔興負面咁睇學生。畢業後有次我撞見梁副校，同佢講有個同學仔可能唔係好適應仁紀，因為成日出位，問嗰個同學仔以前係唔係咁，佢都用好正面的形容，話佢比較好奇，好多嘢想知咗先。
因為以前要返工，我個囡成日"寄存"喺同學仔嘅屋企。有一位情緒都幾大，亦都幾固執，但又好怕羞。佢爹哋媽咪都成日擔心阿囝將來嘅社交能力，但係佢喺士德亦有非常愉快嘅學習經驗。
另外，我個囡K3讀全日班時，有個星期可能太累或什麼，有兩日瀨尿，K3喎！我問囡囡，啲同學仔有冇笑佢，佢話d同學根本就唔知。之後一星期左右，我放假去學校接囡囡，順便問吓個囡上星期點解會咁，新嚟嘅班主任馬老師即時答：而家佢已改善咗，冇乜事呀！佢咁講，我先為意個女都喺度，唔應該咁強調呢個問題，亦放心俾個囡跟呢位新老師。

至於英文，學校係行letterland（出面有CD同VCD賣，學校則有錄影帶借，多聽多睇有益），但因為我喺個女K1-K3時，冇乜跟佢d功課（搞到而家連英文字母嘅筆順，都要執過），只係間中同佢玩字咭遊戲，所以當時嘅成績都唔係好好（認識中英文生字欄，通常都係2）。
且有時識同融會掌握係兩回事。佢嘅聽力基本上冇問題，講個生字佢聽（就算係cave，pretend)佢都明，但要默書就真係兩回事。好彩而家因為車程長，我返學有時都同佢玩串字，慢慢適應到。
喺士德佢係學到好多嘢，有啲嘢係我哋同佢一齊搜集資料，或者佢話番俾我哋知（例如蟬原來只係雄嘅至會叫，士德教呢個專題時，會捉隻蟬，放吓個透明盒到，俾同學用眼觀察雄同雌嘅分別），但係未必可以fit到小學嘅填鴨課程，家長如果早啲喺無壓力下谷佢，可能適應會好啲。

我今早同另一家長講開，澄清番有關仁立嘅資料：
1. 仁立要求學生7:30-7:45am返學，過咗7:45算遲到
2. 仁立前兩年嘅校長不太獲好評，做咗幾年提早退休，舊年換咗個新校長，新官上任都幾要面，所以谷到盡，舊年確實有60個學生入咗林護。
3. 仁立星期一至五都冇課後嘅課外活動班，單星期六至有，同仁紀一至六都有，俾家長自由選擇（除校隊外自費，每課約$30左右）
4. 初步感覺，仁紀個校長唔喺好想煩到d老師，例如約家教會開會時間會約星期五，而唔想喺老師唔駛返工嘅星期六，咁可以話唔係一件壞事。

---

A1:
我前幾年係響奧海城地下嘅一間shop度買嘅
遲d打聽吓果度仲有冇得賣

---