我嗰個ok啦！成日大懞，唔記得呢樣嗰樣，成日要提。

不過我見我兩個小朋友都跟佢，所以算啦！我請工人嘅first priority都係呢個原因，如果連兩個仔女都唔跟佢，個工人都炒得啦！

我打咗個工作時間表俾佢，話俾佢聽每日邊段時間要做咩。因為基本上，兩個小朋友生活好有規律，哥哥幾點要起身、出門口返學、幾點要出去接佢、放學返黎要即刻沖涼食飯、幾點前要訓晏覺、訓到幾點、夜晚幾點食飯做功課、幾點前要刷牙訓覺。妹妹隔幾點要食奶、幾點要食米糊....

要話俾工人聽好多規矩，我用英文打一份出黎，當面解釋，講一條，要佢又再講多次，肯定佢係明，然後喺份嘢度簽名，費事話我無講過。我會定規矩如每日幾點要起身、幾點訓覺、有咩基本每日都要做嘅家務如洗燙摺衫，煮飯買餸，吸塵抹地抹傢俬等、放假幾點先可以出門口，出街前要做晒家務先走得，去街要幾點前返黎、佢唔可以用屋企電話煲粥(印傭好鍾意傾電話)(所以你屋企電話唔可以打到IDD)、僱主唔喺屋企，唔准睇電視，睇碟，開冷氣、幾多日先可以燙衫(你唔講，佢日日同你開燙斗燙衫，到時你d電費就....)幾耐換一次床單、幾時大洗廁所廚房、幾時洗窗簾、要唔要洗車...好多好多，唔夠可以再問我

最緊要同佢講，放假就算僱主唔喺屋企，唔可以帶朋友番黎，我工人放假唔俾佢留喺屋企，試過有次工人話無地方去，可唔可以留喺屋企。我話，你放假應該出去行吓，夠鐘就返黎。我唔留佢喺屋企，第一有時我會招呼朋友黎玩，佢嗰日明明放假，見到你有人黎，佢唔做野又好似唔係幾好，做野唔通你唔俾番人工佢咩？俾佢又唔順氣，佢明明放假嘛！第二我驚佢留喺屋企搞搞震，第三我放假都想自己hea吓，唔想對住佢，對咗成個禮拜仲唔夠呀？我都要私人空間嘛！

最緊要講明唔准佢喺出面借錢。我寫明如果我收到追數電話或信，佢即炒架！

---