細路仔喊好少事, 之後佢唔喊又答晒d問題, 應該好大機會, 我個仔舊年見果時, 咩都唔答, 連問佢叫咩名都唔答, 由我引導佢你叫咩名佢先好細聲咁答, 問佢邊個帶你嚟, 唔答, 呢兩個係咩(蘋果同橙), 唔答, 叫佢比個蘋果爸爸比個橙媽咪, 佢就有做, 動作題做晒, 最尾有講bye-bye, 不過就冇喊, 都收左啦, 當時都有d擔心, 唔收都唔知讀邊間好, 睇暈大窩口區最好呢間, 我同事話做咩唔見多幾間, 等佢大膽d先見心儀果間會好d :-o

---

喺荃灣區，好多家長都會揀劉章鴻，不過要排好耐，我個囡睇咗亦都唔係幾啱．

佢通常喺屋企附近睇唔好，最後都會去屯門悅湖山莊個邱國慶醫生度睇番好，不過真係好遠．

小朋友咳喉嚨唔舒服，我通常會俾一隻紐西蘭既蜜糖俾佢飲（因為含紫椎花，味道幾梗），通常都會舒服ｄ．大人飲一樣見功效．都係有家長介紹我既，之後亦推介咗俾好多人，似乎都幾有效．有ｄ家長仲叫細路日日飲1匙．

隻蜜糖以前只係響香港站先有得買，而家千色店3樓出面個走廊都有，仲出埋兒童味（冇咁難飲），一樽200ml賣$98，經過可以去試吓．

香港空氣差，小朋友好易有呼吸道毛病，所以暑假最好游多ｄ水，我個女日日去游果時，真係可以身體健康ｄ．

---

荊冕堂既老師同校長都好好人，呢個應該唔係問題．
但佢話面試同分既，都會抽籤交由上帝去決定．不過佢而家似乎開多咗班，容易入ｄ．

---

A1B2C3 ：

妳既分享好好喎 :-D :-D

我就會用新雅出既配對咭，同囡囡玩潛烏龜或者配對．玩過既咭佢都認到ｄ字，但未必識寫．

小囡剛上P1兩個月，昨天既總測驗，中默既範圍考晒咁多課，超過100個字！（有位家長形容得好妙，話要小朋友做人肉辭典）所以如果唔想仔女升小適應得咁辛苦，都係早D開始玩認字好D．可惜之前冇睇到你既分享．

---

itbc：
我都係之前份工要落學校做高小既補底班，發覺基礎差既小朋友都係家庭關顧較少既，點補都補唔到，且佢地既學習動機好差．驚起上黎，先至喺暑假辭咗份工．．．
點知都係適應得好辛苦 :-( :-(
好彩今日得校長安慰，話小朋友大大吓就好嫁嘞，最緊要引導佢地多睇課外書云云．．．
而好彩我個女最鍾意睇既電視係講英文既VCD，亦都好鍾意睇書(D圖畫)
我其實都有兼職喺身，有時要半夜起身趕工架 :-(

---

因為我之前做既機構曾經落過士德做老師工作坊，個導師仲遇到佢以前教過既學生添．
睇後來收集到既問卷調查，D老師對好多新教學法，例如戲劇治療，遊戲治療之類都好有興趣．
有同事落去同D小朋友做評估，都話D小朋友醒，雖然唔夠傳統名校D細路（如香港真光）咁乖，一同佢地講野就靜晒，但係解難能力都相當高，又敢於發問，質素幾唔錯．

---

我d同事都係, 早兩日假期, 個個嘅節目都係返去同d仔女溫書, 連男同事都係, 其實而家放假都會同佢溫吓d生字, 亞仔聽歌最叻, 聽幾次就識唱, 但認字就真係 :sm:

---