帖子列表  登錄   
davidmarco | 2006-07-03 08:52
sung米米:
我都驚今晚等位等好久,我們大約有10人,唔知可否打電話訂位?應5:30左右大班人話要去試炒冰,我都未食過,食完再去大榮華! :-)
Marie貓貓 | 2006-07-03 10:21
咁多位阿太好，我住係均樂附近的采葉庭，搬o左入元朗3 年多。
大榮華未裝修前都去過晚飯3、4 次，(食送)菜一律$48大蚊一個，即使炒菜都係。晚市5:45 開始，你無半數人無得入座，我祇試過一次祇等30mins 因唔夠人，另外2、3 次(星期日)就等到呆。唔接受即日訂位，不過都係裝修前，6月10 再開返都未去過，唔清楚規矩有無改。

我&家人認為好食o既……五味雞、砵仔焗魚腸(我唔食但家人大讚)、咕嚕肉青、馬拉糕，還有其他的不過唔記得，而且她會按季節換菜牌的。
另外豬油飯唔係咁香，她的豬油係液態。唔食豬油飯有 "靚仔"，好似仲有湯粉添。

新太興昨晚我都有去剪綵 :-) ，1st 次食她的蜜桃焗叉燒飯 & 青芥辣燒肉飯，稍(嚴)汁多味太濃要加個白飯會好d，而她的燒味當然ok喇。而這間的冰鎮奶茶我認為奶味太重，富達o個邊那間好飲d，她的咕嚕肉都好好食架，皮好脆，個汁酸酸甜甜比榮華更好味。
davidmarco | 2006-07-03 10:43
Marie貓貓:
你好呀!今晚我老公和他同事大約10人左右會去大榮華,全部人都係第一次去,你剛才話要無半數人就無得入座,咩意思,唔係好明,係咪即係,如我們有10人,就要最少比佢見到來齊5人才可入座的意思呢?今晚5:30我們會去吃炒冰先,食吃就去大榮華,應6:30都會到啦!唔係大約會等\多久時間呢?五味雞好多人都推介,仲有馬拉糕,你剛才話焗魚腸正,我會試下,唔該晒你呀,如你一陣又突然記得仲有食過咩好味,記得上來話我知啦 :-D ,這兒的餸菜是一律價錢的嗎48元?
Marie貓貓 | 2006-07-03 11:08
davidmarco,

係呀，你們10個人起碼要有5 個人才可入座。
18:30 到，要等幾耐，你真係問倒我，睇你o地彩數。
純粹個人建議，食過晚飯才吃炒冰，時間可能會比較容易控制。
$48 個(食送)係裝修前，家下有冇加價就唔清楚。另外值得推介的係茶市的韭菜豬紅，無論口感&味道都非常好，但晚飯有冇供應唔係好記得，大致上榮華的食物都算有水準，你們因應自己口味、習慣選菜都唔會太失望。
davidmarco | 2006-07-03 11:50
Marie貓貓:

哦,唔該晒你呀,我明白了!你有小朋友嗎?多大了?我住東頭這邊,以前晚上都會和兒子老公吃了晚飯,我就跑步去采葉庭這邊唯一個小公園,散下步,現在夏天實在又多蚊又熱,都不會去了,成日去到小公園這邊都望到采葉庭地上很多人燒野食,你就好啦,遊水咁方便,我都想呀,但只可去元朗這個又遠,白天又怕曬,又沒小孩玩的池,所以又不能去了!
Marie貓貓 | 2006-07-03 12:34
davidmarco,
你好，我有大少12歲，二小姐6 歲。
我係"無飯煮婦"，以前放假好鍾意留係屋企煮九大簋，自從有o左二小姐就懶 o左好多，家陣即使留係屋企食飯都係白粥配炒麵或can soup 配炒意粉，除非過年就會煮餐勁。

你講的公園仔好少去，除因蚊蟲多，還因d 人放狗o個頭好臭。若是學校假期或前夕，間中晚飯後會跟老細們到球場或沿屋苑外圍散步。我o地等緊藍球場使用，今次話7月15日啟用，希望唔會又再延期喇。
雖然樓下有泳池，要游水都唔係咁易。放工返到屋企都夜喇，游得水o黎就會食得太夜，食飽飯休息得來就游唔到水。
bbq 我唔係咁好，住o左咁耐都係玩過4、5次咁大把。風味跟在郊野公園差好遠，不過又真係幾方便o既。
rogavi818 | 2006-07-03 12:53
Quote:
davidmarco 寫道:
rogavi818,sung米米:
你地有無去大榮華食過呀,我星期一晚會去這兒吃,有咩好介紹必食推介呀,我只知道五味雞,馬拉糕,豬油飯,請問唔食豬油飯,係咪都會有白飯呀?? :-)


davidmarco

我去過大榮華 3- 4 次, 其實我都唔知有咩好食要特別推介,因為佢 d 送有陣時會唔同,你上面講果 d 都好食. 如果你唔食豬油就咁食砵仔飯囉,豬油係一支的比你落落 d 飯度,所以唔食豬油都冇咩問題.
rogavi818 | 2006-07-03 12:55
Quote:
davidmarco 寫道:
Quote:
sung米米 寫道:
rogavi818 ,
我琴日太興開張我已經想去食, 點知一去到實在太多人, 結果去左紅樹林食, 但係d野食超耐, 我老公個餐食完, 我個都未到, 已經唔係咁full都咁樣, 真係好懷疑廚房入面係唔係得一個人做野 :evil: . 至於太興我都有睇佢個價錢牌我都覺得佢幾貴下, 不過新開點都要一試 :mrgreen:


紅樹林真係唔多掂,我都只吃了兩三次,又唔好味!


davidmarco

係架, 不過有時唔想行近近地咪去果隻食囉
davidmarco | 2006-07-03 13:07
Marie貓貓:
一年燒野食一次我都覺得夠了,當然不及在郊外的感覺啦,你仔仔都12了,快甩身啦 :-) !這個公園算係最近一個,秋天才會去一兩次,都不多了,因實在太多蚊,好可怕!
rogavi818 | 2006-07-03 13:10
Quote:
sung米米 寫道:
rogavi818,
我地兩公婆今日都有去太興食, 今日撞你唔到添, 本想食早餐但去到話無都唔緊要啦試一試橫掂又唔駛等位, 我老公就話好好食, 但我就覺得偏鹹, 可能只係我叫個個焗意粉既問題啦, 因為我老公食燒味飯, 但真係唔平, 兩個人埋單八十幾, 我真係好間唔中先會再去, 但下一次一定要飲個杯有冰鎮住的奶茶同八寶飯, 今日見到碟八寶飯大度夠兩個人食既份量, 認真巴閉 :-D

:-( 英格蘭輸真係意料之外, ...但巴西輸係意料意料非常之外 :-( :-( :-(


sung 米米 ,

咁好唔使等位, 不過 7 月1 日果日我就等位等左一陣, 佢 d 燒味係幾好食的, 不過八寶飯 d 料真係好多, 係鍾意食送多過食飯果 d 就o岩晒喇.我都覺得貴架, 因為兩個人係咁二叫一樣野食兩個人都要八九十蚊埋單.我覺得冰鎮住的奶茶個賣相幾得意囉, 有隻碟放狙 d 冰跟住上面放杯好茶.下次約你去食下午茶喇, 睇下下午茶有咩食, 我淨係知道都會有 d 三文治呀,多士呀果 d.

係啦, england 輸左 d 運囉. 不過我冇睇巴西, 我老公話巴西踢到好似唔想踢唔想踢咁囉.!! 係估今屆會邊隊 champion 呢 ?? 我會估 德國 .
8/188
首頁|前頁|下頁|尾頁
.
Powered by Baby Kingdom
立即打開