帖子列表  登錄   
littleeva | 2005-05-25 18:12
愛美, 朱古力

tks
我都係決定買二件頭比仔仔. (有埋衫好d , 怕冷親)
我地車程要成 1小時 10 分. 如果早著定.我怕仔仔會唔多舒服.

至於毛巾.....其他野都係 另外找個袋入開比佢.

tks 大家.
penpen | 2005-05-25 20:48
littleeva,朱古力,
通告寫一件頭可以返學校先換, 因為女仔著一件頭返到學校去廁所先, 可能冇咁方便添~ 因仔若果淨係著泳褲就方便得多咯! 書包果日剩係帶手冊,茶點, 毛巾, 不用帶書! 水壺一定要帶, 因為我諗佢哋玩完多數都會好口渴, 好肚餓喇~
:mrgreen: 我自己就決定幫阿囡著三點色, 到時你哋D囝囝有眼福喇~ :mrgreen: 除左帶定多條底底之外, 另外會帶多個膠袋等佢玩完裝濕泳衣同埋毛巾 ;-) 其實我果日都會去幫手 :-) 相信見到佢哋一定會玩得好開心, 自己今日都開心, 揍阿囡返學, 見到佢果班D同學仲記得我呀! 我自己果日都要帶定多套衫去換呀! 好多行李!:-o


朱古力,
咁妳買咗第幾行呀? 今朝我係第一個,當我猶豫緊買$80定$50, 跟住個售票話第3(C)行都OK架喎! 又中間位, 所以我買咗囉! 連埋另一個媽咪4張, 中間10個都俾我買咗咯~(頭3行係$50) 跟住第4(D)行highlight咗! 第5(E)行留左, 第6(F)行開始就$80, 我未夠鐘已經排定隊, 差不多買完自己d飛, 跟住有個同學仔個媽咪打黎求救, 話將軍澳間TOMLEE電腦壞左, 買不到飛, 叫我幫佢買11張$80, 都唔夠5分鐘, 已經跳到第9(I)行喇~ 佢再遲D打俾我我都唔敢想像!! :roll:
今日揍阿囡返學見到妳囝囝, 戴眼鏡既真人俊好多喎! 我前兩日問阿囡妳囝囝係唔係戴眼鏡, 阿囡仲話妳囝囝戴眼鏡好有型添! :-)

佢哋已經練習緊表演既節目喇~ 今日老師話我知既! 老師問番我阿囡有冇講先知, 不過放學之後我問阿囡可唔可以跳"杜絹花"俾我睇, 佢已經跳到好多喇~ 又話俾我知邊個企佢隔離, 又話俾我知嚴老師帶咗D唔洗表演既同學出去! 又話我知到時佢哋表演老師會匿埋! :wave:

bosze,
妳又買咗飛未呀? 今日揍阿囡返學見到你囝囝, 佢同我玩, 好攪笑!! 我都有話俾佢知我星期一會去同佢哋玩水,佢都仲記得我, 我好開心! 仲有, 阿囡昨天在家學你囝囝擰轉個pat pat向住人打pat pat, 笑死我!! :-P


glory,
妳講既衣袋係唔係圍裙果part寫架?! 若果係, 就係指佢哋有件圍裙校服, 唔同年級同上下午班會有唔同的!! 例如今年我小朋友K1上午班, 係橙色, 下午班係格仔橙色, 到K2就會唔同, 若果件校服仲著到, 到時可以選擇淨係買對校服袋車返上件舊果度又或者買新的 ;-)

朱古力 | 2005-05-25 21:40
penpen,

我買G果行呀!係中間位.
你講開囡囡跳"杜鵑花",有日囝囝做比我睇,我仲以為佢地唱歌跳舞,無諗過係表演,等我都叫囝囝跳比我睇先得喇!
tiffshiao | 2005-05-25 23:01
禧媽媽

你個小朋友係青衣邊到上升車呀?
littleeva | 2005-05-26 09:32
penpen

tks

昨晚幫仔仔沖涼時我講開學校星期一玩水日, 點知仔仔話 :唔想玩.想玩水果日病左唔使返學

我估佢好驚. 真係細膽 !!!!佢都係比較內向.
penpen | 2005-05-26 10:17
朱古力,
妳買到第7行, 真係好好彩呀!! :-P
係呀! 表演黎架! 到時佢哋成班小朋友一齊跳, 一定好可愛!! :-)


littleeva,
妳囝囝會唔會怕醜? 我諗妳俾件一件頭泳衣佢著, 佢安全感會大d, 同埋到時都應該係用吹汽水池, 唔會太深水, 妳要話俾佢知, 多d鼓勵下佢! 問番佢, 有困難要點呀?! 我現在有時阿囡做唔到d野我問番佢, 佢都會成句講番出黎同埋盡力去做去試架! 同佢講多d正面既說話, 又話妳知佢到時大家一定會玩得好開心之類,加油呀!!
又或者妳今個禮拜同佢去玩水實習下先啦~ ;-) :mrgreen:
朱古力 | 2005-05-26 10:22
penpen,

知道你有份返學校幫手就好喇，因為囝囝好難玩架，我怕佢玩到癲o左呀，你幫我控制下佢，照顧下佢．有咩記得話番比我知呀！唔該晒你．
penpen | 2005-05-26 10:50
朱古力,
果日有4個地方, 我負責其中一度, 另外我哋呢班仲有3位媽咪+老師, 再+隔埋離班, 到時應該會兩班一齊玩, 我自己個囡都好爛玩架! 其實咁都好, 證明佢哋開心投入嘛! 放心啦~ 我相信各位家長老師一定會盡力照顧各位小朋友, 佢哋玩水活動唔係第一年攪, 學校有晒經驗架喇~ ;-)
昨天忘了告訴妳, 昨天見到妳囝囝笑容多了很多, 唔知係唔係因為戴咗眼鏡睇野清楚咗呢?! :mrgreen: 我又諗起一樣野, 妳星期一要唔要俾條眼鏡繩佢, 等佢玩果陣冇咁易跌眼鏡呀?! 我擔心佢玩水會易甩, 但又擔心佢玩完之後, 條繩濕咗會唔舒服?! 我提議咋 :wave:
朱古力 | 2005-05-26 11:02
penpen,

呀！你提醒o左我，我無眼鏡繩架．
而且我諗囝囝見眼鏡有水點都會唔舒服同埋會除．
我要教囝囝當天放好眼鏡在眼鏡盒，然後玩完先帶番．多謝你提我呀！
glory | 2005-05-26 11:37
tiffshiao
20分鐘 :-o 真係好快喎, 會唔會青衣碼頭係站尾呢?

禧媽媽
問過我呢邊約要45分鐘, 不過我估都要等七月中先確定行車時間/路線, 希望唔需要太耐車程啦..

penpen
Many Thanks! (如有唔明再問, 唔該晒)
87/201
首頁|前頁|下頁|尾頁
.
Powered by Baby Kingdom
立即打開