教育王國
更多選校、升學及教育心得討論內容
| jencheng | 2007-05-08 15:58 |
| 昨天去屯門醫院看MRI報告, 醫生說找到我個仔發展緩慢的原因是:右腦前頁生得唔靚, 所以影響到他現在16個月仍未能坐好(挨著就可以,喜歡企,也肯行吓),未懂講話,手部不太主動去拿東西, 還會影響智力..,好傷心.:-( .個醫生好似搵到個原因就已完成責任咁, 只是望住部電腦話比我聽人地寫的報告, 想問多句都好似好忙咁, 一點建議都沒有, 只提過排早期訓練及第日入讀特殊訓練學校, 其實我們由06年8月就開始排早期訓練, 但到今仍未有位, 初時只是以為個仔懶些, 但現在知道原來是腦部問題,當然想盡早安排訓練給他, 協康會說因我個仔一直已有做物理治療, 所以建議我報名職業治療及幼兒訓練, 但以私人報協康都未知可排到幾時, 還有甚麼私人機構可幫到我呢? 其他有發展緩緩問題的小朋友又是否和我個仔一樣,腦部天生結構有問題呢? 我個仔又不喜歡玩玩具,唔知點樣可幫到佢,有沒有父母可分享一下 :adore: :adore: |
| leader | 2007-05-10 12:48 |
| jencheng: 唔好咁傷心！我個小朋友都係因腦部問題，所以影響到發展遲緩。醫生有無話你小朋友需要食藥呀? 仲會唔會返〔腦科〕覆診呀? 06年8月排到宜家都未有位呀！！！我果時都係一路排政府，一路自費去參加協康青 |
| jencheng | 2007-05-11 10:28 |
| Leader, 屯門的兒腦科沒有話要食藥,食藥的作用是甚麼呢？只是安排再照多次MRI, 多謝你的資料,昨天我已打了去痙攣協會問有沒有訓練課程, 但好似佢地未有課程給2歲以下的, 所以佢地仲未覆我, 除了排協康會的青蔥計劃外, 我下星期都約了 Step-hk 做評估，我同意你說”時間寶貴”啊，等候期間都想他盡早有訓練． 唉，初時以為他只是比別人慢點，並不太著意他的問題，都沒有一早排定協康，到上星期MRI報告出咗現在才著急啊 |
| leader | 2007-05-11 14:45 |
| jencheng, 你好！如果你會返醫院覆診或檢查，你可以向醫生要求醫院日間專科服務（例如：職業治療. 物理治療 及 言語治療等）。 我小朋友排早期訓練都等 |
| jencheng | 2007-05-11 16:18 |
| Hi Leader, 痙攣協會今天覆我了,佢話剛剛有斑開, 下星期一做一次評估,接著再下一個星期就可上訓練 - 幼兒訓練/感覺認知等, $3510 有9堂, 真好呀,碰巧剛開斑有位, 如果唔係要再等2-3個月才有斑上. 其實我囝囝已經在屯門醫院做咗成年物理治療的了, 其他治療就未有安排到. 姑娘說要返咗早期訓練才會再安排其他如職業治療. 及 言語治療. 我上網見到3月31日已輪到我申請的月份, 但仍沒收到任何通知, 希望早日通知我啦, 再次多謝你的意見呀 |
| chingbobo | 2007-05-18 16:07 |
| 我囡囡現在9個月, 今日去尤德智能中心見物理治療師做評估,發覺佢全面發展遲緩3個月, 現安排做物理治療但未知會排到幾時......想知依家可以做d乜, 有冇d私人訓練中心可以幫到佢, 我唔想浪廢時間呀.....(我囡囡可自坐,但治療師話佢唔穩陣, 企都唔係太夠力, 扶持下唔識跨步行走, 不懂左手交右手!) :cry: |
| annaanna | 2007-05-18 16:47 |
| 我阿仔都係腦部問題影響到發展遲緩 :cry: 佢06年8月排s 位，黎緊9月開始番學喇﹗ ;-) 不過o係排政府o既期間，我報左青蔥o既幼兒訓練、協康o既playgroup、仲有由醫院排期o既物理治療。 :lol: 阿仔之前都唔肯玩玩具，不過為左發展及評估，盡量要佢玩多d，訓練下小肌肉﹗ 其實有好多機構都有提供幼兒訓練，我之前都試過好多間，但係個人認為，夾唔夾個導師係好重要o架﹗即管試多幾間，排多幾間，到時o岩心水先繼續上training啦 ;-) 大家一齊努力﹗ :-) |
| chingbobo | 2007-05-18 17:39 |
| annaanna, 你個仔幾時開始發覺有遲緩? 點樣check到個腦有問題? 會用乜形式去檢查架? 今日好擔心...冇晒心機... Quote: annaanna 寫道: 我阿仔都係腦部問題影響到發展遲緩 :cry: 佢06年8月排s 位，黎緊9月開始番學喇﹗ ;-) 不過o係排政府o既期間，我報左青蔥o既幼兒訓練、協康o既playgroup、仲有由醫院排期o既物理治療。 :lol: 阿仔之前都唔肯玩玩具，不過為左發展及評估，盡量要佢玩多d，訓練下小肌肉﹗ 其實有好多機構都有提供幼兒訓練，我之前都試過好多間，但係個人認為，夾唔夾個導師係好重要o架﹗即管試多幾間，排多幾間，到時o岩心水先繼續上training啦 ;-) 大家一齊努力﹗ :-) |
| leader | 2007-05-19 10:53 |
| 小朋友發展比其他人慢，但大家不要灰心，努力D幫小朋友追喇！！！追得幾多，得幾多嘛∼∼∼ :wink: :wink: :wink: 加油呀∼∼∼∼∼∼∼ :lalala: :lalala: :lalala: |
| jencheng | 2007-05-20 10:41 |
| 我都可分享一吓: - 我個仔現16個月, 他是因5個月時發展緩慢, 健康院轉介去智能體能中心做批評估,醫生叫醫務社工安排早期排早期訓練, 物理治療, 跟著醫院首先安排入院驟血,睇吓有沒有遺傳病,肌肉"考"素等,查不到才照MRI,看腦結構有沒有問題, 接著來緊的9月再去廣華醫院見遺傳科, 其實由發現緩慢到睇埋MRI 報告都差不多成年, 我06年8月開始排早期訓練但到今仍未有位, 所以都係要報私人自費的協康及痙攣的幼兒訓練, 政府的服務樣樣都要排長龍的, 就算私人的都係一樣, 你要早點安排啊. ps: 物理治療就1個月已排得到, 做了差不多成年, 每星期一次, 每次60元, 若不是在政府醫院做, 私人的點負擔得到啊 annaanna, 你說你個仔不喜歡玩玩具, 我的仔都係, 而且不喜歡去拿東西,又不喜歡別人捉他對手, 更不會左手交右手, 你的仔仔是否也一樣呢? Quote: chingbobo 寫道: annaanna, 你個仔幾時開始發覺有遲緩? 點樣check到個腦有問題? 會用乜形式去檢查架? 今日好擔心...冇晒心機... Quote: annaanna 寫道: 我阿仔都係腦部問題影響到發展遲緩 :cry: 佢06年8月排s 位，黎緊9月開始番學喇﹗ ;-) 不過o係排政府o既期間，我報左青蔥o既幼兒訓練、協康o既playgroup、仲有由醫院排期o既物理治療。 :lol: 阿仔之前都唔肯玩玩具，不過為左發展及評估，盡量要佢玩多d，訓練下小肌肉﹗ 其實有好多機構都有提供幼兒訓練，我之前都試過好多間，但係個人認為，夾唔夾個導師係好重要o架﹗即管試多幾間，排多幾間，到時o岩心水先繼續上training啦 ;-) 大家一齊努力﹗ :-) |
更多選校、升學及教育心得討論內容
